ಸಿಲಿಂಡರ್ ಸ್ಫೋಟಗೊಂಡು ನಾಲ್ಕು ಮನೆಗೆ ಬೆಂಕಿ

ಇಳಕಲ್ಲ (ಗ್ರಾ): ನಗರದ ಸರಗುರಭಾಷಾ ಕಟ್ಟೆ ಹತ್ತಿರದ ಮನೆಯಲ್ಲಿ ಭಾನುವಾರ ಸಿಲಿಂಡರ್ ಸ್ಫೋಟಗೊಂಡು ನಾಲ್ಕು ತಗಡಿನ ಶೆಡ್‌ಗಳು ಬೆಂಕಿಗೆ ಆಹುತಿಯಾಗಿವೆ.

ಹಿರೇಉಪನಾಳ ಗ್ರಾಮದ ರಸ್ತೆಯಲ್ಲಿರುವ ಶೆಡ್‌ಗಳಲ್ಲಿ ಈ ಅವಘಡ ನಡೆದಿದ್ದು, ದವಸ ಧಾನ್ಯ, ಬಟ್ಟೆ, ಆಭರಣ ಭಸ್ಮಗೊಂಡಿವೆ. ಸುದ್ದಿ ತಿಳಿದ ಕೂಡಲೇ ಸ್ಥಳಕ್ಕಾಮಿಸಿದ ಅಗ್ನಿ ಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಲು ಶ್ರಮವಹಿಸಿದರು. ಇಳಕಲ್ಲ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಪಿಎಸ್‌ಐ ಅನೀಲ ರಾಠೋಡ ತನಿಖೆ ನಡೆಸಿದ್ದಾರೆ.