ಸಾಸ್ವೆಹಳ್ಳಿ: ದೇವಸ್ಥಾನ ಸಮಿತಿಯವರು ಪ್ರತಿ ತಿಂಗಳು ಅಥವಾ ವಾರಕ್ಕೊಮ್ಮೆ ಹುಂಡಿ ತೆರೆದು ಹಣವನ್ನು ಬ್ಯಾಂಕ್ ಖಾತೆಗೆ ಜಮಾ ಮಾಡಿದರೆ ಹುಂಡಿ ಕಳವು ಪ್ರಕರಣಗಳಿಗೆ ತಡೆಹಾಕಬಹುದು ಎಂದು ಪಿಐ ಸುನಿಲ್ಕುಮಾರ್ ಸಲಹೆ ನೀಡಿದರು.
ಅವರು ಸಾಸ್ವೆಹಳ್ಳಿ ಸಮೀಪದ ಕಮ್ಮಾರಗಟ್ಟೆಯಲ್ಲಿ ಶುಕ್ರವಾರ ನಡೆದ ಆಂಜನೇಯಸ್ವಾಮಿಯ ಕಾರ್ಣಿಕೋತ್ಸವದಲ್ಲಿ ಸೇರಿದ್ದ ಸುತ್ತಮುತ್ತಲ ಗ್ರಾಮದ ದೇವಸ್ಥಾನದ ಸಮಿತಿಯವರೊಂದಿಗೆ ಮಾತನಾಡಿದರು.
ಹಲವು ತಿಂಗಳುಗಳ ಕಾಲ ಹುಂಡಿಯಲ್ಲಿ ಹಣ ಬಿಡುವುದರಿಂದ ಕಳ್ಳರಿಗೆ ಅನುಕೂಲವಾಗುತ್ತದೆ. ಈ ಕುರಿತು ಪೊಲೀಸ್ ಇಲಾಖೆಯಿಂದ ಸಾಕಷ್ಟು ಕ್ರಮ ಕೈಗೊಂಡರೂ ಪ್ರಕರಣಗಳು ನಡೆಯುತ್ತಿವೆ. ಆದ್ದರಿಂದ ಆಗಾಗ ಹುಂಡಿ ತೆಗೆದು ಹಣವನ್ನು ಬ್ಯಾಂಕ್ ಖಾತೆಗೆ ಜಮಾ ಮಾಡಿದರೆ ಕಳ್ಳತನ ಪ್ರಕರಣವೇ ಇರುವುದಿಲ್ಲ ಎಂದರು.
ಈ ಸಂದರ್ಭದಲ್ಲ್ಲಿ ಎಎಸ್ಐಗಳಾದ ತಿಪ್ಪೇಸ್ವಾಮಿ, ಹರೀಶ್ ಹಾಗೂ ವಿವಿಧ ಗ್ರಾಮಗಳ ಗ್ರಾಮಸ್ಥರು ಉಪಸ್ಥಿತರಿದ್ದರು.
