ಬೆಂಗಳೂರು: ಇತ್ತೀಚೆಗೆ ಬಹಳಷ್ಟು ಜನ ಸಿಟಿಯ ಟ್ರಾಫಿಕ್ ಜಂಜಾಟದಿಂದ ದೂರಾಗಲು ಪರಿಸರದ ಮೊರೆ ಹೋಗುತ್ತಾರೆ. ಅಂದರೆ ನದಿ, ಸಮುದ್ರ, ಬೆಟ್ಟದ ಪ್ರದೇಶಕ್ಕೆ ಬೈಕ್ನಲ್ಲಿ ರೈಡ್ ಹೋಗಿ ಬರುತ್ತಾರೆ. ಆದರೆ ನಗರ ಪ್ರದೇಶದ ರಸ್ತೆಯಲ್ಲಿ ಬೈಕ್ ಓಡಿಸಿದಂತೆ ಬೆಟ್ಟ ಗುಡ್ಡದ ಪ್ರದೇಶದಲ್ಲಿ ಓಡಿಸಿದರೆ ಅಪಘಾತಕ್ಕೆ ಖಚಿತ. ಬೆಟ್ಟ ಗುಡ್ಡದ ಪ್ರದೇಶದಲ್ಲಿ ಬೈಕ್ ಓಡಿಸುವುದು ಸುಲಭವಲ್ಲ. ಅದಕ್ಕೆ ಬೇರೆಯದೇ ಟೆಕ್ನಿಕ್ಗಳಿವೆ. ಇಲ್ಲಿ ಕೆಲವು ಟೆಕ್ನಿಕ್ಗಳನ್ನು ತಿಳಿಸಲಾಗಿದೆ.
ಬೈಕ್ ಅನ್ನು ಲೇನ್ನಲ್ಲಿ ಓಡಿಸಿ
ಬೆಟ್ಟದ ಪ್ರದೇಶದಲ್ಲಿ ಬೈಕ್ ಓಡಿಸುವಾಗ ಒಂದು ಲೇನ್ನಲ್ಲಿಯೇ ಓಡಿಸಬೇಕು. ಆಗ ನಿಮ್ಮಿಂದ ಬೇರೆ ವಾಹನಗಳಿಗೆ ಸಮಸ್ಯೆ ಆಗುವುದಿಲ್ಲ. ಮುಖ್ಯವಾಗಿ ಬೈಕನ್ನು ರಸ್ತೆಯ ತುದಿಯಲ್ಲಿ ಓಡಿಸಬಾರದು. ಏಕೆಂದರೆ ಬೇರೆ ವಾಹನಗಳು ಟರ್ನ್ ಮಾಡುವ ಸಂದರ್ಭದಲ್ಲಿ ನಿಮ್ಮ ಬೈಕ್ ತಡೆಯುತ್ತದೆ.
ಗೇರ್ನ ಬಗ್ಗೆ ಗಮನವಿರಲಿ
ಬೆಟ್ಟದ ಪ್ರದೇಶಕ್ಕೆ ಬೈಕ್ನಲ್ಲಿ ಹೋದಾಗ ಗೇರ್ನ ಬಗ್ಗೆ ಹೆಚ್ಚಿನ ಗಮನ ಹರಿಸುವುದು ಅಗತ್ಯ. ಯಾವಾಗಲೂ ಹೆಚ್ಚು ಆರ್ಪಿಎಮ್ (RPM) ಮತ್ತು ಕಮ್ಮಿ ಗೇರ್ನಲ್ಲಿ ಓಡಿಸಬೇಕು. ಎಲ್ಲಿ ಇಂಜಿನ್ ಹೆಚ್ಚು ಶಕ್ತಿಯನ್ನು ಉತ್ಪಾದಿಸುತ್ತದೆ ಎಂದು ಗುರುತಿಸಬೇಕು. ತಪ್ಪು ಗೇರ್ನಲ್ಲಿ ಚಲಿಸುವುದರಿಂದ ಬೈಕ್ ಹಠಾತ್ತನೆ ನಿಲ್ಲುವ ಸಾಧ್ಯತೆ ಇರುತ್ತದೆ.
ಸರಿಯಾದ ಸಮಯಕ್ಕೆ ಬ್ರೇಕ್ ಹಾಕಬೇಕು
ಬೈಕನ್ನು ಬೆಟ್ಟದ ಪ್ರದೇಶ ಅಥವಾ ಎಲ್ಲಿಯಾದರೂ ತೆಗೆದುಕೊಂಡು ಹೋದಾಗ ಬ್ರೇಕ್ಗಳು ಅತ್ಯಂತ ಮುಖ್ಯ. ಈ ಕಾರಣದಿಂದ ಸುರಕ್ಷಿತವಾಗಿ ಚಾಲನೆ ಮಾಡಬಹುದು. ಇತರರು ಕೂಡ ಸಮಸ್ಯೆಗಳನ್ನು ಎದುರಿಸಬೇಕಾಗಿಲ್ಲ. ಬೆಟ್ಟವನ್ನು ಹತ್ತುವಾಗ ಮುಂಭಾಗದ ಬ್ರೇಕ್ಗಿಂತ ಹಿಂದಿನ ಬ್ರೇಕ್ ಅನ್ನು ಹೆಚ್ಚು ಬಳಸಬೇಕು. ಇಳಿಯುವಾಗ ಹಿಂದಿನ ಬ್ರೇಕ್ಗಿಂತ ಮುಂಭಾಗದ ಬ್ರೇಕ್ ಅನ್ನು ಹೆಚ್ಚು ಬಳಸಬೇಕು. (ಏಜೆನ್ಸೀಸ್)
ಭಾರತಕ್ಕೆ ಜಮ್ಮು-ಕಾಶ್ಮೀರದಲ್ಲಿ ಲಿಥಿಯಂ ನಿಕ್ಷೇಪ ಪತ್ತೆಯಾಗಿದ್ದು ಜಾಕ್ಪಾಟ್ ಯಾಕೆ?