Friday, 16th November 2018  

Vijayavani

Breaking News

ಸೀತಾಪುರದಲ್ಲಿ ಗದ್ದೆಗಿಳಿದು ಭತ್ತ ನಾಟಿ ಮಾಡಿದ ಸಿಎಂ ಎಚ್​ಡಿಕೆ

Saturday, 11.08.2018, 1:48 PM       No Comments

ಮಂಡ್ಯ: ದಿನೆ ಕಳೆದಂತೆ ರೈತರ ಆತ್ಮಹತ್ಯೆ ಪ್ರಕರಣಗಳು ಹೆಚ್ಚುತ್ತಿದ್ದು, ರೈತ ವರ್ಗಕ್ಕೆ ಆತ್ಮಸ್ಥೈರ್ಯ ನೀಡುವ ಉದ್ದೇಶದಿಂದ ಸಿಎಂ ಎಚ್​.ಡಿ.ಕುಮಾರಸ್ವಾಮಿ ಸ್ವತಃ ತಾವೇ ಗದ್ದೆಗಿಳಿದು ನಾಟಿ ಕಾರ್ಯ ಮಾಡಿದ್ದಾರೆ.

ಮಂಡ್ಯ ಜಿಲ್ಲೆಯ ಪಾಂಡವಪುರ ತಾಲೂಕಿನ ಸೀತಾಪುರದಲ್ಲಿ ಬರೋಬ್ಬರಿ ಐದೂವರೆ ಎಕರೆ ಜಮೀನಿನಲ್ಲಿ 100 ಗಂಡಸರು ಹಾಗೂ 50 ಹೆಂಗಸರು ಭತ್ತ ನಾಟಿ ಮಾಡುವ ಮೂಲಕ ಸಿಎಂಗೆ ಸಾಥ್​ ನೀಡಿದರು.

ಸಿಎಂ ಭತ್ತ ನಾಟಿ ಮಾಡುತ್ತಾರೆ ಎಂದು ತಿಳಿದ ಊರಿಗೆ ಊರೇ ಜಮೀನಿನತ್ತ ನೆರೆದಿದ್ದು, ಹಬ್ಬದ ವಾತಾವರಣ ಮನೆ ಮಾಡಿದೆ. ಎಚ್​ಡಿಕೆ ಜಮೀನಿಗೆ ಬರುವ ಮುಂಚೆ ಅಲ್ಲಿನ ರೈತರು ಸಾಮೂಹಿಕವಾಗಿ ಎತ್ತುಗಳ ಮೂಲಕ ಉಳುಮೆ ಮಾಡಿ ಎಲ್ಲ ರೀತಿಯ ತಯಾರಿ ಮಾಡಿಕೊಂಡಿದ್ದರು.

ಎಲ್ಲರಿಗೂ ಐಡಿ ಕಾರ್ಡ್​
ಸಿಎಂ ಜತೆ ಭತ್ತ ನಾಟಿ ಮಾಡುವ ಎಲ್ಲ 150 ರೈತರಿಗೂ ಐಡಿ ಕಾರ್ಡ್​ ನೀಡಲಾಗಿದೆ. ನಾಟಿ ಮಾಡುವ ವೇಳೆ ಸೋಬಾನೆ ಪದ ಹಾಡುವವರಿಗೂ ಐಡಿ ಕಾರ್ಡ್​ ನೀಡಲಾಗಿದೆ.

ಸೋಬಾನೆ ಮೆರುಗು
ಸಿಎಂ ಭತ್ತ ನಾಟಿ ಮಾಡುವ ವೇಳೆ ಸೋಬಾನೆ ಮೆರುಗು ನೀಡಲು ಹೆಗ್ಗಡಹಳ್ಳಿ, ಕೆರೆತೊಣ್ಣೂರು, ಸುಂಕತೊಣ್ಣೂರಿನಿಂದ ಸೋಬಾನೆ ಹಾಡುಗಾರರನ್ನೇ ಕರೆಸಲಾಗಿದೆ. ಸೋಬಾನೆ ಪದ, ನಾಟಿ ಪದ, ಮಳೆರಾಯನ ಪದಗಳನ್ನು ಹಾಡಿ ಮೆರುಗು ನೀಡಿದರು.

ಬಿಗಿ ಬಂದೋಬಸ್ತ್​
ಭತ್ತ ನಾಟಿ ಕಾರ್ಯಕ್ರಮಕ್ಕೆ ಬಿಗಿ ಪೊಲೀಸ್ ಬಂದೋಬಸ್ತ್ ವ್ಯವಸ್ಥೆ ಒದಗಿಸಿದ್ದು, ಮೂವರು ಡಿವೈಎಸ್​ಪಿ, 13 ಇನ್ಸ್​ಪೆಕ್ಟರ್ ಮತ್ತು 300 ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ. (ದಿಗ್ವಿಜಯ ನ್ಯೂಸ್​)

Leave a Reply

Your email address will not be published. Required fields are marked *

Back To Top