Monday, 10th December 2018  

Vijayavani

ಆರ್​ಬಿಐ ಗವರ್ನರ್​ ಸ್ಥಾನಕ್ಕೆ ಊರ್ಜಿತ್​ ಪಟೇಲ್​ ರಾಜೀನಾಮೆ- ವಿಜಯ ಮಲ್ಯ ಗಡಿಪಾರಿಗೆ ಯುಕೆ ನ್ಯಾಯಾಲಯ ಆದೇಶ        ಬೆಳಗಾವಿಯಲ್ಲಿ ಚಳಿಗಾಲದ ಅಧಿವೇಶನ -ಮೊದಲ ದಿನ ಕಲಾಪದಲ್ಲಿ ಅಗಲಿದ ಗಣ್ಯರಿಗೆ ಸಂತಾಪ -ಮೈತ್ರಿ ಸರ್ಕಾರ ವಿರುದ್ಧ ಬಿಜೆಪಿ ಗುಡುಗು        ಸರ್ಕಾರದ ವಿರುದ್ದ ರೈತರ ಹೋರಾಟ -ದೀಡ್ ದಂಡ ನಮಸ್ಕಾರ, ಬಾರುಕೋಲು ಚಳುವಳಿ -ಪೀಪಿ ಊದಿ ನಾಯಕರನ್ನು ಎಚ್ಚರಿಸಿದ ರೈತರು        ಚಿಕ್ಕಬಳ್ಳಾಪುರದಲ್ಲಿ ಒತ್ತುವರಿ ಅರಣ್ಯ ಭೂಮಿ ತೆರವು -ಜೆಸಿಬಿ ಮುಂದೆ ಬಿದ್ದು ಗೋಳಾಡಿದ ರೈತರು -ಬಿಗಿ ಪೊಲೀಸ್ ಭದ್ರತೆಯಲ್ಲಿ ಕಾರ್ಯಾಚರಣೆ        940 ದಿನಗಳ ನಿರಂತರ ವಿದ್ಯುತ್ ಉತ್ಪಾದನೆ -ಕೈಗಾ ಅಣುಸ್ಥಾವರದಿಂದ ವಿಶ್ವ ದಾಖಲೆ -ಸ್ಥಳೀಯರ ವಿರೋಧದ ನಡುವೆಯೂ ಸಾಧನೆ        ಸಿದ್ಧಗಂಗಾ ಶ್ರೀಗಳ ಆರೋಗ್ಯದಲ್ಲಿ ಚೇತರಿಕೆ -ನಾಳೆ ವಾರ್ಡ್ ಗೆ ಶಿಫ್ಟ್ ಸಾಧ್ಯತೆ -ಅಲ್ಪಸಂಖ್ಯಾತ ವೈದ್ಯರ ಚಿಕಿತ್ಸೆ ಅಂತ ಪ್ರಸ್ತಾಪಿಸಿದ್ದ ಡಿಕೆಶಿ ಕ್ಷಮೆ        ಮಂಡ್ಯದ ನವದಂಪತಿಗೆ ವಿಶೇಷ ಗಿಫ್ಟ್ -ದೇಸೀ ಹಸು ಉಡುಗೊರೆ ನೀಡಿದ ಗೆಳೆಯರು -ಕಾಮಧೇನು ನೋಡಿ ಮದುಮಕ್ಕಳ ಸಂತಸ       
Breaking News

ದೇವೇಗೌಡರ ಬಗ್ಗೆ ಮೋದಿ ಮಾತನಾಡಬೇಕೆಂದರೂ ನಾಲ್ಕು ಬಾರಿ ಯೋಚಿಸುತ್ತಾರೆ: ಎಚ್‌ಡಿಕೆ

Thursday, 20.09.2018, 3:46 PM       No Comments

ಹಾಸನ: ಪ್ರಧಾನಿ ಮೋದಿಯೇ ದೇವೇಗೌಡರ ಬಗ್ಗೆ ಮಾತನಾಡಬೇಕು ಅಂದರೆ ನಾಲ್ಕು ಬಾರಿ ಯೋಚನೆ ಮಾಡುತ್ತಾರೆ. ಆದರೆ, ಇವರು ರಾಜ್ಯದಲ್ಲಿ ನಮ್ಮ ಕುಟುಂಬದ ಮೇಲೆಯೇ ಆರೋಪ ಹೊರಿಸುತ್ತಿದ್ದಾರೆ ಎಂದು ಮುಖ್ಯಮಂತ್ರಿ ಎಚ್‌. ಡಿ.ಕುಮಾರಸ್ವಾಮಿ ಹೇಳಿದರು.

ಉದಯಪುರದಲ್ಲಿ ಭಾಷಣ ಮಾಡಿದ ಅವರು, ರಾಜ್ಯದಲ್ಲಿನ ನಾಯಕರು ನಮ್ಮ ಕುಟುಂಬವು ಲೂಟಿ ಮಾಡುತ್ತಿದೆ ಎನ್ನುತ್ತಾರೆ. ಅಲ್ಲದೆ, ರೇವಣ್ಣ ಭೂಕಬಳಿಕೆ ಮಾಡಿದ್ದಾರೆ ಎಂದು ಆರೋಪ ಮಾಡಿದ್ದಾರೆ. ಈ ಬಗ್ಗೆ ಕೂಡಲೇ ಡಿಸಿಯಿಂದ ಮಾಹಿತಿ ಪಡೆದು ಕ್ರಮ ಕೈಗೊಳ್ಳಲು ತಿಳಿಸಿದ್ದೇನೆ. ಈ ಬಗ್ಗೆ ಅಧಿಕಾರಿಗಳೇ ದಾಖಲೆ ಬಿಡುಗಡೆ ಮಾಡುತ್ತಾರೆ ಎಂದು ತಿಳಿಸಿದರು.

ಕಮಿಷನ್ ಜನಕ ನೀವೇ…

ನೀವು ಹಿರಿಯರಿದ್ದೀರಿ ನಮ್ಮ ಬಗ್ಗೆ ಮಾತನಾಡಿ. ಆದರೆ, ದೇವೇಗೌಡರ ಬಗ್ಗೆ ಲಘುವಾಗಿ ಮಾತನಾಡಬೇಡಿ. ದೇವೇಗೌಡರಿಗೆ ಜನ್ಮ ನೀಡಿದ ಹರದನಹಳ್ಳಿ ಶಿವ ನಿಮಗೆ ಪಾಠ ಕಲಿಸುತ್ತಾನೆ. ಯಡಿಯೂರಪ್ಪನವರೇ ನಿಮ್ಮಂತೆ ಇನ್ಸ್‌ಟಿಟ್ಯೂಷನ್‌ಗಳನ್ನು ದುರ್ಬಳಕೆ ಮಾಡಿಕೊಂಡಿಲ್ಲ. ಕಮಿಷನ್ ಅಂತ ದೂರುತ್ತಿರಾ? ಈ ಕಮಿಷನ್ ಜನಕ ನೀವೇ ಯಡಿಯೂರಪ್ಪ ನವರೇ ಎಂದು ಕಿಡಿಕಾರಿದರು.

ವರ್ಗಾವಣೆಯಲ್ಲಿ ನಾವು ದುಡ್ಡು ಮಾಡುವ ಪಾಪದ ಹಣ ನಮಗೆ ಬೇಡ. ನಮ್ಮ ಕುಟುಂಬದ ಬಗ್ಗೆ ಲಘುವಾಗಿ ಮಾತಾಡಬೇಡಿ. ಹಳ್ಳಿಯಿಂದ ದೆಹಲಿಯ ಪ್ರಧಾನಮಂತ್ರಿ ಕೂತ ಸ್ಥಳ ನೋಡಿ ಬಂದಿರುವ ಕುಟುಂಬ ನಮ್ಮದು ಎಂದರು.

ಬಿಜೆಪಿ ಜತೆ ಮೈತ್ರಿಯಲ್ಲಿದ್ದಾಗಲೂ ಒತ್ತಡದಲ್ಲೇ ಕೆಲಸ ಮಾಡಿದ್ದೇನೆ. ಈಗಲೂ ಒತ್ತಡದಲ್ಲೇ ಕೆಲಸ ಮಾಡುತ್ತಿದ್ದೇನೆ. ಆದರೂ ನನ್ನ ಕರ್ತವ್ಯದಿಂದ ಹಿಂದೆ ಸರಿಯಲ್ಲ. ನನ್ನ ಮೇಲೆ ಬಿಜೆಪಿ ನಾಯಕರು ಬಳ್ಳಾರಿಯಲ್ಲಿ ಕೊಲೆ ಆರೋಪ ಮಾಡಿದರು ಎಂದು ತಿಳಿಸಿದರು.
ನನ್ನ ತಂದೆಯನ್ನು ಕೆಂಪು ಕೋಟೆ ಮೇಲೆ ಬಾವುಟ ಹಾರಿಸುವಷ್ಟು ಎತ್ತರಕ್ಕೆ ಕೊಂಡೊಯ್ದಿದ್ದೀರಿ. ನಿಮ್ಮ ಋಣ ತೀರಿಸುವ ಹೊರೆ ನಮ್ಮ ಮೇಲಿದೆ ಎಂದರು.

ಹಾಸನ ಉದ್ಧಾರ ಮಾಡುವ ಆಸೆ ರೇವಣ್ಣದು

ನನ್ನ ತಂದೆ ಕೆಲ ತಿಂಗಳು ಅಧಿಕಾರ ಹೊಂದಿದ್ದರು. ರಾಜಕೀಯದ ಬಹುತೇಕ ರಾಜಕೀಯ ಜೀವನವನ್ನು ವಿರೋಧ ಪಕ್ಷದಲ್ಲೇ ಕಳೆದರು. ವಿರೋಧ ಪಕ್ಷದಲ್ಲಿದ್ದರೂ ನನ್ನ ತಂದೆಗೆ ಶಕ್ತಿ ತುಂಬಿದವರು ಹಾಸನದ ಜನತೆ. ರೇವಣ್ಣನವರಿಗೆ ಬೇಗ ಬೇಗ ಕೆಲಸ ಮಾಡುವ ಆತುರ. ಹತ್ತು ವರ್ಷದಲ್ಲಿ ಅಧಿಕಾರದಲ್ಲಿ ಇಲ್ಲದ ಕಾರಣ ಒಂದೇ ರಾತ್ರಿಯಲ್ಲಿ ಹಾಸನಕ್ಕೆ ಹೆಚ್ಚು ಕೆಲಸ ಮಾಡಿ ಉದ್ಧಾರ ಮಾಡಬೇಕು ಎನ್ನುವ ಆಸೆ ರೇವಣ್ಣನದ್ದು. ಕೇವಲ ಮೂವತ್ತು ಕೋಟಿ ಹಾಸನಕ್ಕೆ ಕೊಟ್ಟಿದಕ್ಕೆ ಬಿಜೆಪಿ ನಾಯಕರು ವಿಧಾನಸಭೆಯಲ್ಲಿ ಮೇಜು ಕುಟ್ಟಿ ವ್ಯಂಗ್ಯ ಮಾಡಿದ್ದೀರಿ. ಇಂದು ಹಾಸನದಲ್ಲಿ ಅಂತಹ ಬಿಜೆಪಿ ವ್ಯಕ್ತಿಯನ್ನು ಗೆಲ್ಲಿಸಿದ್ದಿರಿ ಎಂದು ಹೇಳಿದರು. (ದಿಗ್ವಿಜಯ ನ್ಯೂಸ್)

Leave a Reply

Your email address will not be published. Required fields are marked *

Back To Top