Hardik Pandya: ಇದೇ ಮಾರ್ಚ್ 22ರಿಂದ ಶುರುವಾಗಲಿರುವ ಐಪಿಎಲ್ 18ನೇ ಆವೃತ್ತಿಗೆ ಈಗಾಗಲೇ ದಿನಗಣನೆ ಆರಂಭಗೊಂಡಿದೆ. ಮೊದಲ ಪಂದ್ಯ ಕೋಲ್ಕತ ನೈಟ್ ರೈಡರ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವೆ ಇದೆ. ಕಿಕ್ಸ್ಟಾರ್ಟ್ ಪಂದ್ಯದಲ್ಲಿ ಯಾರು ಶುಭಾರಂಭ ಮಾಡಲಿದ್ದಾರೆ ಎಂಬ ಕೌತುಕ, ಕುತೂಹಲ ಕ್ರಿಕೆಟ್ ಅಭಿಮಾನಿಗಳಲ್ಲಿ ಮನೆಮಾಡಿದೆ. ಇದೆಲ್ಲದರ ಮಧ್ಯೆ ತಮ್ಮ ಮೊದಲ ಐಪಿಎಲ್ ಪಂದ್ಯವನ್ನು 5 ಬಾರಿ ಚಾಂಪಿಯನ್ಸ್ ಆಗಿ ಮಿಂಚಿರುವ ಚೆನ್ನೈ ಸೂಪರ್ ಕಿಂಗ್ಸ್ ಎದುರು ಆಡಲಿರುವ ಮುಂಬೈ ಇಂಡಿಯನ್ಸ್ಗೆ ಸದ್ಯ ಬೇಸರ ಉಂಟಾಗಿದೆ. ಅದಕ್ಕೆ ಕಾರಣ ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯ ಅನುಪಸ್ಥಿತಿ.
ಇದನ್ನೂ ಓದಿ: ಬಿದಿರಿನ ಉಪ್ಪಿನ ಬಗ್ಗೆ ನಿಮಗೆ ತಿಳಿದಿದೆಯೇ? ಇದರ ಬೆಲೆ ಮತ್ತು ಪ್ರಯೋಜನಗಳನ್ನು ಕೇಳಿದ್ರೆ ಅಚ್ಚರಿ ಖಚಿತ! Bamboo Salt
ಮಾರ್ಚ್ 23ರಂದು ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆಯಲಿರುವ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಡುವಿನ ಪಂದ್ಯಕ್ಕೆ ಅಭಿಮಾನಿಗಳು ತೀವ್ರ ಕುತೂಹಲ ವ್ಯಕ್ತಪಡಿಸಿದ್ದಾರೆ. ಈ ಪಂದ್ಯ ಚಾಂಪಿಯನ್ಸ್ ಮತ್ತು ಚಾಂಪಿಯನ್ಸ್ ತಂಡಗಳ ನಡುವಿನ ಬಿರುಸಿನ ಪೈಪೋಟಿ ಆಗಿದ್ದು, ಪಂದ್ಯ ರೋಚಕತೆಗೆ ಸಾಕ್ಷಿಯಾಗಲಿದೆಯೇ ಎಂಬ ಪ್ರಶ್ನೆಗಳು ಕಾಡಿವೆ. ಇನ್ನು ಕಳೆದ ವರ್ಷ ಮುಂಬೈ ಇಂಡಿಯನ್ಸ್ ತಂಡದ ಕ್ಯಾಪ್ಟನ್ ಆಗಿ ನೇಮಕಗೊಂಡ ಹಾರ್ದಿಕ್ ಪಾಂಡ್ಯ, ರೋಹಿತ್ ಶರ್ಮ ಸ್ಥಾನವನ್ನು ಅಲಂಕರಿಸುವ ಮೂಲಕ ಎರಡನೇ ಬಾರಿಗೆ ತಂಡದ ನಾಯಕನಾಗಿ ಅಖಾಡಕ್ಕೆ ಮರಳಲಿದ್ದಾರೆ. ಆದರೆ, ಸಿಎಸ್ಕೆ ವಿರುದ್ಧದ ಮೊದಲ ಐಪಿಎಲ್ ಪಂದ್ಯದಲ್ಲಿ ಅವರು ಆಡುವಂತಿಲ್ಲ ಎಂಬ ಐಪಿಎಲ್ ನಿಯಮ ಇದೀಗ ಫ್ಯಾನ್ಸ್ಗಳ ಅಚ್ಚರಿಗೆ ಕಾರಣವಾಗಿದೆ.
ಪಾಂಡ್ಯ ಅನುಪಸ್ಥಿತಿಗೆ ಕಾರಣ?
ಕಳೆದ ಆವೃತ್ತಿಯ ಪಂದ್ಯದಲ್ಲಿ ಮಂದಗತಿಯ ಓವರ್ ರೇಟ್ ಮಾಡಿದ್ದಕ್ಕಾಗಿ ಭಾರೀ ದಂಡವನ್ನು ಮುಂಬೈ ಇಂಡಿಯನ್ಸ್ ಪಡೆಯಿತು. ತಂಡದ ನಾಯಕನಾಗಿ ಜವಾಬ್ದಾರಿ ಹೊತ್ತಿದ್ದ ಹಾರ್ದಿಕ್ ಮೇಲೆ ಇದರ ಪರಿಣಾಮ ಬೀರಿತು. 17ನೇ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ಮಾಡಿದ ಮೂರನೇ ಸ್ಲೋ ಓವರ್ ರೇಟ್ ಅದಾದ ಕಾರಣ, ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯಗೆ 30 ಲಕ್ಷ ರೂ. ದಂಡ ವಿಧಿಸಲಾಯಿತು. ಇದರೊಟ್ಟಿಗೆ ಮುಂಬರುವ ಐಪಿಎಲ್ 2025ರ ಆವೃತ್ತಿಯ ಮೊದಲ ಪಂದ್ಯದಿಂದ ನಿಷೇಧಿಸುವುದಾಗಿ ತಿಳಿಸಿತ್ತು. ಇದೀಗ ಅದಕ್ಕೆ ಅನುಗುಣವಾಗಿ ಮೊದಲ ಮ್ಯಾಚ್ನಿಂದ ಹೊರಗಿಡಲಾಗಿದೆ.
ಮೊದಲ ಮ್ಯಾಚ್ನಿಂದ ಹೊರಗೆ
ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಹಾರ್ದಿಕ್ಗೆ 30 ಲಕ್ಷ ರೂ. ದಂಡ ವಿಧಿಸಿದ ಐಪಿಎಲ್ ಮಂಡಳಿ, ತಂಡದ ಪ್ರತಿ ಆಟಗಾರರಿಗೆ ತಲಾ 12 ಲಕ್ಷ ರೂ. ದಂಡ ವಿಧಿಸಿತ್ತು. ಅದೇ ರೀತಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ನಾಯಕನಾಗಿದ್ದ ರಿಷಭ್ ಪಂತ್ಗೂ ಪೆನಾಲ್ಟಿ ಹಾಕಿ, ಆರ್ಸಿಬಿ ವಿರುದ್ಧದ ಪಂದ್ಯದಿಂದ ಹೊರಗಿಡಲಾಗಿತ್ತು. 18ನೇ ಸೀಸನ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ನಾಯಕನಾಗಿ ಹಾರ್ದಿಕ್ ಮುಂದುವರೆದಿದ್ದು, ನಿಯಮದ ಅನುಸಾರ ಮೊದಲ ಪಂದ್ಯದಿಂದ ಮಾತ್ರ ಅವರು ಹೊರಗುಳಿಯಲಿದ್ದಾರೆ,(ಏಜೆನ್ಸೀಸ್).
ಎಂಐ ಪಂದ್ಯಗಳ ಪಟ್ಟಿ
ಮಾರ್ಚ್ 23: MI vs CSK, ಚೆನ್ನೈ
ಮಾರ್ಚ್ 29: MI vs GT, ಅಹಮದಾಬಾದ್
ಮಾರ್ಚ್ 31: MI vs KKR, ಮುಂಬೈ
ಏಪ್ರಿಲ್ 4: MI vs LSG, ಲಕ್ನೋ
ಏಪ್ರಿಲ್ 7: MI vs RCB, ಮುಂಬೈ
ಏಪ್ರಿಲ್ 13: MI vs DC, ದೆಹಲಿ
ಏಪ್ರಿಲ್ 17: MI vs SRH, ಮುಂಬೈ
ಏಪ್ರಿಲ್ 20: MI vs CSK, ಮುಂಬೈ
ಏಪ್ರಿಲ್ 23: MI vs SRH, ಹೈದರಾಬಾದ್
ಏಪ್ರಿಲ್ 27: MI vs LSG, ಮುಂಬೈ
ಮೇ 1: MI vs RR, ಜೈಪುರ
ಮೇ 6: MI vs GT, ಮುಂಬೈ
ಮೇ 11: MI vs PBKS, ಧರ್ಮಶಾಲಾ
ಮೇ 15: MI vs DC, ಮುಂಬೈ
ಚೆನ್ನೈ ಸೂಪರ್ ಕಿಂಗ್ಸ್ ವೇಳಾಪಟ್ಟಿ
ಮಾರ್ಚ್ 23: CSK vs MI, ಚೆನ್ನೈ
ಮಾರ್ಚ್ 28: CSK vs RCB, ಚೆನ್ನೈ
ಮಾರ್ಚ್ 30: CSK vs RR, ಗುವಾಹಟಿ
ಏಪ್ರಿಲ್ 5: CSK vs DC, ಚೆನ್ನೈ
ಏಪ್ರಿಲ್ 8: CSK vs PBKS, ಚಂಡೀಗಢ
ಏಪ್ರಿಲ್ 11: CSK ವಿರುದ್ಧ KKR, ಚೆನ್ನೈ
ಏಪ್ರಿಲ್ 14: CSK ವಿರುದ್ಧ LSG, ಲಕ್ನೋ
ಏಪ್ರಿಲ್ 20: CSK ವಿರುದ್ಧ MI, ಮುಂಬೈ
ಏಪ್ರಿಲ್ 25: CSK ವಿರುದ್ಧ SRH, ಚೆನ್ನೈ
ಏಪ್ರಿಲ್ 30: CSK ವಿರುದ್ಧ PBKS, ಚೆನ್ನೈ
ಮೇ 3: CSK ವಿರುದ್ಧ RCB, ಬೆಂಗಳೂರು
ಮೇ 7: CSK ವಿರುದ್ಧ KKR, ಕೋಲ್ಕತ್ತಾ
ಮೇ 12: CSK ವಿರುದ್ಧ RR, ಚೆನ್ನೈ
ಮೇ 18: CSK ವಿರುದ್ಧ GT, ಅಹಮದಾಬಾದ್