ನವದೆಹಲಿ: ರೈತನ ವೇಷ ಧರಿಸಿದ 6 ವರ್ಷದ ಈ ಹುಡುಗ ಯಾರು ಹೇಳಬಲ್ಲಿರಾ? ದೊಡ್ಡವನಾದ ಮೇಲೆ ಈತ ಸೂಪರ್ ಮಾಡೆಲ್ ಹಾಗೂ ಬಾಲಿವುಡ್ ನಟನಾಗಿದ್ದಾನೆ. ಗೊತ್ತಾಯಿತಾ? ಇದು ಭಾರತದ ಪ್ರಸಿದ್ಧ ರೂಪದರ್ಶಿ ಮತ್ತು ಫಿಟ್ನೆಸ್ ಐಕಾನ್ ಮಿಲಿಂದ್ ಸೋಮನ್.
ಆಗಾಗ್ಗೆ ಥ್ರೋಬ್ಯಾಕ್ ಪಿಚ್ಚರ್ಗಳನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡುವ ಹವ್ಯಾಸವಿರುವ ಸೋಮನ್, ಇದೀಗ, ತಮಗೆ 6 ವರ್ಷವಾಗಿದ್ದಾಗ ರೈತನ ವೇಷ ತೊಟ್ಟು ತೆಗೆಸಿಕೊಂಡಿದ್ದ ಹಳೆಯ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ. ಇದರೊಂದಿಗೆ, ತೋಟವೊಂದರಲ್ಲಿ ದೊಡ್ಡ ಸಿಹಿಗುಂಬಳಕಾಯಿಯನ್ನು ಹಿಡಿದು ಆಡುತ್ತಿರುವ ತಮ್ಮ ಈಗಿನ ವಿಡಿಯೋವನ್ನೂ ಶೇರ್ ಮಾಡಿದ್ದಾರೆ.
View this post on Instagram
ಈ ಪೋಸ್ಟ್ಗೆ “6 ವರ್ಷವಾಗಿದ್ದಾಗ ಕೃಷಿಕನಾಗಬಯಸಿದ್ದೆ, ಈಗ 50 ವರ್ಷಗಳ ನಂತರ ಕೃಷಿಕನಾಗಿದ್ದೀನಿ” ಎಂದು ಟಿಪ್ಪಣಿ ಬರೆದಿರುವ ಮಿಲಿಂದ್ ಸೋಮನ್, “ತರಕಾರಿಗಳಿಗೆ ಕೃತಕ ಬಣ್ಣ ಹಾಕುತ್ತಾರೆ ಮತ್ತು ಹಣ್ಣುಗಳಿಗೆ ಇಂಜೆಕ್ಷನ್ ನೀಡುತ್ತಾರೆ ಎಂದೆಲ್ಲಾ ಕೇಳುತ್ತಿದ್ದೇವೆ. ಆದ್ದರಿಂದ ನಿಮ್ಮದೇ ಬೆಳೆದುಕೊಂಡರೆ ಅತ್ಯುತ್ತಮ ಅಥವಾ ಸ್ನೇಹಿತರೊಂದಿಗೆ ಕೂಡಿಕೊಂಡು (ಕೃಷಿ) ಮಾಡಿ. ನಿಮ್ಮ ಬೇರುಗಳಿಗೆ ಹಿಂತಿರುಗಿ” ಎಂದು ಸಲಹೆ ನೀಡಿದ್ದಾರೆ. ತಮ್ಮ ಈ ಪೋಸ್ಟ್ಗೆ ಹೆಲ್ತ್ ಎಂಬ ಹ್ಯಾಶ್ಟ್ಯಾಗ್ ಕೂಡ ಹಾಕಿದ್ದಾರೆ.(ಏಜೆನ್ಸೀಸ್)
ರಾಂಪ್ ವಾಕ್ ಮಾಡಿ ಗಮನ ಸೆಳೆದ ಕರೀನಾ; ‘ನನ್ನ ಆಯ್ಕೆಗೆ ಬಿಟ್ಟಿದ್ದರೆ, ಕಫ್ತಾನ್ ತೊಟ್ಟಿರುತ್ತಿದ್ದೆ’ ಎಂದರು!
ಪಾನ್ ಮಸಾಲ ಜಾಹೀರಾತಿನ ಹಣ ಹಿಂತಿರುಗಿಸಿದ ಅಮಿತಾಭ್ ಬಚ್ಚನ್!