ಇದ್ರಾಳಿಯಲ್ಲಿ ರೈಲ್ವೆ ಮೇಲ್ಸೇತುವೆ ಕಾಮಗಾರಿ
ವಿಜಯವಾಣಿ ಸುದ್ದಿಜಾಲ ಉಡುಪಿ
ಉಡುಪಿ-ಮಣಿಪಾಲ ರಾಷ್ಟ್ರೀಯ ಹೆದ್ದಾರಿ 169-ಎಯಲ್ಲಿ ಇಂದ್ರಾಳಿಯಲ್ಲಿ ರೈಲ್ವೆ ಮೇಲ್ಸೇತುವೆಯ ಬೌಸ್ಟ್ರಿಂಗ್ ಗರ್ಡರ್ ಜೋಡಿಸುವ ಕಾರ್ಯ ಮೇ 13ರಂದು ಸಂಜೆಯೊಳಗೆ ಪೂರ್ಣಗೊಂಡಿದೆ.
ರೈಲ್ವೆ ಇಲಾಖೆಯ ಅನುಮತಿಯ ಮೇರೆಗೆ ಮೇ 12ರಂದು ಬೆಳಗ್ಗೆ 11:30ರಿಂದ ಸ್ಟೀಲ್ ಗರ್ಡರ್ ಬ್ರಿಡ್ಜ್ ಜೋಡಣೆ ಕಾರ್ಯ ನಡೆದಿತ್ತು.
ವೆಲ್ಡಿಂಗ್ ಕಾರ್ಯ
ಸುಮಾರು 450 ಮೆಟ್ರಿಕ್ ಟನ್ ತೂಕದ 60 ಮೀಟರ್ ಉದ್ದದ ಗರ್ಡರ್ ಸೇತುವೆಯನ್ನು ಇಂದ್ರಾಳಿ ಪೆಟ್ರೋಲ್ ಪಂಪ್ ಮುಂಭಾಗದ ರಾಷ್ಟ್ರೀಯ ಹೆದ್ದಾರಿಯಲ್ಲಿಯೇ ನಿರ್ಮಿಸಲಾಗುತ್ತಿತ್ತು. ಒಂದು ವರ್ಷದಿಂದ ವೆಲ್ಡಿಂಗ್ ಕಾರ್ಯ ನಡೆದಿತ್ತು.
ಗ್ರಿಬ್ಸ್ ಮೂಲಕ ಸ್ಥಳಾಂತರ
ಸಿದ್ಧಗೊಂಡಿದ್ದ ಸ್ಟೀಲ್ ಸೇತುವೆಯನ್ನು ಇನ್ನೊಂದು ತುದಿಯವರೆಗೆ ತಲುಪಿಸಲು ಗ್ರಿಬ್ಸ್ ತಂತ್ರಜ್ಞಾನದ ಮೂಲಕ ಸಾಗಿಸಲಾಯಿತು. ಸೇತುವೆಯ ಕೆಲಭಾಗದಲ್ಲಿ ಒಂದರ ಮೇಲೊಂದರಂತೆ ಗ್ರಿಬ್ಸ್ ಅಳವಡಿಸಿ, ಅದರ ಮೇಲೆ ರೈಲ್ವೆ ಹಳಿಯ ಮಾದರಿಯಲ್ಲೇ ಎರಡೂ ಕಡೆ ಹಳಿ ನಿರ್ಮಿಸಿ ಯಂತ್ರದ ಮೂಲಕ ಗರ್ಡರ್ ಬ್ರಿಡ್ಜ್ಅನ್ನು ಇನ್ನೊಂದು ತುದಿಗೆ ಎಳೆಯಲಾಯಿತು.
ಕಾಂಕ್ರೀಟ್ ಸ್ಲ್ಯಾಬ್ಗೆ ಜೋಡಣೆ
ನೂರಾರು ಅಡಿ ಕೆಳ ಭಾಗದಲ್ಲಿ ರೈಲು ಹಳಿಗಳಿದ್ದು, ಈ ಮೊದಲೇ ಎರಡೂ ಬದಿಗಳಲ್ಲಿ ಸಿದ್ಧಪಡಿಸಿಟ್ಟುಕೊಂಡಿದ್ದ ಕಾಂಕ್ರೀಟ್ ಸ್ಲ್ಯಾಬ್ಗಳಿಗೆ ಗರ್ಡರ್ ಸೇತುವೆಯನ್ನು ಹೊಂದಿಸಿ ಜೋಡಿಸಲಾಗಿದೆ. ರೈಲು ಸಂಚಾರದ ವೇಳೆ ಜೋಡಣೆ ಕಾರ್ಯ ಸ್ಥಗಿತಗೊಳಿಸಲಾಗಿತ್ತು.
| ಕೋಟ ಶ್ರೀನಿವಾಸ ಪೂಜಾರಿ. ಸಂಸದ
