ಬೆಂಗಳೂರು: ಅಲ್ಲೊಬ್ಬ ಕುಂಭಕರ್ಣ, ಆತನಿಗೆ ದಿನಕ್ಕೆ 18 ಗಂಟೆ ನಿದ್ರೆ.. ಅಲ್ಲೊಂದು ಎಗ್ಸೆಲ್ ಮಾಫಿಯಾ, ಅದರ ವಿರುದ್ಧ ಸಿಡಿದೇಳುವ ಆತನಿಗೆ ಇರುವುದು ಎರಡೇ ಆಯ್ಕೆ, ನಿದ್ರೆ ಅಥವಾ ಯುದ್ಧ. ಮುಂದೇನು? ಎಂಬ ಕುತೂಹಲ ಮೂಡಿಸುವ ‘ಜಂಟಲ್ವ್ಯಾನ್’ ಸಿನಿಮಾದ ಟ್ರೇಲರ್ ಮೊನ್ನೆಮೊನ್ನೆಯಷ್ಟೇ ಬಿಡುಗಡೆ ಆಗಿದ್ದು, ಈಗಾಗಲೇ ನಾಲ್ಕು ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡು ಹಲವರಿಂದ ಮೆಚ್ಚುಗೆಗೆ ಪಾತ್ರವಾಗುತ್ತಿದೆ.
‘ಜಿ ಸಿನಿಮಾಸ್’ ಮೂಲಕ ಗುರು ದೇಶಪಾಂಡೆ ನಿರ್ವಣ, ಜಡೇಶ್ ಕುಮಾರ್ ಹಂಪಿ ನಿರ್ದೇಶನದಲ್ಲಿ ಪ್ರಜ್ವಲ್ ದೇವರಾಜ್-ನಿಶ್ವಿಕಾ ನಾಯ್ಡು ಅಭಿನಯಿಸಿರುವ ‘ಜಂಟಲ್ವ್ಯಾನ್’ ಚಿತ್ರದ ಟ್ರೇಲರ್ ಬಿಡುಗಡೆ ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್, ನಟ ಧ್ರುವ ಸರ್ಜಾರಿಂದ ನೆರವೇರಿತು. ನಿರ್ವಪಕರ ಸಂಘದ ಅಧ್ಯಕ್ಷ ಡಿ.ಕೆ.ರಾಮಕೃಷ್ಣ, ಗೌರವ ಕಾರ್ಯದರ್ಶಿ ಕೆ.ಮಂಜು ಮುಂತಾದವರು ಉಪಸ್ಥಿತರಿದ್ದರು.
‘ಒಳ್ಳೆಯ ಸಬ್ಜೆಕ್ಟ್ ಆರಿಸಿಕೊಂಡಿದ್ದೀರಿ, ಟೀಮ್ ಕೂಡ ಚೆನ್ನಾಗಿದೆ. ಪ್ರಜ್ವಲ್ ಚೆನ್ನಾಗಿ ನಟಿಸಿದ್ದಾರೆ. ಟ್ರೇಲರ್ನಿಂದ ಚಿತ್ರದ ಬಗ್ಗೆ ಕುತೂಹಲ ಉಂಟಾಗಿದೆ. ಕನ್ನಡ ಚಿತ್ರಗಳನ್ನು ಪ್ರೋತ್ಸಾಹಿಸುವುದು ನಮ್ಮ ಕರ್ತವ್ಯ. ನಮ್ಮನ್ನೆಲ್ಲ ಸಾಕಲು ಅಭಿಮಾನಿ ದೇವರುಗಳಿದ್ದಾರೆ’ ಎಂದು ಪುನೀತ್ ರಾಜ್ಕುಮಾರ್ ಮೆಚ್ಚುಗೆ ವ್ಯಕ್ತಪಡಿಸಿದರು. ‘ಈ ಟೈಟಲ್ ನನ್ನ ಬಳಿ ಇತ್ತು. ಆದರೆ ನಾನು ಅವರು ಕೇಳಿದಾಕ್ಷಣ ಕೊಟ್ಟೆ’ ಎಂದರು ಕೆ.ಮಂಜು. ‘ನನ್ನ ಸಿನಿಜೀವನಕ್ಕೆ ಪುನೀತ್ ರಾಜ್ಕುಮಾರ್ ಅವರೇ ಸ್ಪೂರ್ತಿ’ ಎಂದರು ಪ್ರಜ್ವಲ್.
‘ಈ ಕಥೆ ಮೇಲೆ 8 ತಿಂಗಳು ಕೆಲಸ ಮಾಡಿದ್ದೇವೆ. ಪ್ರತಿಯೊಬ್ಬರೂ ಹಾರ್ಡ್ವರ್ಕ್ ಮಾಡಿದ್ದೇವೆ’ ಎಂದರು ನಿರ್ವಪಕ ಗುರು ದೇಶಪಾಂಡೆ. ನಟ ಸಂಚಾರಿ ವಿಜಯ್. ಧ್ರುವ ಸರ್ಜಾ, ನಟಿ ನಿಶ್ವಿಕಾ ನಾಯ್ಡು, ವಿಲನ್ ಆಗಿ ಕಾಣಿಸಿಕೊಂಡಿರುವ ಹೊಸ ಪ್ರತಿಭೆ ಅರ್ಜುನ್, ನಿರ್ದೇಶಕ ಜಡೇಶ್ಕುಮಾರ್ ಹಂಪಿ, ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್ ಮುಂತಾದವರು ಸಮಾರಂಭಕ್ಕೆ ಸಾಕ್ಷಿಯಾದರು.
ರಿಲೀಸ್ಗೂ ಮುನ್ನ ರಿಮೇಕ್ಗೆ ಬೇಡಿಕೆ
‘ಜಂಟಲ್ವ್ಯಾನ್’ ಚಿತ್ರ ಜ. 31ಕ್ಕೆ ಬಿಡುಗಡೆ ಆಗಲಿದೆ. ಆದರೆ ಅದಕ್ಕೂ ಮುನ್ನ ರಿಮೇಕ್ಗೆ ಬೇಡಿಕೆ ಬಂದಿದೆ ಎನ್ನುತ್ತಾರೆ ನಿರ್ವಪಕ ಗುರು ದೇಶಪಾಂಡೆ. ‘ಟ್ರೇಲರ್ ಕಂಡ ಮೇಲೆ ತಮಿಳು, ತೆಲುಗು ಮಲಯಾಳಂ ಚಿತ್ರರಂಗದಿಂದ ರಿಮೇಕ್ಗೆ ಬೇಡಿಕೆ ಬಂದಿದೆ. ನಟ ಸಾಯಿಕುಮಾರ್, ನಟ ಸಿಂಬು ಮ್ಯಾನೇಜರ್ ಸೌಂದರ್, ತಿರುಸ್ಸುರ್ ಸುನಿಲ್ ಶೌರ್ಯ ಕ್ರಮವಾಗಿ ತೆಲುಗು, ತಮಿಳು, ಮಲಯಾಳಂ ರಿಮೇಕ್ ಬಗ್ಗೆ ಮಾತುಕತೆ ನಡೆಸಿದ್ದಾರೆ’ ಎಂದರು ಗುರು.