ಡೆಲ್ಲಿ ಕ್ಯಾಪಿಟಲ್ಸ್​ ಉಪನಾಯಕನಾಗಿ ಆರ್​ಸಿಬಿ ತಂಡದ ಮಾಜಿ ನಾಯಕ ನೇಮಕ!

ನವದೆಹಲಿ: ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕ ಫಾಫ್ ಡು ಪ್ಲೆಸಿಸ್​ ಮುಂಬರುವ ಐಪಿಎಲ್​ 18ನೇ ಆವೃತ್ತಿಗೆ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ನೂತನ ಉಪನಾಯಕರಾಗಿ ನೇಮಕಗೊಂಡಿದ್ದಾರೆ. ಫ್ರಾಂಚೈಸಿ ಸೋಮವಾರ ಅಧಿಕೃತವಾಗಿ ಪ್ರಕಟಿಸಿದ್ದು, ಈ ಮೂಲಕ ಡೆಲ್ಲಿ ಈ ಬಾರಿ ಹೊಸ ನಾಯಕ, ಹೊಸ ತರಬೇತಿ ಬಳಗದೊಂದಿಗೆ ಸಂಪೂರ್ಣವಾಗಿ ಬದಲಾವಣೆಗೊಂಡಿದೆ.

2022ರಿಂದ 2024ರವರೆಗೆ ಐಪಿಎಲ್​ನಲ್ಲಿ ಆರ್​ಸಿಬಿ ತಂಡವನ್ನು ಎರಡು ಬಾರಿ ಪ್ಲೇಆ್​ಗೇರಿಸಿದ್ದ 40 ವರ್ಷದ ಡು ಪ್ಲೆಸಿಸ್​, 42 ಪಂದ್ಯಗಳಲ್ಲಿ 21&21 ಸೋಲು&ಗೆಲುವಿನ ದಾಖಲೆ ಹೊಂದಿದ್ದಾರೆ. ನಂತರ ಆರ್​ಸಿಬಿ ತಂಡದಿಂದ ಕೈಬಿಟ್ಟ ಬಳಿಕ ಮೆಗಾ ಹರಾಜಿನಲ್ಲಿ ಮೂಲಬೆಲೆ <2 ಕೋಟಿಗೆ ಡೆಲ್ಲಿ ತಂಡ ಸೇರಿದ್ದರು. ಉಪನಾಯಕನಾಗಿ ನೇಮಕಗೊಂಡ ಬಳಿಕ ಡು ಪ್ಲೆಸಿಸ್​ ಹನ್ನೊಂದರ ಬಳಗದಲ್ಲೂ ಸ್ಥಾನ ಖಾತ್ರಿಪಡಿಸಿಕೊಂಡಿದ್ದು, ಕನ್ನಡಿಗ ಕೆಎಲ್​ ರಾಹುಲ್​ ಜತೆಯಾಗಿ ಇನಿಂಗ್ಸ್​ ಆರಂಭಿಸುವ ಸಾಧ್ಯತೆಗಳಿವೆ. ಮಾ.24ರಂದು ಲಖನೌ ಸೂಪರ್​ಜೈಂಟ್ಸ್​ ಎದುರು ಕಣಕ್ಕಿಳಿಯುವ ಮೂಲಕ ಡೆಲ್ಲಿ ತಂಡ ತನ್ನ ಅಭಿಯಾನ ಆರಂಭಿಸಲಿದೆ.

ಉಮ್ರಾನ್​ ಬದಲಿಗೆ ಕೆಕೆಆರ್​ ಸೇರಿದ ಸಕಾರಿಯಾ
ಪದೆ ಪದೇ ಸಂಭವಿಸುತ್ತಿರುವ ಗಾಯದ ಸಮಸ್ಯೆಯಿಂದ ಸಂಪೂರ್ಣವಾಗಿ ಚೇತರಿಸಿಕೊಳ್ಳಲು ವಿಲವಾಗಿರುವ ವೇಗಿ ಉಮ್ರಾನ್​ ಮಲಿಕ್​ ಐಪಿಎಲ್​ 18ನೇ ಆವೃತ್ತಿಯಿಂದ ಹೊರಬಿದ್ದಿದ್ದು,ಅವರ ಬದಲಿಗೆ ಎಡಗೈ ವೇಗದ ಬೌಲರ್​ ಚೇತನ್​ ಸಕಾರಿಯಾ ಕೆಕೆಆರ್​ ತಂಡ ಸೇರ್ಪಡೆಗೊಂಡಿದ್ದಾರೆ.ಹಾಲಿ ಚಾಂಪಿಯನ್​ ಕೆಕೆಆರ್​ ಮೂಲಬೆಲೆ 75 ಲಕ್ಷ ನೀಡಿ ಮೆಗಾ ಹರಾಜಿನಲ್ಲಿ ಮಲಿಕ್​ರನ್ನು ಖರೀದಿಸಿತ್ತು. ಕಳೆದ ವರ್ಷದ ಚಾಂಪಿಯನ್​ ತಂಡದ ಸದಸ್ಯನಾಗಿದ್ದ 27 ವರ್ಷದ ಸಕರಿಯಾ ಮೆಗಾ ಹರಾಜಿನಲ್ಲಿ ಅವರು ಮಾರಾಟವಾಗದೆ ಉಳಿದಿದ್ದರು, ಸದ್ಯ 75 ಲಕ್ಷಕ್ಕೆ ಕೆಕೆಆರ್​ ತಂಡಕ್ಕೆ ಮರಳಿದ್ದಾರೆ. ಸಕರಿಯಾ ಮೂರು ಋತುಗಳಲ್ಲಿ 19 ಐಪಿಎಲ್​ ಪಂದ್ಯಗಳನ್ನು ಆಡಿದ್ದು, 8.43ರ ಎಕಾನಮಿಯಲ್ಲಿ 20 ವಿಕೆಟ್​ಕಬಳಿಸಿದ್ದಾರೆ.