ಜಗತ್ತಿನಾದ್ಯಂತ ಜನರು 2020ನೇ ಹೊಸವರ್ಷವನ್ನು ಬರಮಾಡಿಕೊಳ್ಳಲು ಉತ್ಸುಕರಾಗಿದ್ದು ಈಗಿಂದಲೇ ಸಂಭ್ರಮ ಶುರುವಾಗಿದೆ.
ನ್ಯೂಜಿಲೆಂಡ್ ಹಾಗೂ ಆಸ್ಟ್ರೇಲಿಯಾಗಳು ಅಲ್ಲಿನ ಕಾಲಮಾನದ ಪ್ರಕಾರ ಈಗಾಗಲೇ ಹೊಸವರ್ಷಕ್ಕೆ ಕಾಲಿಟ್ಟಿವೆ. ಅಲ್ಲಿನ ಜನರು ಪಟಾಕಿ ಸಿಡಿಸಿ ಅದ್ದೂರಿಯಾಗಿ 2020ನೇ ಇಸ್ವಿಯನ್ನು ಬರಮಾಡಿಕೊಂಡಿದ್ದು ಫೋಟೋ, ವಿಡಿಯೋಗಳು ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.
ಆಸ್ಟ್ರೇಲಿಯಾದ ಸಿಡ್ನಿ, ಮೆಲ್ಬೋರ್ನ್, ಅಡಿಲೇಡ್, ನ್ಯೂಜಿಲೆಂಡ್ನ ವೆಲ್ಲಿಂಗ್ಟನ್, ಆಕ್ಲೆಂಡ್ಗಳು ಹೊಸವರ್ಷವನ್ನು ಆಚರಣೆ ಮಾಡುವ ನಗರಗಳು. ಅಂತೆಯೇ ಈ ಬಾರಿಯೂ ಈ ಎಲ್ಲ ನಗರಗಳಲ್ಲಿ ಹೊಸವರ್ಷದ ಸಡಗರ ಪ್ರಾರಂಭವಾಗಿದೆ. ಪಾರ್ಟಿ, ಪಟಾಕಿಯಲ್ಲಿ ಜನರು ಮಿಂದೇಳುತ್ತಿದ್ದಾರೆ.
ಆಕ್ಲೆಂಡ್ನಲ್ಲಂತೂ ಭರ್ಜರಿ ಪಟಾಕಿಗಳನ್ನು ಸಿಡಿಸಲಾಗಿದೆ. ಇಲ್ಲಿನ ಸ್ಕೈ ಟವರ್ ಬಳಿ ಸಾವಿರಾರು ಜನ ಸೇರಿ ಹೊಸವರ್ಷವನ್ನು ಸ್ವಾಗತಿಸಿದ್ದಾರೆ. ಇದೇ ಮೊದಲ ಬಾರಿಗೆ ಈ ಟವರ್ ಮೇಲೆ ಲೇಸರ್ ಮತ್ತು ಅನಿಮೇಶನ್ ಮೂಲಕ ಹೊಸವರ್ಷದ ಚಿತ್ತಾರ ಮೂಡಿಸಲಾಗಿತ್ತು. ನ್ಯೂಜಿಲೆಂಡ್ ಉಳಿದ ನಗರಗಳಲ್ಲೂ ಹೊಸವರ್ಷ ಸಂಭ್ರಮಾಚರಣೆ ಜೋರಾಗಿ ನಡೆದಿದೆ.
ಆಸ್ಟ್ರೇಲಿಯಾದಲ್ಲೂ ಕೂಡ ಹೊಸವರ್ಷಾಚರಣೆ ನಡೆದಿದ್ದು ಜನರು ಪಟಾಕಿ ಸಿಡಿಸಿ, ಪರಸ್ಪರ ಹ್ಯಾಪಿ ನ್ಯೂ ಇಯರ್ ಎಂದು ಶುಭ ಕೋರುವ ಮೂಲಕ ಸಡಗರಪಟ್ಟಿದ್ದಾರೆ.
ಜಪಾನ್ನ ಟೋಕಿಯೋದಲ್ಲೂ ಕೂಡ ಈಗಾಗಲೇ ಹೊಸವರ್ಷ ಆಚರಣೆ ನಡೆದಿದೆ. ಎಲ್ಲೆಡೆ ರಂಗುರಂಗಿನ ಪಟಾಕಿಗಳು ಬಾನೆತ್ತರದಲ್ಲಿ ಸದ್ದು ಮಾಡುವ ಮೂಲಕ ನ್ಯೂ ಇಯರ್ನ್ನು ಬರಮಾಡಿಕೊಳ್ಳಲಾಯಿತು. (ಏಜೆನ್ಸೀಸ್)
#WATCH New Zealand: #NewYear celebrated in Auckland; visuals from Sky Tower. pic.twitter.com/8EMqdYBwyz
— ANI (@ANI) December 31, 2019
#WATCH Australia: Sydney rings in the New Year; celebrations at Sydney Harbour. pic.twitter.com/2TeXZjQyT6
— ANI (@ANI) December 31, 2019
Our little Pacific paradise, #NewZealand, is the first major nation to usher in the #NewYear. Great firework display in Auckland! May 2020 be a great year for our great country and may all 5 million Kiwis have good health and happiness.
🇳🇿🎉🎊💕 pic.twitter.com/AcfKRdffPZ
— Virgil Arvaniti (@varvanitas) December 31, 2019