16 C
Bangalore
Tuesday, December 10, 2019

ವಿಶ್ವವಿಜೇತರಿಗೆ ಫ್ರಾನ್ಸ್​ನಲ್ಲಿ ಭವ್ಯ ಸ್ವಾಗತ

Latest News

ಕರ್ಮ ವಿಜ್ಞಾನ

ಆಯುರ್ವೆದದಲ್ಲಿ ಅನೇಕ ವಿಶೇಷತೆಗಳಿವೆ. ಇವುಗಳನ್ನು ಪರಿಪೂರ್ಣವಾಗಿ ಸಿದ್ಧಪಡಿಸಿ ಮಾನವ ಕುಲಕ್ಕೆ ಸಾದರ ಪಡಿಸಿದ್ದು ವೈದ್ಯವಿಜ್ಞಾನಿಋಷಿಗಳ ಹೆಗ್ಗಳಿಕೆ. ಆಹಾರ ವಸ್ತುಗಳು, ಔಷಧೀಯ ಸಸ್ಯಗಳು, ಭೂಮಿಯಲ್ಲಿರುವ ಖನಿಜಾದಿ ದ್ರವ್ಯಗಳನ್ನೆಲ್ಲ...

ಭಾರತಕ್ಕೆ ಕಬಡ್ಡಿ, ಫುಟ್​ಬಾಲ್, ಬಾಸ್ಕೆಟ್​ಬಾಲ್​ನಲ್ಲಿ ಚಿನ್ನ

ಕಠ್ಮಂಡು: ಫುಟ್​ಬಾಲ್ ಹಾಗೂ ಕಬಡ್ಡಿ ಕ್ರೀಡೆಯಲ್ಲಿ ನಿರೀಕ್ಷಿತ ಸ್ವರ್ಣ ಪದಕದೊಂದಿಗೆ ಭಾರತ ತಂಡ 13ನೇ ಆವೃತ್ತಿಯ ದಕ್ಷಿಣ ಏಷ್ಯಾ ಗೇಮ್ಸ್​ನಲ್ಲಿ ಗೆದ್ದ ಸ್ವರ್ಣ ಪದಕಗಳ ಸಂಖ್ಯೆ...

ಸವಾಲಿನ ಸುನಾಮಿ ಎದುರು ಗೆದ್ದ ಸರದಾರ

ಬೆಂಗಳೂರು/ಶಿವಮೊಗ್ಗ: ಒಂದೆಡೆ ಕಾಂಗ್ರೆಸ್-ಜೆಡಿಎಸ್ ದೋಸ್ತಿ ಸುಳಿ, ಮತ್ತೊಂದೆಡೆ ಪಕ್ಷದೊಳಗಿನ ವಿರೋಧಿಗಳ ಕಾಲೆಳೆದಾಟ, ಕಷ್ಟ ಕೇಳಬೇಕಾದ ಹೈಕಮಾಂಡ್​ನ ದಿವ್ಯಮೌನ, ನಿರ್ಲಕ್ಷ್ಯ. ಇಂಥ ಪರಿಸ್ಥಿತಿಯಲ್ಲಿ ಅನರ್ಹ ಶಾಸಕರನ್ನು ಗೆಲ್ಲಿಸುವ...

ಜೀವನವೇ ಬೇಡ ಎನ್ನಿಸುತ್ತದೆ

ನನ್ನ ಹೆಸರು ಸಂಗೀತಾ. ವಯಸ್ಸು 40. ಮುಟ್ಟಿನ ಸಮಸ್ಯೆ ಇದೆ. ಮೈಯೆಲ್ಲಾ ಬಿಸಿಬಿಸಿ ಆಗುತ್ತದೆ. ಜೀವನವೇ ಬೇಡ ಎನ್ನಿಸುತ್ತಿದೆ. ಸೊಂಟನೋವು, ಮಂಡಿ ನೋವು ಹೆಚ್ಚಿಗೆ ಪರಿಹಾರ...

ಕಾಲಪ್ರವಾಹ ಮತ್ತು ಮನುಷ್ಯ ಪ್ರಯತ್ನ

ತೆರಪನರಿಯದೆ ಪರಿವ ಕಾಲಪ್ರವಾಹದಲಿ | ಪುರುಷರಚಿತಗಳೆನಿತೊ ತೇಲಿಹೋಗಿಹವು || ಪುರ ರಾಷ್ಟ್ರ ದುರ್ಗಗಳು, ಮತ ನೀತಿ ಯುಕ್ತಿಗಳು | ಪುರುಷತನ ನಿಂತಿಹುದು - ಮಂಕುತಿಮ್ಮ || ಬಿಡುವಿಲ್ಲದೆ ಹರಿಯುತ್ತಿರುವ ಕಾಲಪ್ರವಾಹದಲ್ಲಿ ಮನುಷ್ಯನ...

ಪ್ಯಾರಿಸ್: 21ನೇ ಆವೃತ್ತಿಯ ಫಿಫಾ ವಿಶ್ವಕಪ್ ಟೂರ್ನಿಗೆ ರಷ್ಯಾದ ಮಾಸ್ಕೋದ ಲಜ್ನಿಕಿ ಸ್ಟೇಡಿಯಂನಲ್ಲಿ ಭಾನುವಾರ ತೆರೆ ಬಿದ್ದಿದೆ. 2ನೇ ಬಾರಿಯ ಚಾಂಪಿಯನ್ ಆದ ಫ್ರಾನ್ಸ್ ತಂಡದ ತವರಿನಲ್ಲಿ ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿದೆ. ಇನ್ನೊಂದೆಡೆ ಟೂರ್ನಿಯುದ್ದಕ್ಕೂ ಸ್ಪೂರ್ತಿದಾಯಕ ಆಟವಾಡಿ ಫೈನಲ್​ನಲ್ಲಿ ಕ್ರೊವೇಷಿಯಾ ಎಡವಿದರೂ ಜಗತ್ತಿನ ಫುಟ್​ಬಾಲ್ ಅಭಿಮಾನಿಗಳ ಹೃದಯ ಗೆದ್ದಿದೆ. ಕ್ರೊವೇಷಿಯಾ ಸಂಭ್ರಮವನ್ನು ‘ಸೈದ್ಧಾಂತಿಕ’ ಅಭಿಮಾನಿಗಳ ಹರ್ಷ ಎಂದು ಆಂಗ್ಲ ಮಾಧ್ಯಮಗಳು ವರ್ಣಿಸಿವೆ. ಇನ್ನೊಂದೆಡೆ ವಿಶ್ವಚಾಂಪಿಯನ್ ತಂಡದ ಎಲ್ಲ ಸದಸ್ಯರಿಗೆ ದೇಶದ ಪ್ರತಿಷ್ಠಿತ ಪುರಸ್ಕಾರವಾದ ‘ಲೀಜನ್ ಆಫ್ ಹಾನರ್’ ನೀಡುವುದಾಗಿ ಫ್ರಾನ್ಸ್ ಸರ್ಕಾರ ಪ್ರಕಟಿಸಿದೆ.

ಪ್ರಸಿದ್ಧ ಬೀದಿ ಚಾಂಪ್ಸ್ ಎಲಿಸೀಸ್​ನಲ್ಲಿ ಸಾವಿರಾರು ಅಭಿಮಾನಿಗಳ ಜತೆ ಫ್ರಾನ್ಸ್ ತಂಡ ಭರ್ಜರಿಯಾಗಿ ಸಂಭ್ರಮಾಚರಣೆ ಮಾಡಿತು. ಫ್ರಾನ್ಸ್ ನ ಇನ್ನಿತರ ನಗರಗಳಲ್ಲಿ ಸಂಭ್ರಮ ಅತಿಯಾಗಿದ್ದರಿಂದ ಕೆಲ ಅಹಿತಕರ ಘಟನೆಗಳೂ ಸಂಭವಿಸಿತು. ಸುಮಾರು 10 ಲಕ್ಷಕ್ಕೂ ಅಧಿಕ ಅಭಿಮಾನಿಗಳು ಕೆಂಪು, ಬಿಳಿ, ನೀಲಿ ಬಣ್ಣದ ಫ್ರಾನ್ಸ್ ಬಾವುಟ ಹಾರಿಸಿ, ರಾಷ್ಟ್ರಗೀತೆ ಹಾಡುತ್ತಾ ಭಾವೋನ್ಮುಖರಾದರು. ಬಣ್ಣ ಬಣ್ಣದ ಪಟಾಕಿ ಸಿಡಿಮದ್ದುಗಳು ಸಿಡಿಯಿತು. ಕೆಲವರು ಬೆತ್ತಲೆ ದೇಹ ಪೂರ್ತಿ ಫ್ರಾನ್ಸ್ ಬಾವುಟದ ಬಣ್ಣ ಹಚ್ಚಿ ಗಮನ ಸೆಳೆದರು. ಫ್ರಾನ್ಸ್ ಅಧ್ಯಕ್ಷ ಎಮಾನ್ಯುಯೆಲ್ ಮ್ಯಾಕ್ರನ್ ವಿಜೇತ ತಂಡದ ಆಟಗಾರರನ್ನು ಪ್ಯಾರಿಸ್​ನಲ್ಲಿ ಬರಮಾಡಿಕೊಂಡರು

ಸಂಭ್ರಮದಲ್ಲಿ ಇಬ್ಬರ ಸಾವು, ಘರ್ಷಣೆ: ವಿಶ್ವಕಪ್ ಗೆದ್ದ ಖುಷಿಯನ್ನು ಅತಿಯಾಗಿ ಸಂಭ್ರಮಿಸಿದ ಫ್ರಾನ್ಸ್​ನ ಕೆಲವೆಡೆ ಅಹಿತಕರ ಘಟನೆಗಳು ನಡೆಯಿತು. 2015ರ ಭಯೋತ್ಪಾದಕರ ದಾಳಿಯ ಮುನ್ನೆಚ್ಚರಿಕೆಯಿಂದ ಪೊಲೀಸರ ಬಿಗಿಬಂದೋ ಬಸ್ತ್ ನಡುವೆ ಅಭಿಮಾನಿಗಳ ಸಂಭ್ರಮಾಚರಣೆ ಏರ್ಪಟ್ಟಿತು. ಅಲ್​ಪಿನ್ ಸಿಟಿಯಲ್ಲಿ ಅಭಿಮಾನಿಯೊಬ್ಬ ಕಾಲುವೆಗೆ ಹಾರಿದ ವೇಳೆ ಕುತ್ತಿಗೆ ಮುರಿದು ಸಾವನ್ನಪ್ಪಿದರೆ, 30 ವರ್ಷದ ಯುವಕನೋರ್ವ ವೇಗವಾಗಿ ಕಾರು ಓಡಿಸಿ ಅಪಘಾತದಲ್ಲಿ ಕೊನೆಯುಸಿರೆಳೆದಿದ್ದಾನೆ ಎಂದು ವರದಿಯಾಗಿದೆ.

2 ಸ್ಟಾರ್ ಜೆರ್ಸಿ ತೊಟ್ಟ ಗ್ರಿಜ್​ವುನ್

ಪಂದ್ಯ ಗೆದ್ದ ಬಳಿಕ ಫ್ರಾನ್ಸ್ ಸ್ಟಾರ್ ಅಂಟೋಯಿನ್ ಗ್ರಿಜ್​ವುನ್ 2 ಸ್ಟಾರ್​ಗಳಿದ್ದ ಜೆರ್ಸಿ ಧರಿಸಿ ಗಮನ ಸೆಳೆದರು. 2ನೇ ವಿಶ್ವಕಪ್ ಗೆದ್ದ ಸೂಚಕವಾಗಿ ಗ್ರಿಜ್​ವುನ್ ಪಂದ್ಯ ಮುಗಿದ ತಕ್ಷಣ ಮೈದಾನದಿಂದ ತೆರಳಿ 2 ಸ್ಟಾರ್ ಇದ್ದ ಜೆರ್ಸಿ ಧರಿಸಿ ಸಂಭ್ರಮಿಸತೊಡಗಿದರು. ಇವರಿಗೆ ಪೋಗ್ಬಾ ಹಾಗೂ ಬಾಪೆ ಕೂಡ ಸಾಥ್ ನೀಡಿದರು.

ನಾಚಿದ ಕಾಂಟೆ

ಫ್ರಾನ್ಸ್ ಆಟಗಾರರೆಲ್ಲರೂ ಚಿನ್ನದ ಟ್ರೋಫಿಯನ್ನು ಹಿಡಿಯಲು ನಾ ಮುಂದು ತಾ ಮುಂದು ಎಂದಿದ್ದರೆ ಡಿಫೆಂಡರ್ ಎನ್​ಗೊಲೊ ಕಾಂಟೆ ಕಪ್ ಹಿಡಿದು ಸಂಭ್ರಮಿಸಲು ನಾಚಿದರು. ಚೆಲ್ಸಿ ಕ್ಲಬ್ ಪರ ಗಮನಾರ್ಹ ನಿರ್ವಹಣೆ ತೋರಿದ್ದ ಕಾಂಟೆ ತಂಡದ ಸಂಭ್ರಮದಲ್ಲಿ ಸರಳತೆ ತೋರಿದ್ದಕ್ಕೆ ಎಲ್ಲಾ ಆಟಗಾರರ ಮನ ಗೆದ್ದರು. ಎಲ್ಲರೂ ಫೋಟೋಗ್ರಾಫರ್​ಗಳ ಎದುರು ಟ್ರೋಫಿ ಹಿಡಿದು ಪೋಸು ನೀಡುತ್ತಿದ್ದರೆ ಕಾಂಟೆ ಆ ಆಸೆಯಿದ್ದರೂ, ಕೇಳಲು ಹಿಂಜರಿದು ಒಂದು ಬದಿಯಲ್ಲಿ ನಿಂತು ಎಲ್ಲರನ್ನು ನೋಡಿ ಸುಮ್ಮನಿದ್ದರು. ಕಾಂಟೆಯ ಮುಗ್ಧತೆಯನ್ನು ನೋಡಿದ ಡಿಫೆಂಡರ್ ಸ್ಟೀವನ್ ಜೊಂಝಿ ಕಪ್​ಅನ್ನು ಇತರ ಆಟಗಾರರಿಂದ ಕೇಳಿ ಕಾಂಟೆ ಕೈಗೆ ನೀಡಿದರು.

ಲೀಜನ್ ಆಫ್ ಹಾನರ್

1802ರಲ್ಲಿ ನೆಪೋಲಿಯನ್ ಬೊನಾಪಾರ್ಟೆ ಸ್ಥಾಪಿಸಿದ ಫ್ರಾನ್ಸ್​ನ ಅತಿಶ್ರೇಷ್ಠ ಪುರಸ್ಕಾರ ಲೀಜನ್ ಆಫ್ ಹಾನರ್​ಗೆ ತಂಡದ ಆಟಗಾರರು ಪಾತ್ರರಾಗಲಿದ್ದಾರೆ. 1998ರಲ್ಲಿ ವಿಶ್ವಕಪ್ ಗೆದ್ದ ತಂಡಕ್ಕೂ ಈ ಪುರಸ್ಕಾರ ನೀಡಲಾಗಿತ್ತು. ಕೋಚ್ ಡೆಶಾಂಪ್ಸ್ ಹೊರತಾಗಿ ಉಳಿದ ಆಟಗಾರರು ಇದನ್ನು ಪಡೆಯಲಿದ್ದಾರೆ. ಡೆಶಾಂಪ್ಸ್ 1998ರಲ್ಲೇ ಈ ಗೌರವ ಪಡೆದಿದ್ದಾರೆ.

ಮನಗೆದ್ದ ಕ್ರೊವೇಷಿಯಾ

‘ಪದಕ ಬೆಳ್ಳಿಯಾದರೂ ಹೃದಯ ಚಿನ್ನ’, ‘ಧೈರ್ಯಶಾಲಿ ಗುಂಡಿಗೆಯ ನೀವು ನಮಗೆ ಹೆಮ್ಮೆ ತರಿಸಿದ್ದೀರಿ’ ಎಂಬಿತ್ಯಾದಿ ಆಕರ್ಷಕ ಶೀರ್ಷಿಕೆಗಳೊಂದಿಗೆ ಕ್ರೊವೇಷಿಯಾದ ಪತ್ರಿಕೆಗಳು ತಮ್ಮ ತಂಡವನ್ನು ಪ್ರಶಂಸಿಸಿವೆ. ಅದಲ್ಲದೆ ತಂಡದ ರನ್ನರ್ ಅಪ್ ಸಾಧನೆಗೆ ಅಲ್ಲಿನ ಅಭಿಮಾನಿಗಳು ಅಹಿತಕರ ಘಟನೆಗಳಿಲ್ಲದೆ ಒಗ್ಗಟ್ಟಿನಿಂದ ಸಂಭ್ರಮಿಸಿದರು. ಇನ್ನು ಮಾಧ್ಯಮ, ಅಂತರ್ಜಾಲಗಳಲ್ಲಿ, ಜನತೆಗೆ ಸ್ಟಾರ್ ನಾಯಕ ಲೂಕಾ ಮಾಡ್ರಿಕ್ ಮತ್ತು ಅಧ್ಯಕ್ಷೆ ಕೊಲಿಂಡಾ ಗ್ರಾಬರ್ ಇವರಿಬ್ಬರಲ್ಲಿ ಯಾರ ಮೇಲೆ ಹೆಚ್ಚು ಆಪ್ತತೆ, ಅಭಿಮಾನ ಮೂಡಿತೆಂಬ ಸಮೀಕ್ಷೆ ನಡೆಸಿತು. ಇದರಲ್ಲಿ ಕೊಲಿಂಡಾ ಅವರಿಗಿಂತ ಶೇ.25ರಷ್ಟು ಅಧಿಕ ಅಭಿಮಾನ ಲೂಕಾ ಮೇಲೆ ವ್ಯಕ್ತವಾಗಿದೆ ಎಂದಿದೆ. ಕ್ರೊವೇಷಿಯಾ ತಂಡ ಕೂಡ ಸೋಮವಾರ ಸಂಜೆ 3 ಗಂಟೆಯ ವೇಳೆಗೆ ತವರಿಗೆ ಆಗಮಿಸಿತು. ಆಟಗಾರರನ್ನು ತೆರೆದ ಬಸ್​ನಲ್ಲಿ ಮೆರವಣಿಗೆ ನಡೆಸಲಾಯಿತು. ರಾಜಧಾನಿ ಜಾಗ್ರೆಬ್​ನಲ್ಲಿ ಸುಮಾರು 10 ಲಕ್ಷಕ್ಕೂ ಅಧಿಕ ಅಭಿಮಾನಿಗಳು ತಂಡವನ್ನು ಬರ ಮಾಡಿಕೊಂಡರು. ಈ ವೇಳೆ ಅಧ್ಯಕ್ಷೆ ಕೊಲಿಂಡಾ ಕೂಡ ಭಾಗಿಯಾದರು. ‘ನಾವು ಚಾಂಪಿಯನ್ ಆಗಿಲ್ಲವೆಂಬ ದುಃಖವಿಲ್ಲ.ಇಂದು ಜಗತ್ತಿನ ಮೂಲೆ ಮೂಲೆಗಳಿಗೂ ಕ್ರೊವೇಷಿಯಾ ಎಂಬ ಹೆಸರು ಗೊತ್ತಾಗಿರುವುದು ಇದೇ ಲೂಕಾ ಮಾಡ್ರಿಕ್ ಪಡೆಯಿಂದ’ ಎಂದು ಅಭಿಮಾನಿಗಳು ಕೊಂಡಾಡಿದ್ದಾರೆ.

Stay connected

278,742FansLike
587FollowersFollow
622,000SubscribersSubscribe

ವಿಡಿಯೋ ನ್ಯೂಸ್

VIDEO: ಏರ್​ಪೋರ್ಟ್​ನಲ್ಲಿ ಬ್ಯಾಗೇಜ್​ಗಳ ಸಭ್ಯ ನಡತೆ ನೋಡಿ ಮನಸೋತ ನೆಟ್ಟಿಗರು;...

ಯಾವುದಾದರೂ ಕ್ಯೂದಲ್ಲಿ ನಿಂತರೂ ನೂಕುನುಗ್ಗಲು ಮಾಡುವ ಮನುಷ್ಯರಗಿಂತ ಈ ಬ್ಯಾಗೇಜ್​ಗಳು ಸಾವಿರ ಪಾಲು ಉತ್ತಮ ! ಅರೆ, ಇದೇನು? ಮನುಷ್ಯರಿಗೂ, ಬ್ಯಾಗೇಜ್​ಗಳಿಗೂ ಎಲ್ಲಿಯ ಹೋಲಿಕೆ ಎನ್ನುತ್ತೀರಾ? ಹಾಗಾದರೆ ಈ ಸುದ್ದಿ ಓದಿ, ವಿಡಿಯೋ ನೋಡಿದರೆ...

VIDEO| ಕೇಸ್ರಿಕ್ ವಿರುದ್ಧ ಸೇಡು ತೀರಿಸಿಕೊಂಡ ಕೊಹ್ಲಿ!

ಹೈದರಾಬಾದ್: ಮೊದಲ ಟಿ20 ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಮೂಲಕ ಭಾರತ ತಂಡವನ್ನು ಗೆಲ್ಲಿಸಿದ ನಾಯಕ ವಿರಾಟ್ ಕೊಹ್ಲಿ, ಹಳೆಯ ಲೆಕ್ಕವೊಂದನ್ನೂ ಚುಕ್ತಾ ಮಾಡಿದರು. ಭಾರತದ ಚೇಸಿಂಗ್ ವೇಳೆ ಇನಿಂಗ್ಸ್​ನ 16ನೇ...

VIDEO| ವಿಚಾರಣೆಗೆಂದು ನ್ಯಾಯಾಲಯಕ್ಕೆ ಕರೆತಂದಿದ್ದ ಅತ್ಯಾಚಾರ ಆರೋಪಿಯ ಮೇಲೆ ಮುಗಿಬಿದ್ದ...

ಇಂದೋರ್​: ಅಪ್ರಾಪ್ತೆ ಮೇಲಿನ ಅತ್ಯಾಚಾರ ಪ್ರಕರಣದ ಆರೋಪಿ ಮೇಲೆ ನ್ಯಾಯಾಲಯದ ಆವರಣದಲ್ಲೇ ವಕೀಲರ ಗುಂಪು ಹಲ್ಲೆ ನಡೆಸಲು ಯತ್ನಿಸಿರುವ ಘಟನೆ ಮಧ್ಯಪ್ರದೇಶದ ಇಂದೋರ್​ನಲ್ಲಿ ಶನಿವಾರ ನಡೆದಿದೆ. ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ...

ಸಶಸ್ತ್ರ ಪಡೆಗಳ ಧ್ವಜ ದಿನ; ಭೂ, ವಾಯು, ನೌಕಾ ಪಡೆಗಳ...

ನವದೆಹಲಿ: ಸಶಸ್ತ್ರ ಪಡೆಗಳ ಧ್ವಜ ದಿನವಾದ ಇಂದು ಪ್ರಧಾನಿ ನರೇಂದ್ರ ಮೋದಿಯವರು ಭೂ, ವಾಯು ಹಾಗೂ ನೌಕಾಪಡೆಗಳ ಸಿಬ್ಬಂದಿಗೆ ಶುಭಾಶಯ ತಿಳಿಸಿದರು. ಟ್ವೀಟ್​ ಮೂಲಕ ಶುಭ ಹಾರೈಸಿದ ಅವರು, ಸಶಸ್ತ್ರ ಪಡೆಗಳ ಧ್ವಜ ದಿನಾಚರಣೆಯ...

ಇಂದಿನ ಬಿಗ್​ಬಾಸ್ ಕನ್ನಡ ​ಶೋನಲ್ಲಿ ಕಿಚ್ಚ ಸುದೀಪ್​ ಜತೆ ಇರಲಿದ್ದಾರೆ...

ಬೆಂಗಳೂರು: ಇಂದು ಬಿಗ್​ಬಾಸ್​ನ ವಾರದ ಕತೆ ಕಿಚ್ಚ ಸುದೀಪ್​ ಜತೆ ಎಪಿಸೋಡ್​ನಲ್ಲಿ ಬಾಲಿವುಡ್​ ನಟ ಸಲ್ಮಾನ್​ ಖಾನ್​ ಕೂಡ ಜತೆಯಾಗಲಿದ್ದಾರೆ !ಇದು ಕಿರುತೆರೆ ಇತಿಹಾಸದಲ್ಲಿಯೇ ಪ್ರಥಮ ಎನ್ನಲಾಗಿದ್ದು ಸದ್ಯ ಕಲರ್ಸ್​ ಕನ್ನಡ ಬಿಡುಗಡೆ...

VIDEO| ಎಕ್ಸ್​ಪ್ರೆಸ್​ ರೈಲಿಗೆ ಸಿಲುಕುತ್ತಿದ್ದ ವ್ಯಕ್ತಿಯ ಜೀವ ಉಳಿಸಿದ ಯೋಧ:...

ಥಾಣೆ: ರೈಲ್ವೆ ರಕ್ಷಣಾ ಪಡೆಯ ಯೋಧರೊಬ್ಬರು ಎಕ್ಸ್​ಪ್ರೆಸ್​ ರೈಲಿಗೆ ಸಿಲುಕುತ್ತಿದ್ದ ವ್ಯಕ್ತಿಯೊಬ್ಬನನ್ನು ರಕ್ಷಣೆ ಮಾಡುವ ಮೂಲಕ ಸಮಯಪ್ರಜ್ಞೆ ಮರೆದಿರುವ ಘಟನೆ ಮಹಾರಾಷ್ಟ್ರದ ಥಾಣೆ ರೈಲ್ವೆ ನಿಲ್ದಾಣದಲ್ಲಿ ಬುಧವಾರ ನಡೆದಿದ್ದು, ಇದಕ್ಕೆ...