ವಿಶೇಷ ರೈಲು ಮಿರಜ್ ವರೆಗೆ ವಿಸ್ತರಿಸಿ

ಚಿಕ್ಕೋಡಿ: ಬೆಳಗಾವಿ-ಬೆಂಗಳೂರು ವಿಶೇಷ ರೈಲುನ್ನು ಮಹಾರಾಷ್ಟ್ರದ ಮಿರಜ್ ವರೆಗೂ ವಿಸ್ತರಿಸುವಂತೆ ಕೇಂದ್ರ ರೈಲ್ವೆ ರಾಜ್ಯ ಸಚಿವ ಸುರೇಶ ಅಂಗಡಿ ಅವರನ್ನು ಸಂಸದ ಅಣ್ಣಾಸಾಹೇಬ ಜೊಲ್ಲೆ ಅವರು ಭೇಟಿ ಮಾಡಿ ರೈಲು ನಿಲುಗಡೆಗೆ ಚರ್ಚಿಸಿ ಮನವಿ ಸಲ್ಲಿಸಿದರು.

ನವದೆಹಲಿಯಲ್ಲಿ ಮಂಗಳವಾರ ಚಿಕ್ಕೋಡಿ ಲೋಕಸಭಾ ವ್ಯಾಪ್ತಿಯಲ್ಲಿನ ರೈಲು ನಿಲ್ದಾಣಗಳನ್ನು ಹೊಂದಿರುವ ರಾಯಬಾಗ, ಕುಡಚಿ ಹಾಗೂ ಉಗಾರ ಪಟ್ಟಣಗಳ ಸುತ್ತಮುತ್ತಲಿನ ರೈತರಿಗೆ, ವ್ಯಾಪಾರಸ್ಥರಿಗೆ, ಉದ್ಯಮಿಗಳಿಗೆ ಹಾಗೂ ಜನಸಾಮಾನ್ಯರಿಗೆ ಅನುಕೂಲವಾಗುವ ಹಿತದೃಷ್ಟಿಯಿಂದ ಈ ಮಾರ್ಗದಲ್ಲಿ ಎಕ್ಸ್‌ಪ್ರೆಸ್ ರೈಲುಗಳನ್ನು ನಿಲುಗಡೆಗೊಳಿಸಬೇಕು ಎಂದರು.

ಚಿಕ್ಕೋಡಿ ಲೋಕಸಭೆ ಕ್ಷೇತ್ರದ ಉದ್ದಕ್ಕೂ ಸಂಚರಿಸುವ ತಡೆರಹಿತ ರೈಲುಗಳಾದ ಹುಬ್ಬಳ್ಳಿ ಲೋಕಮಾನ್ಯ ತಿಲಕ ಟರ್ಮಿನಲ್ ಎಕ್ಸ್‌ಪ್ರೆಸ್ ರೈಲನ್ನು ರಾಯಬಾಗ ಹಾಗೂ ಉಗಾರ ನಿಲ್ದಾಣಗಳಲ್ಲಿ, ಚಾಲುಕ್ಯ ಎಕ್ಸ್‌ಪ್ರೆಸ್ ಹಾಗೂ ಶರಾವತಿ ಎಕ್ಸ್‌ಪ್ರೆಸ್ ರೈಲನ್ನು ರಾಯಬಾಗ ನಿಲ್ದಾಣದಲ್ಲಿ, ಕೊಲ್ಲಾಪುರ-ತಿರುಪತಿ ಎಕ್ಸಪ್ರೆಸ್ ರೈಲನ್ನು ಉಗಾರ ನಿಲ್ದಾಣದಲ್ಲಿ, ಬೆಂಗಳೂರು-ಪಂಢರಪುರ ವಿಶೇಷ ರೈಲನ್ನು ರಾಯಬಾಗ, ಘಟಪ್ರಭಾ ಹಾಗೂ ಕುಡಚಿ ನಿಲ್ದಾಣಗಳಲ್ಲಿ, ಕೊಲ್ಲಾಪುರ-ಹೈದ್ರಾಬಾದ್ ರೈಲನ್ನು ಉಗಾರ ನಿಲ್ದಾಣದಲ್ಲಿ ಹಾಗೂ ನಿಜಾಮುದ್ದೀನ್-ಗೋವಾ ಎಕ್ಸಪ್ರೆಸ್ ರೈಲನ್ನು ಕುಡಚಿ ರೈಲು ನಿಲ್ದಾಣಗಳಲ್ಲಿ ನಿಲುಗಡೆ ಮಾಡಬೇಕು ಎಂದು ಮನವಿ ಮಾಡಿದರು.

Leave a Reply

Your email address will not be published. Required fields are marked *