ಭೂಪಾಲ್: ಎಟಿಎಂ ಲೂಟಿ ಮಾಡುತ್ತಿದ್ದ ಇಂಜಿನಿಯರ್ ಪದವೀಧರ ಸೇರಿ ಒಟ್ಟು 6 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಈ ಗ್ಯಾಂಗ್ ಇದುವರೆಗೂ ಏಳು ಎಟಿಎಂಗಳಿಂದ ಹಣ ದೋಚಿದೆ. ಸ್ಫೋಟಕಗಳಿಂದ ಮಶಿನ್ ಒಡೆದು, ಹಣ ಕಳವು ಮಾಡುತ್ತಿದ್ದರು ಎಂದು ಪೊಲೀಸರು ಹೇಳಿದ್ದಾರೆ.
ಮಧ್ಯಪ್ರದೇಶದಲ್ಲಿ ಆರೂ ಮಂದಿಯನ್ನು ಬಂಧಿಸಲಾಗಿದೆ. ಏಳು ಎಟಿಎಂಗಳಿಂದ ಸುಮಾರು 46 ಲಕ್ಷ ರೂಪಾಯಿ ದೋಚಿದ್ದಾರೆ ಎಂದು ಐಜಿಪಿ ಅನಿಲ್ ಶರ್ಮಾ ತಿಳಿಸಿದ್ದಾರೆ. ಇದನ್ನೂ ಓದಿ: VIDEO | ಐಪಿಎಲ್‌ಗಾಗಿ ಸುರೇಶ್ ರೈನಾ, ರಿಷಭ್ ಪಂತ್ ಬ್ಯಾಟ್ ಶಾಪಿಂಗ್!
ಇವರು ಎಟಿಎಂ ಮಶಿನ್ನ ಹಣ ಬರುವ ಸ್ಥಳದ ಬಳಿ ಜೆಲಾಟಿನ್ ಸ್ಟಿಕ್ ಇಟ್ಟು, ಮೋಟಾರ್ ಸೈಕಲ್ ಬ್ಯಾಟರಿ ಮೂಲಕ ಸ್ಫೋಟಿಸುತ್ತಿದ್ದರು. ಈ ಬಂಧಿತರಲ್ಲಿ ಓರ್ವ ಸಿವಿಲ್ ಇಂಜಿನಿಯರ್. ಅಷ್ಟೇ ಅಲ್ಲ ಈತ ಯುಪಿಎಸ್ಸಿ ಎಕ್ಸಾಮ್ ಕೂಡ ಬರೆದಿದ್ದಾನೆ. ಟಿವಿಯಲ್ಲಿ ರಾಬರಿಗೆ ಸಂಬಂಧಪಟ್ಟ ಶೋಗಳನ್ನು ನೋಡಿ ಲೂಟಿ ಮಾಡುವುದನ್ನು ಕಲಿತಿದ್ದಾಗಿ ವಿಚಾರಣೆ ವೇಳೆ ಬಾಯ್ಬಿಟ್ಟಿದ್ದಾರೆ ಎಂದು ಹೇಳಿದ್ದಾರೆ.
ಬಂಧಿತರಿಂದ 3.50 ಲಕ್ಷ ರೂ. ನಕಲಿ ನೋಟುಗಳನ್ನು ವಶಪಡಿಸಿಕೊಂಡಿದ್ದೇವೆ. ಎಟಿಎಂ ಸ್ಫೋಟಕ್ಕೆ ಬಳಸುತ್ತಿದ್ದ ಸಾಧನಗಳನ್ನು, ಪಿಸ್ತೂಲ್ಗಳನ್ನು ಜಪ್ತಿ ಮಾಡಿದ್ದೇವೆ ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
VIDEO: ಏಕಾಂಗಿಯಾಗಿ ಪಾರ್ಕ್ಗೆ ಹೋಗಿ 60 ಅಡಿ ಎತ್ತರ ಮರ ಏರಿ ಕುಳಿತ ವ್ಯಕ್ತಿ…!