ಡಿಜಿಟಲ್​ ಗ್ರಂಥಾಲಯ ಸದುಪಯೋಗ ಪಡೆದುಕೊಳ್ಳಿ; ಪಾಟೀಲ

ರಾಣೆಬೆನ್ನೂರ: ಉನ್ನತ ಶಿಕ್ಷಣ ಮತ್ತು ಸ್ಪರ್ಧಾತ್ಮಕ ಪರೀೆಗಳಿಗೆ ಬೇಕಾದ ಪರಿಕರ ಒದಗಿಸುವುದು ಡಿಜಿಟಲ್​ ಗ್ರಂಥಾಲಯದ ಮುಖ್ಯ ಉದ್ದೇಶವಾಗಿದೆ ಎಂದು ದಾವಣಗೆರೆ ರಾಜನಹಳ್ಳಿ ಸೀತಮ್ಮ ಸರ್ಕಾರಿ ಬಾಲಕಿಯರ ಪಿಯು ಕಾಲೇಜ್​ನ ಉಪನ್ಯಾಸಕಿ ಅನ್ನರ್ಪೂಣ ಪಾಟೀಲ ಹೇಳಿದರು.
ಸ್ಥಳಿಯ ಕೆಎಲ್​ಇ ಸಂಸ್ಥೆಯ ರಾಜ-ರಾಜೇಶ್ವರಿ ಕಲಾ ಮತ್ತು ವಾಣಿಜ್ಯ ಮಹಿಳಾ ಮಹಾವಿದ್ಯಾಲಯದಲ್ಲಿ ಗ್ರಂಥಾಲಯ ವಿಭಾಗ ಹಾಗೂ ಐಕ್ಯೂಎಸಿ ಸಹಯೋಗದಲ್ಲಿ ಡಿಜಿಟಲ್​ ಗ್ರಂಥಾಲಯದ ಪ್ರಾಮುಖ್ಯತೆ ಮತ್ತು ಇ ಕಲಿಕೆಯ ವಿವಿಧ ಮಾರ್ಗಗಳ ಕುರಿತು ಸೋಮವಾರ ಏರ್ಪಡಿಸಿದ್ದ ಒಂದು ದಿನದ ಕಾರ್ಯಾಗಾರ ಉದ್ಘಾಟಿಸಿ ಅವರು ಮಾತನಾಡಿದರು.
ಹಳ್ಳಿಯ ಜನರಲ್ಲಿ ಟೆಕ್ನಾಲಜಿ ಬಳಕೆಗೆ ಉತ್ತೇಜನ ನೀಡುವ ಉದ್ದೇಶ ಡಿಜಿಟಲ್​ ಗ್ರಂಥಾಲಯದ್ದಾಗಿದೆ. ಡಿಜಿಟಲ್​ ಗ್ರಂಥಾಲಯವನ್ನು ವಿದ್ಯಾಥಿರ್ಗಳು ಸದುಪಯೋಗ ಪಡಿಸಿಕೊಳ್ಳಬೇಕು. ವಿದ್ಯಾಥಿರ್ಗಳು ತಮ್ಮ ಜ್ಞಾನವನ್ನು ಹೆಚ್ಚಿಸಿಕೊಳ್ಳಲು ಇದು ಸಹಕಾರಿಯಾಗಿದೆ ಎಂದರು.
ಮಹಾವಿದ್ಯಾಲಯದ ಪ್ರಾಚಾರ್ಯ ನಾರಾಯಣ ನಾಯಕ ಅಧ್ಯಕ್ಷತೆ ವಹಿಸಿದ್ದರು.
ಉಪನ್ಯಾಸಕರಾದ ಅನುರಾಧ ಎಸ್​., ಎಂ.ಎನ್​. ಸೂರಣಗಿ, ಸಾಯಿಲತಾ ಮಡಿವಾಳರ, ವಾಣಿಶ್ರೀ ಪಾಟೀಲ, ಡಾ. ಕವಿತಾ ಗಡ್ಡದಗೂಳಿ, ರೇಖಾ ಶಿಡೇನೂರ, ತೇಜಶ್ವಿನಿ ಕುರುವತ್ತಿ ಮತ್ತಿತರರು ಉಪಸ್ಥಿತರಿದ್ದರು.