ಬ್ರಿಸ್ಬೇನ್: ‘ಮಿ. 360’ ಖ್ಯಾತಿಯ ಎಬಿ ಡಿವಿಲಿಯರ್ಸ್ ಮುಂಬರುವ ಟಿ20 ವಿಶ್ವಕಪ್ನಲ್ಲಿ ದಕ್ಷಿಣ ಆಫ್ರಿಕಾ ಪರವಾಗಿ ಆಡುವ ಸೂಚನೆ ನೀಡಿದ್ದಾರೆ.
ಇದೇ ಮೊದಲ ಬಾರಿಗೆ ಬಿಗ್ ಬಾಷ್ ಲೀಗ್ನಲ್ಲಿ ಆಡುತ್ತಿರುವ ವಿಲಿಯರ್ಸ್, ಮಂಗಳವಾರ ಬ್ರಿಸ್ಬೇನ್ ಹೀಟ್ ತಂಡದ ಅಡಿಲೇಡ್ ಸ್ಟ್ರೈಕರ್ಸ್ ವಿರುದ್ಧ ಆಡಿದ್ದರು. 32 ಎಸೆತಗಳಲ್ಲಿ 40 ರನ್ ಸಿಡಿಸುವ ಮೂಲಕ ತಂಡದ 7 ವಿಕೆಟ್ ಗೆಲುವಿಗೆ ಕಾರಣರಾಗಿದ್ದರು. ಪಂದ್ಯದ ಬಳಿಕ ಮಾತನಾಡಿದ 35 ವರ್ಷದ ಅವರು ಅಂತಾರಾಷ್ಟ್ರೀಯ ನಿವೃತ್ತಿ ವಾಪಸ್ ಪಡೆದು ಅಕ್ಟೋಬರ್-ನವೆಂಬರ್ನಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ನಲ್ಲಿ ಆಡುವ ಸಾಧ್ಯತೆ ಇದೆ ಎಂದು ಹೇಳಿದರು.
‘ವಿಶ್ವಕಪ್ ಆಡುವುದು ನನಗೆ ಇಷ್ಟ. ಈಗಾಗಲೇ ಬೌಚ್ (ದಕ್ಷಿಣ ಆಫ್ರಿಕಾ ನೂತನ ಕೋಚ್ ಮಾರ್ಕ್ ಬೌಷರ್), ಗ್ರೇಮ್ ಸ್ಮಿತ್ (ಸಿಎಸ್ಎ ಡೈರೆಕ್ಟರ್) ಹಾಗೂ ಫಾಫ್ (ದಕ್ಷಿಣ ಆಫ್ರಿಕಾ ನಾಯಕ) ಜತೆ ಮಾತನಾಡಿದ್ದೇನೆ. ಇದು ಸಾಧ್ಯವಾಗಬೇಕು ಎನ್ನುವುದು ಎಲ್ಲರ ಆಸೆ. ಆದರೆ, ಇದು ಸಾಧ್ಯವಾಗುವ ಮುನ್ನ ಇನ್ನಷ್ಟು ಚರ್ಚೆ ಆಗಬೇಕಿದೆ’ ಎಂದು ತಿಳಿಸಿದ್ದಾರೆ. ಅವರ ವಾಪಸಾತಿಗೆ ಮುಂದಿನ ಐಪಿಎಲ್ನಲ್ಲಿ ಪ್ರದರ್ಶಿಸುವ ಫಾಮ್ರ್ ನಿರ್ಣಾಯಕವಾಗಿರಲಿದೆ. ಈಗಾಗಲೇ ಬೌಷರ್, ಸ್ಮಿತ್ ಹಾಗೂ ಪ್ಲೆಸಿಸ್, ಟಿ20 ವಿಶ್ವಕಪ್ ವೇಳೆ ವಿಲಿಯರ್ಸ್ ಸೇವೆ ಸಿಕ್ಕಿದರೆ ಉತ್ತಮ ಎನ್ನುವ ಅಭಿಪ್ರಾಯವನ್ನು ಸಾರ್ವಜನಿಕವಾಗಿ ವ್ಯಕ್ತಪಡಿಸಿದ್ದಾರೆ.