ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ 55ನೇ ಸಿನಿಮಾಗೆ ‘ಮಿಲನ’ ಪ್ರಕಾಶ್ ಅವರು ನಿರ್ದೇಶನ ಮಾಡಲಿದ್ದಾರೆ ಎಂಬ ಮಾತುಗಳು ಗಾಂಧಿನಗರದಿಂದ ಜೋರಾಗಿ ಕೇಳಿಬರುತ್ತಿವೆ.
ಈ ಹಿಂದೆ ಇವರಿಬ್ಬರ ಜೋಡಿಯಲ್ಲಿ ವೂಡಿಬಂದಿದ್ದ ಕೌಟುಂಬಿಕ ಪ್ರಾಧಾನ್ಯತೆಯ ಚಿತ್ರ ‘ತಾರಕ್’ ಒಳ್ಳೆಯ ಹೆಸರು ಮಾಡಿತ್ತು. ಅಲ್ಲದೆ, ನಟ ದರ್ಶನ್ಗೆ ವಿಭಿನ್ನ ಇಮೇಜ್ ಕೂಡ ತಂದು ಕೊಟ್ಟಿತ್ತು. ಇದೀಗ ನಟ ದರ್ಶನ್ಗೆ ನಿರ್ದೇಶಕ ಪ್ರಕಾಶ್ ಮತ್ತೊಂದು ಸಿನಿಮಾ ಮಾಡಲು ಮುಂದಾಗಿದ್ದು, ದರ್ಶನ್ ಕೂಡ ಒಪ್ಪಿಗೆ ನೀಡಿದ್ದಾರಂತೆ. ಪ್ರಕಾಶ್ ಈಗಾಗಲೇ ಸ್ಕ್ರಿಪ್ಟ್ ಕೆಲಸ ಕೂಡ ಮುಗಿಸಿದ್ದಾರೆ ಎನ್ನಲಾಗುತ್ತಿದೆ. ಅಷ್ಟೇ ಅಲ್ಲದೆ, ಪ್ರಕಾಶ್ ಆಕ್ಷನ್-ಕಟ್ ಹೇಳಿರುವ ಬಹುತೇಕ ಚಿತ್ರಗಳನ್ನು ನಿರ್ವಿುಸಿರುವ ದುಷ್ಯಂತ ಅವರೇ ಈ ಚಿತ್ರಕ್ಕೂ ಬಂಡವಾಳ ಹಾಕಲಿದ್ದಾರೆ ಎಂಬ ಮಾತು ಕೇಳಿಬಂದಿದೆ. ಆದರೆ ಈ ಚಿತ್ರದ ಬಗ್ಗೆ ನಟ ದರ್ಶನ್ ಅಥವಾ ನಿರ್ದೇಶಕ ಪ್ರಕಾಶ್ ಅಧಿಕೃತವಾಗಿ ಇನ್ನೂ ಯಾವುದೇ ಮಾಹಿತಿ ನೀಡಿಲ್ಲ.
ಇನ್ನು ದರ್ಶನ್ಗಾಗಿ ‘ಮೆಜೆಸ್ಟಿಕ್’ ಸಿನಿಮಾ ನಿರ್ವಪಕ ಎಂ.ಜಿ.ರಾಮಮೂರ್ತಿ ಅವರು ಚಿತ್ರ ಮಾಡಲು ಮುಂದಾಗಿದ್ದು,‘ಮದಗಜ’ ಎಂಬ ಟೈಟಲ್ ಕೂಡ ಫಿಕ್ಸ್ ಮಾಡಿದ್ದಾರೆ. ನಟ ದರ್ಶನ್ ಸದ್ಯ ‘ರಾಬರ್ಟ್’ ಚಿತ್ರದ ಶೂಟಿಂಗ್ನಲ್ಲಿ ಬಿಜಿ ಆಗಿದ್ದು, ಮುಂದೆ ಯಾವ ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ ಎಂಬುದಕ್ಕೆ ಅವರಿಂದಲೇ ಉತ್ತರದ ನಿರೀಕ್ಷೆಯಲ್ಲಿದ್ದಾರೆ ಅಭಿಮಾನಿಗಳು.