ಸಿರಗುಪ್ಪ(ಬಳ್ಳಾರಿ): ಕರೆಂಟ್ ಶಾಕ್ ಹೊಡೆಯು ವುದು ಎಲ್ಲರಿಗೂ ಗೊತ್ತು. ಆದರೆ, ಬಳ್ಳಾರಿ ಜಿಲ್ಲೆಯ ಸಿರಗುಪ್ಪ ಜೆಸ್ಕಾಂ ಕಚೇರಿ ಗ್ರಾಹಕರಿಗೆ ಈ ತಿಂಗಳ ಕರೆಂಟ್ ಬಿಲ್ ಕೂಡ ಶಾಕ್ ಕೊಟ್ಟಿದೆ.
ಮಾಸಿಕ 500 ರಿಂದ 600 ರೂ. ಬರುತ್ತಿದ್ದ ಕರೆಂಟ್ ಬಿಲ್ ಈ ಬಾರಿ 4.5 ಲಕ್ಷ ರೂ.ನಿಂದ 5.78 ಲಕ್ಷ ರೂ.ವರೆಗೆ ಬಂದಿದ್ದು, ಗ್ರಾಹಕರನ್ನು ಅಚ್ಚರಿ ಜತೆಗೆ ಆಘಾತಕ್ಕೀಡುಮಾಡಿತ್ತು. 30 ಗ್ರಾಹಕರಿಗೆ ಇದೇ ರೀತಿಯಲ್ಲಿ ಬಿಲ್ ಬಂದಿದ್ದರಿಂದ ಜನ ಗಾಬರಿಯಾಗಿದ್ದರು. ಆದರೆ ಬಿಲ್ಲಿಂಗ್ ಮಷಿನ್ನಲ್ಲಿನ ತಾಂತ್ರಿಕ ದೋಷದಿಂದ ಎಡವಟ್ಟಾಗಿದೆ ಎಂದು ಗೊತ್ತಾದ ಮೇಲೆ ಎಲ್ಲರೂ ನಿಟ್ಟುಸಿರು ಬಿಟ್ಟಿದ್ದಾರೆ.
ಹೊಸ ಬಿಲ್ಲಿಂಗ್ ಮಷಿನ್ನ ತಾಂತ್ರಿಕ ದೋಷಗಳಿಂದಾಗಿ ತಪ್ಪಾಗಿದೆ. ಅದನ್ನು ಈಗಾಗಲೆ ಸರಿಪಡಿಸಿ ಗ್ರಾಹಕರಿಗೆ ಬೇರೆ ಬಿಲ್ ಕೊಟ್ಟಿದ್ದೇವೆ.
| ಶ್ರೀನಿವಾಸ ಜೆಸ್ಕಾಂ ಎಇಇ, ಸಿರಗುಪ್ಪ
ಪ್ರತಿ ತಿಂಗಳು 500 ರಿಂದ 600 ರೂ.ವರೆಗೆ ಬಿಲ್ ಬರು ತ್ತಿತ್ತು. ಈ ತಿಂಗಳು ಲಕ್ಷಾಂತರ ರೂ. ಬಿಲ್ ಬಂದಿದೆ. ಇದನ್ನು ನೋಡಿ ಶಾಕ್ ಆಗಿತ್ತು. ಇಲಾಖೆ ಅಧಿಕಾರಿಗಳನ್ನು ಸಂರ್ಪಸಿದೆ. ಅವರು ಸರಿಪಡಿಸಿಕೊಟ್ಟಿದ್ದಾರೆ.
| ರಾಜೇಶ ಗ್ರಾಹಕ, ಸಿರಗುಪ್ಪ