Monday, 10th December 2018  

Vijayavani

ಆರ್​ಬಿಐ ಗವರ್ನರ್​ ಸ್ಥಾನಕ್ಕೆ ಊರ್ಜಿತ್​ ಪಟೇಲ್​ ರಾಜೀನಾಮೆ- ವಿಜಯ ಮಲ್ಯ ಗಡಿಪಾರಿಗೆ ಯುಕೆ ನ್ಯಾಯಾಲಯ ಆದೇಶ        ಬೆಳಗಾವಿಯಲ್ಲಿ ಚಳಿಗಾಲದ ಅಧಿವೇಶನ -ಮೊದಲ ದಿನ ಕಲಾಪದಲ್ಲಿ ಅಗಲಿದ ಗಣ್ಯರಿಗೆ ಸಂತಾಪ -ಮೈತ್ರಿ ಸರ್ಕಾರ ವಿರುದ್ಧ ಬಿಜೆಪಿ ಗುಡುಗು        ಸರ್ಕಾರದ ವಿರುದ್ದ ರೈತರ ಹೋರಾಟ -ದೀಡ್ ದಂಡ ನಮಸ್ಕಾರ, ಬಾರುಕೋಲು ಚಳುವಳಿ -ಪೀಪಿ ಊದಿ ನಾಯಕರನ್ನು ಎಚ್ಚರಿಸಿದ ರೈತರು        ಚಿಕ್ಕಬಳ್ಳಾಪುರದಲ್ಲಿ ಒತ್ತುವರಿ ಅರಣ್ಯ ಭೂಮಿ ತೆರವು -ಜೆಸಿಬಿ ಮುಂದೆ ಬಿದ್ದು ಗೋಳಾಡಿದ ರೈತರು -ಬಿಗಿ ಪೊಲೀಸ್ ಭದ್ರತೆಯಲ್ಲಿ ಕಾರ್ಯಾಚರಣೆ        940 ದಿನಗಳ ನಿರಂತರ ವಿದ್ಯುತ್ ಉತ್ಪಾದನೆ -ಕೈಗಾ ಅಣುಸ್ಥಾವರದಿಂದ ವಿಶ್ವ ದಾಖಲೆ -ಸ್ಥಳೀಯರ ವಿರೋಧದ ನಡುವೆಯೂ ಸಾಧನೆ        ಸಿದ್ಧಗಂಗಾ ಶ್ರೀಗಳ ಆರೋಗ್ಯದಲ್ಲಿ ಚೇತರಿಕೆ -ನಾಳೆ ವಾರ್ಡ್ ಗೆ ಶಿಫ್ಟ್ ಸಾಧ್ಯತೆ -ಅಲ್ಪಸಂಖ್ಯಾತ ವೈದ್ಯರ ಚಿಕಿತ್ಸೆ ಅಂತ ಪ್ರಸ್ತಾಪಿಸಿದ್ದ ಡಿಕೆಶಿ ಕ್ಷಮೆ        ಮಂಡ್ಯದ ನವದಂಪತಿಗೆ ವಿಶೇಷ ಗಿಫ್ಟ್ -ದೇಸೀ ಹಸು ಉಡುಗೊರೆ ನೀಡಿದ ಗೆಳೆಯರು -ಕಾಮಧೇನು ನೋಡಿ ಮದುಮಕ್ಕಳ ಸಂತಸ       
Breaking News

ರೈಲ್ವೆ ಟಿಕೆಟ್​ ಬುಕ್ಕಿಂಗ್​ ಸಾಫ್ಟ್​ವೇರ್​ಗೆ ಕನ್ನ: ಸಿಬಿಐ ಟೆಕ್ಕಿ ಬಂಧನ

Thursday, 28.12.2017, 4:23 PM       No Comments

<< ಸಿಬಿಐನಲ್ಲೇ ಕಾರ್ಯ ನಿರ್ವಹಿಸುತ್ತ ತಂತ್ರಾಂಶ ಬರೆದು ಮಾರಾಟ ಮಾಡಿದ್ದ >>

ನವದೆಹಲಿ: ಐಆರ್​ಸಿಟಿಸಿ ಟಿಕೆಟ್​ ಬುಕಿಂಗ್​ ಸಾಫ್ಟ್​ವೇರ್​ಗೆ ಕನ್ನ ಹಾಕಿ ಟ್ರಾವೆಲ್​ ಏಜೆಂಟರು ಸಿಂಗಲ್ ಕ್ಲಿಕ್​ನಲ್ಲಿ ನೂರಾರು ತತ್ಕಾಲ್​ ಟಿಕೆಟ್​ ಬುಕ್​ ಮಾಡಲು ತಂತ್ರಾಂಶ ಅಭಿವೃದ್ಧಿಪಡಿಸಿದ್ದ ಟೆಕ್ಕಿಯನ್ನು ಸಿಬಿಐ ಬಂಧಿಸಿದೆ.

ಸಿಬಿಐನಲ್ಲೇ ಸಹಾಯಕ ಪ್ರೊಗ್ರಾಮರ್​ ಅಗಿ ಕಾರ್ಯ ನಿರ್ವಹಿಸುತ್ತಿದ್ದ ಅಜಯ್​ ಗರ್ಗ್​ ಮತ್ತು ಆತನ ಸಹಚರ ಅನಿಲ್​ ಗುಪ್ತಾನನ್ನು ಸಿಬಿಐ ಅಧಿಕಾರಿಗಳು ಬಂಧಿಸಿದ್ದಾರೆ. ಅಜಯ್​ ಗರ್ಗ್​ ನೂರಾರು ತತ್ಕಾಲ್​ ಟಿಕೆಟ್​ಗಳನ್ನು ಬುಕ್​ ಮಾಡಲು ಅನುಕೂಲವಾಗುವಂತಹ ಸಾಫ್ಟ್​ವೇರ್​ ಸಿದ್ಧಪಡಿಸಿದ್ದ. ಈ ಸಾಫ್ಟ್​ವೇರ್​ ಅನ್ನು ಆರೋಪಿಗಳು ಟಿಕೆಟ್​ ಬುಕಿಂಗ್​ ಏಜೆಂಟ್​ಗಳಿಗೆ ಮಾರಾಟ ಮಾಡಿ ಲಾಭ ಗಳಿಸುತ್ತಿದ್ದರು ಎಂದು ಸಿಬಿಐ ವಕ್ತಾರ ಅಭಿಷೇಕ್​ ದಯಾಲ್​ ತಿಳಿಸಿದ್ದಾರೆ.

ಅಜಯ್​ ಗರ್ಗ್​ನೊಂದಿಗೆ ಆತನ ಕುಟುಂಬಸ್ಥರು ಸೇರಿ ಒಟ್ಟು 13 ಜನರು ಭಾಗಿಯಾಗಿದ್ದು, ಅವರ ವಿರುದ್ಧವೂ ಸಿಬಿಐ ಪ್ರಕರಣ ದಾಖಲಿಸಿದೆ. ಗರ್ಗ್​ ನೀಡಿದ ಸಾಫ್ಟ್​ವೇರ್​ ಮೂಲಕ ಬುಕ್​ ಮಾಡಲಾದ ಟಿಕೆಟ್​ಗೆ ಈತ ಕಮಿಷನ್​ ಪಡೆಯುತ್ತಿದ್ದ. ಈತ ಏಜೆಂಟರಿಂದ ಕಮಿಷನ್​ ಹಣವನ್ನು ಬಿಟ್​ ಕಾಯಿನ್​ ರೂಪದಲ್ಲಿ ಮತ್ತು ಹವಾಲಾ ಜಾಲದ ಮೂಲಕ ಪಡೆಯುತ್ತಿದ್ದ.

ಸಾಮಾನ್ಯವಾಗಿ ತತ್ಕಾಲ್​ ಟಿಕೆಟ್​ ಬುಕಿಂಗ್​ ಆರಂಭವಾದ ಕೆಲವೇ ನಿಮಿಷಗಳಲ್ಲಿ ಎಲ್ಲಾ ಟಿಕೆಟ್​ಗಳು ಬುಕ್​ ಆಗುತ್ತಿದ್ದವು. ಸಾಮಾನ್ಯ ಜನರು ತಮ್ಮ ಕಂಪ್ಯೂಟರ್​ ಮೂಲಕ ಮತ್ತು ರೈಲ್ವೆ ನಿಲ್ದಾಣಗಳಲ್ಲಿ ಟಿಕೆಟ್​ ಬುಕ್​ ಮಾಡಲು ಸಾಧ್ಯವಾಗುತ್ತಿರಲಿಲ್ಲ. ಏಜೆಂಟರು ತಾವು ಬುಕ್​ ಮಾಡಿದ ಟಿಕೆಟ್​ಗಳನ್ನು ಹೆಚ್ಚಿನ ದರಕ್ಕೆ ಮಾರಾಟ ಮಾಡುತ್ತಿದ್ದರು ಎಂಬ ದೂರು ಸಾಮಾನ್ಯವಾಗಿ ಕೇಳಿ ಬರುತ್ತಿತ್ತು. ಈ ಹಿನ್ನೆಲೆಯಲ್ಲಿ ಸಿಬಿಐ ತನಿಖೆಯನ್ನು ಪ್ರಾರಂಭಿಸಿತ್ತು. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top