Ayushman Card: ಹಿರಿಯ ನಾಗರಿಕರಿಗೆ ಇದು ಒಳ್ಳೆಯ ಸುದ್ದಿ. ಕೇಂದ್ರ ಸರ್ಕಾರದ ಮಹತ್ವ ಯೋಜನೆಯಾದ ಆಯುಷ್ಮಾನ್ ಭಾರತ್ ಪ್ರಧಾನ ಮಂತ್ರಿ (ಆಯುಷ್ಮಾನ್ ಕಾರ್ಡ್) 70 ವರ್ಷ ಮತ್ತು ಅದಕ್ಕಿಂತ ಮೇಲ್ಪಟ್ಟ ಹಿರಿಯ ನಾಗರಿಕರಿಗೆ ಜನ ಆರೋಗ್ಯ ಯೋಜನೆ (AB PM-JAY) ಅಡಿಯಲ್ಲಿ ವಿಶೇಷ ಆರೋಗ್ಯ ವಿಮೆಯನ್ನು ನೀಡಲಾಗುತ್ತದೆ. ಈ ಯೋಜನೆ ಅನೇಕರಿಗೆ ಲಾಭದಾಯಕವಾಗಿದೆ. ಇದನ್ನೂ ಓದಿ: ತಪ್ಪು ಮಾಡಿಲ್ಲ, ಕ್ಷಮೆ ಕೇಳಲ್ಲ! ಕಮಲ್ ಹಾಸನ್ ಮಾತಿಗೆ ಕನ್ನಡಿಗರು ಕಿಡಿನುಡಿ; ‘ಥಗ್ ಲೈಫ್’ ಬ್ಯಾನ್ಗೆ ಪಟ್ಟು | Kamal Haasan ವೃದ್ಧರು ಆಯುಷ್ಮಾನ್ ವೆ ವಂದನ ಕಾರ್ಡ್ ಮೂಲಕ ಆಸ್ಪತ್ರೆಗಳಲ್ಲಿ ಉಚಿತ ಆರೋಗ್ಯ ಸೌಲಭ್ಯಗಳನ್ನು ಪಡೆಯಬಹುದು. ಈ ಆಯುಷ್ಮಾನ್ ಕಾರ್ಡ್ ಪಡೆಯಲು ಯಾವ ದಾಖಲಾತಿಗಳು ಬೇಕು? ಅರ್ಹತೆಗಳೇನು? ಏನ್ನೆಲ್ಲ ಪ್ರಯೋಜನ? ಅರ್ಜಿ ಸಲ್ಲಿಸುವ ಪ್ರಕ್ರಿಯೆ ಹೇಗೆ ಎಂಬುದರ ಸಂಪೂರ್ಣ ಮಾಹಿತಿ ಈ ಕೆಳಕಂಡಂತಿದೆ ಗಮನಿಸಿ.

ಆಯುಷ್ಮಾನ್ ಕಾರ್ಡ್‌ ವಿಮೆ

ನೀವು 70 ವರ್ಷ ಅಥವಾ ಅದಕ್ಕಿಂತ ಮೇಲ್ಪಟ್ಟ ವಯಸ್ಸಿನವರಾಗಿದ್ದರೆ, ನೀವು ವರ್ಷಕ್ಕೆ 5 ಲಕ್ಷ ರೂ.ಗಳವರೆಗೆ ಉಚಿತ ವೈದ್ಯಕೀಯ ವ್ಯಾಪ್ತಿಗೆ ಒಳಪಡುತ್ತೀರಿ. ಈ ಯೋಜನೆಯ ಫಲಾನುಭವಿ ನೀವಾದರೆ ನಿಮ್ಮ ಜೇಬಿನಿಂದ ಒಂದು ರೂಪಾಯಿ ಖರ್ಚು ಮಾಡದೆ ಉಚಿತವಾಗಿ ಸರ್ಕಾರಿ ಅಥವಾ ಎಂಪನೇಲ್ಡ್ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯಬಹುದಾಗಿದೆ. ಈ ಯೋಜನೆಯು ಔಷಧಿಗಳು, ವೈದ್ಯಕೀಯ ಪರೀಕ್ಷೆಗಳು, ಐಸಿಯು, ಶಸ್ತ್ರಚಿಕಿತ್ಸೆ ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಂತೆ 27 ವಿಶೇಷತೆಗಳು ಮತ್ತು 1,961 ವೈದ್ಯಕೀಯ ವಿಧಾನಗಳನ್ನು ಪೂರೈಕೆ ಮಾಡುತ್ತದೆ. ಇದು ವ್ಯಕ್ತಿಗಳ ಆದಾಯಕ್ಕೆ ಸಂಬಂಧಿಸುವುದಿಲ್ಲ. ನಿವೃತ್ತಿ ಹೊಂದಿದವರು, ಕರ್ತವ್ಯದಲ್ಲಿ ಇರುವವರು ಮತ್ತು ಆದಾಯ ಇಲ್ಲದವರು ಈ ಯೋಜನೆಯ ಪ್ರಯೋಜನ ಪಡೆಯಲು ಅರ್ಹರು. ಇದನ್ನೂ ಓದಿ:.ಸ್ವಂತ ಊರಿನಲ್ಲೇ ವೃತ್ತಿ ಬದುಕು ಕಟ್ಟಿಕೊಳ್ಳುವ ಧೋರಣೆ ಬಿಡಿ: ಡಾ.ಸಿ.ಎಲ್.ಲಕ್ಷ್ಮೀಪತಿಗೌಡ ಸಲಹೆ

ಯಾವ ವಯಸ್ಸಿನವರು ಅರ್ಜಿ ಸಲ್ಲಿಸಬಹುದು?

70 ವರ್ಷಕ್ಕಿಂತ ಮೇಲ್ಪಟ್ಟ ಯಾರಾದರೂ ಈ ಕಾರ್ಡ್‌ಗೆ ಅರ್ಹರು. ಇಲ್ಲಿ ಯಾವುದೇ ಆದಾಯದ ಅವಶ್ಯಕತೆಯಿಲ್ಲ. ಇದು ವಿಶೇಷವಾಗಿ ವೃದ್ಧರಿಗೆ ಪ್ರಯೋಜನವಾಗಲಿ ಎಂಬ ಉದ್ದೇಶದಲ್ಲಿ ಚಾಲ್ತಿಗೆ ತಂದಿರುವ ಆರೋಗ್ಯ ಯೋಜನೆ ಇದಾಗಿದೆ.

ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವುದು ಹೇಗೆ?

ಗೂಗಲ್ ಪ್ಲೇ ಸ್ಟೋರ್ ಅಥವಾ ಆ್ಯಪಲ್ ಆಪ್ ಸ್ಟೋರ್‌ನಿಂದ ಮೊದಲು ಆಯುಷ್ಮಾನ್ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿ.
ಫಲಾನುಭವಿ ಅಥವಾ ಆಪರೇಟರ್ ಆಗಿ ಲಾಗಿನ್ ಮಾಡಿ.
ನಂತರ ನೀಡಲಾದ ಕ್ಯಾಪ್ಚಾ, ಮೊಬೈಲ್ ಸಂಖ್ಯೆ ಮತ್ತು ದೃಢೀಕರಣ ವಿಧಾನದಂತಹ ವಿವರಗಳನ್ನು ನಮೂದಿಸಿ.
ಫಲಾನುಭವಿಯ ರಾಜ್ಯ, ಆಧಾರ್ ವಿವರಗಳನ್ನು ಒದಗಿಸಿ.
OTP ಆಧಾರಿತ eKYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ.
ವೈಯಕ್ತಿಕ ವಿವರಗಳೊಂದಿಗೆ ನೀಡಲಾದ ಫಾರ್ಮ್ ಸಲ್ಲಿಸಿ.
ಅರ್ಜಿದಾರರ ಮೊಬೈಲ್ ಸಂಖ್ಯೆ ಮತ್ತು OTP ಸಲ್ಲಿಸಿ.
ಏರಿಯಾ, ಪಿನ್ ಕೋಡ್ ಮುಂತಾದ ವಿವರಗಳನ್ನು ಸಲ್ಲಿಸಿ.
ಕುಟುಂಬ ಸದಸ್ಯರ ಬಗ್ಗೆ ಮಾಹಿತಿಯನ್ನು ಒದಗಿಸಿ (ಅನ್ವಯಿಸಿದರೆ)
ಪರಿಶೀಲಿಸಿದ ನಂತರ, ನೀವು ಅಪ್ಲಿಕೇಶನ್‌ನಿಂದ ನೇರವಾಗಿ ಆಯುಷ್ಮಾನ್ ಕಾರ್ಡ್ ಡೌನ್‌ಲೋಡ್ ಮಾಡಿಕೊಳ್ಳಬಹುದು.

https://www.vijayavani.net/trump-tariffs-challenged-in-top-court