ಆಡುತ್ತಾ ಬಾವಿಗೆ ಬಿದ್ದಿದ್ದ ಕಂದಮ್ಮಗಳ ಮೃತದೇಹ ಹೊರಕ್ಕೆ

ಬೆಳಗಾವಿ: ಅಥಣಿ ತಾಲೂಕಿನ ಕೊಕಟನೂರು ಗ್ರಾಮದ ರಬಕವಿ ತೋಟದಲ್ಲಿ ಆಟವಾಡುತ್ತ ಹೋಗಿ ಬಾವಿಗೆ ಬಿದ್ದ ಬಾಲಕರ ಮೃತದೇಹವನ್ನು ಹೊರಗೆ ತೆಗೆಯಲಾಗಿದೆ.

ಐದು ವರ್ಷದ ಬಾಲಕರಾದ ಆದರ್ಶ ಸುಭಾಷ್ ತಳವಾರ, ಅಭಿಷೇಕ್ ಬಸವರಾಜ್ ಮಡಿವಾಳ ಪಾಲಕರೊಂದಿಗೆ ಗದ್ದೆಗೆ ಹೋಗಿದ್ದಾಗ ಆಟ ಆಡುತ್ತ ಬಾವಿಗೆ ಬಿದ್ದಿದ್ದರು. ಕೂಡಲೇ ಆಗಮಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿ ಸತತ 3 ಗಂಟೆ ಕಾರ್ಯಾಚರಣೆ ನಡೆಸಿ, ಬಾಲಕರ ಮೃತದೇಹವನ್ನು ಹೊರಗೆ ತೆಗೆದಿದ್ದಾರೆ.

ಮೃತದೇಹವನ್ನು ನೋಡುತ್ತಿದ್ದಂತೆ ಪಾಲಕರ ಆಕ್ರಂದನ ಮುಗಿಲು ಮುಟ್ಟಿದೆ. ಐಗಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Leave a Reply

Your email address will not be published. Required fields are marked *