22.5 C
Bengaluru
Thursday, January 23, 2020

ಗರ್ಭ, ಭ್ರೂಣ ಎರಡೂ ಬೇರೆ!

Latest News

ನಾಲ್ಕು ಜಿಲ್ಲೆಗಳಿಗೆ ವೈದ್ಯಕೀಯ ಕಾಲೇಜು ಮಂಜೂರು

ಮೈಸೂರು: ವೈದ್ಯಕೀಯ ಶಿಕ್ಷಣ ಇಲಾಖೆ, ಲೋಕೋಪಯೋಗಿ ಇಲಾಖೆ ಮತ್ತು ಜಿಲ್ಲಾಡಳಿತದ ವತಿಯಿಂದ ನಗರದಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ...

ಶನಿ ಸಂಚಾರ ಯಾರಿಗೆ ವರ, ಯಾರಿಗೆ ಗ್ರಹಚಾರ

ಶುಕ್ರವಾರ 33 ವರ್ಷದ ನಂತರ ಶನಿ ತನ್ನ ಮನೆಗೆ ಬರುತ್ತಾನೆ. ಒಂದು ಮನೆಯಿಂದ ಮತ್ತೊಂದು ಮನೆಗೆ ದಾಟಲು 2 ವರ್ಷ 8 ತಿಂಗಳು...

ಕೌಟುಂಬಿಕ ಕಲಹಕ್ಕೆ ನಲುಗಿದ ತಾಯಿ ಮಕ್ಕಳೊಂದಿಗೆ ಕಾಲುವೆಗೆ ಹಾರಿ ಆತ್ಮಹತ್ಯೆ

ಚಿಕ್ಕೋಡಿ: ಕೌಟುಂಬಿಕ ಕಲಹದಿಂದ ಬೇಸತ್ತಿದ್ದ ತಾಯಿ ತನ್ನ ಇಬ್ಬರು ಮಕ್ಕಳೊಂದಿಗೆ ಕಾಲುವೆಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಹುಕ್ಕೇರಿ ತಾಲೂಕಿನ ನೊಗನಿಹಾಳ ಗ್ರಾಮದಲ್ಲಿ...

ಆಸ್ಪತ್ರೆ ಶುಚಿತ್ವಕ್ಕೆ ಮದ್ದರೆದ ಸಚಿವರ ವಾಸ್ತವ್ಯ

ಚಿತ್ರದುರ್ಗ: ಆರೋಗ್ಯ ಸಚಿವ ಶ್ರೀರಾಮುಲು ಅವರು ಗುರುವಾರ ರಾತ್ರಿ ಆಸ್ಪತ್ರೆಯಲ್ಲಿ ವಾಸ್ತವ್ಯ ಹೂಡುತ್ತಿರುವ ಹಿನ್ನೆಲೆಯಲ್ಲಿ ಜಿಲ್ಲಾಸ್ಪತ್ರೆಯಲ್ಲಿ ಸ್ವಚ್ಛತೆ ಇಣುಕಿದೆ. ಮೈಸೂರಿನಲ್ಲಿದ್ದ ಸಚಿವರು ರಾತ್ರಿ 11-30ರ...

ಹಾಫ್ ಬಾಯಿಲ್ಡ್ ರೆಡಿ; ಬ್ಯಾಚಲರ್​ ಬಾಯ್ಸ್​ ಕಾಮಿಡಿ ಸಿನಿಮಾ

‘ಹಾಫ್ ಬಾಯಿಲ್ಡ್’ ರೆಡಿಯಾಗಿದೆ. ಹಾಗಂತ ಇದು ಹಾಫ್ ಬಾಯಿಲ್ಡ್ ಮೊಟ್ಟೆ ಅಲ್ಲ, ‘ನಾವೆಲ್ರೂ ಹಾಫ್ ಬಾಯಿಲ್ಡ್’ ಎಂಬ ಚಿತ್ರ. ಹೀಗೊಂದು ವಿಭಿನ್ನ ಶೀರ್ಷಿಕೆ ಇಟ್ಟುಕೊಂಡು ಕನ್ನಡದಲ್ಲಿ...

ಆರೈಕೆ ಎಂಬುದು ಎಲ್ಲರಿಗೂ ಬೇಕು. ಅಂಥದ್ದರಲ್ಲಿ ಗರ್ಭಿಣಿಯರಿಗೆ ವಿಶೇಷ ಆರೈಕೆ ಯಾಕೆ, ಅಷ್ಟೊಂದು ಮಹತ್ವ ನೀಡಬೇಕೆ ಎಂಬುದು ಚರ್ಚಾ ವಿಷಯವೇನಲ್ಲ. ರಸ್ತೆಯಲ್ಲಿ ವಾಹನ ಚಲಾಯಿಸುವಾಗ ಪ್ರತಿಕ್ಷಣವೂ ಎಚ್ಚರ ವಹಿಸಬೇಕಾಗುತ್ತದೆ. ಒಂದೆರಡು ಕ್ಷಣ ಕಣ್ಣು ಮುಚ್ಚಿದರೆ, ಗಮನ ಬೇರೆಡೆ ಹೋದರೆ ಏನು ಬೇಕಾದರೂ ಆಗಬಹುದು. ಕಣ್ಣು ತೆರೆಯುವುದರೊಳಗೆ ಅಪಘಾತ ಸಂಭವಿಸಿ ಜೀವಕ್ಕೆ ಕುತ್ತು ತರಬಹುದಾದ ಅಪಾಯವಿರುತ್ತದೆ. ಅದಕ್ಕಾಗಿ ಕ್ಷಣಕ್ಷಣವೂ ಎಚ್ಚರದಿಂದಿರಬೇಕು. ಹಾಗಿರುವಾಗ ‘ವೇಗ ನಿಯಂತ್ರಣದಲ್ಲಿರಲಿ, ಜಾಗರೂಕತೆಯಿಂದ ವಾಹನ ಚಲಾಯಿಸಿ’, ‘ಮುಂದೆ ತಿರುವು ಇದೆ. ಎಚ್ಚರದಿಂದ ಚಲಿಸಿ’ ಎಂಬ ಸೂಚನಾಫಲಕ ಹಾಕುವುದಾದರೂ ಏಕೆ ಎಂಬ ಪ್ರಶ್ನೆ ಏಳುತ್ತದೆ. ಹೇಗೂ ಎಚ್ಚರದಿಂದ ಇರಲೇಬೇಕೆಂದ ಮೇಲೆ ಎಚ್ಚರದಿಂದ ಚಲಾಯಿಸಿ ಎಂಬ ನಿರ್ದೇಶನಗಳಿಗೆ ಏನು ಬೆಲೆ ಎಂಬ ಯೋಚನೆ ಬರುತ್ತದೆ. ಸದಾ ಜಾಗ್ರತೆಯಿಂದಲೇ ವಾಹನ ಚಲಾಯಿಸಬೇಕು, ಕೆಲವು ಸ್ಥಳಗಳಲ್ಲಿ ಇನ್ನೂ ಹೆಚ್ಚಿನ ಗಮನ ನೀಡಿ ಎಂಬುದು ಈ ಸಲಹೆಯ ಹಿಂದಿರುವ ಕಾಳಜಿ. ಗರ್ಭಿಣಿಯರೂ ಹಾಗೆಯೇ! ಹುಟ್ಟಲಿರುವ ಶಿಶುವು ದೇಹದಲ್ಲಿರುವಾಗ ಹೇಗೆ ಬೇಕೋ ಹಾಗೆ ಇರುವುದಲ್ಲ! ಆರೈಕೆಯು ಉಚ್ಛ್ರಾಯ ಸ್ಥಿತಿಯಲ್ಲಿರಬೇಕು. ಹಾಗಿದ್ದರೇನೇ ಮುಂದಿನ ಜನಾಂಗದ ಅಂಗಾಂಗ, ಅವಯವಗಳೆಲ್ಲ ವೈಕಲ್ಯಗಳಿಲ್ಲದೆ ದಷ್ಟಪುಷ್ಟವಾಗಿ ಬೆಳೆದು ಜಗತ್ತಿಗೊಂದು ಕೊಡುಗೆ ನೀಡುವ ಸಾಮರ್ಥ್ಯವನ್ನು ಪಡೆದುಕೊಳ್ಳುತ್ತದೆ.

ಇದನ್ನರಿತ ಆಯುರ್ವೆದವು ಗರ್ಭಿಣಿ ಚರ್ಯುಗೆ ಸಂಬಂಧಿತ ವಿಚಾರಗಳನ್ನು ಸೂಕ್ಷ್ಮತೆಯ ನೆರಳಿನಲ್ಲಿ ಅತ್ಯಂತ ಪ್ರಬುದ್ಧವಾಗಿ ಎಳೆಎಳೆಯಾಗಿ ಬಿಡಿಸಿ ಹೇಳಿದೆ. ಗರ್ಭ ಉತ್ಪತ್ತಿಯನ್ನು ವಿವರಿಸುತ್ತಾ ಜಲ ಹಾಗೂ ಅಗ್ನಿ ಮಹಾಭೂತಗಳು ದೃಶ್ಯ ಪಾತ್ರ ವಹಿಸಿ ಉಳಿದ ಮೂರರ ಸೂಕ್ಷ್ಮಪಾತ್ರದೊಂದಿಗೆ ನೆರವೇರುತ್ತದೆ ಎಂದಿದ್ದಾರೆ. ಶುಕ್ರವೆಂಬ ಪುರುಷ ವೀರ್ಯಾಣು ಹಾಗೂ ಶೋಣಿತವೆಂಬ ಸ್ತ್ರೀಯ ಅಂಡಾಣು ಮಿಲನವಾಗುವುದರ ಜೊತೆಗೆ ಪಂಚಮಹಾಭೂತ ಹಾಗೂ ಆತ್ಮಗಳ ಸಂಯೋಗವಾದಾಗ ಮಾತ್ರ ಗರ್ಭ ಉತ್ಪತ್ತಿ ಎಂಬುದು ಆಯುರ್ವೆದದ ವ್ಯಾಖ್ಯೆ. ವಿಶೇಷ ಏನೆಂದರೆ ಗರ್ಭ ಹಾಗೂ ಭ್ರೂಣಗಳೆರಡೂ ವಿಭಿನ್ನ. ಆರಂಭಿಕ ಸ್ಥಿತಿಯೇ ಗರ್ಭ. ಬೆಳವಣಿಗೆ ಹೊಂದುತ್ತ ಸಾಗುವ ನಂತರದ ಹಂತವೇ ಭ್ರೂಣ. ಇಂದಿನ ವಿಜ್ಞಾನಿಗಳು ಎಂಟು ವಾರದೊಳಗೆ ಎಂಬ್ರಿಯೋ ಅರ್ಥಾತ್ ಗರ್ಭವೆಂದು ಹೆಸರಿಸಿ ಆ ಬಳಿಕದ ಅವಸ್ಥೆಗೆ ಫೀಟಸ್ ಅರ್ಥಾತ್ ಭ್ರೂಣವೆಂದು ಕರೆದಿರುವುದನ್ನು ಗಮನಿಸಿದರೆ ಹಿಂದಿನ ವೈದ್ಯವಿಜ್ಞಾನಿಋಷಿಗಳ ದೃಢವಾದ ದೂರದರ್ಶಿತ್ವದ ದರ್ಶನವಾಗುತ್ತದೆ.

ಬೀಜ, ಬೀಜಭಾಗ, ಬೀಜಭಾಗ ಅವಯವಗಳೆಂಬ ಮೂರು ಅಂಶಗಳನ್ನು ಪ್ರಸ್ತಾಪಿಸಿದ್ದಾರೆ. ಸ್ತ್ರೀಯ ಬೀಜಾಣು ದೋಷದಿಂದ ಕೂಡಿದ್ದರೆ ಬಂಜೆಯಾಗುವ ಹೆಣ್ಣು ಮಗುವಿನ ಜನನಕ್ಕೆ ಕಾರಣವಾಗಬಹುದು. ಗರ್ಭಾಶಯದ ಬೀಜಭಾಗದ ಸಂಬಂಧಿತ ಅವಯವವು ದೋಷಪೂರಿತವಾಗಿದ್ದರೆ ಮೃತವಾದ ಮಗು ಹೆರಬಹುದು. ಲಿಂಗ ನಿರ್ಧಾರಕ ಬೀಜಭಾಗದ ಅವಯವದಲ್ಲಿ ತೊಂದರೆಯಿದ್ದರೆ ಸ್ತ್ರೀಯ ರೂಪವನ್ನು ಹೊಂದಿದ್ದರೂ ಸ್ತ್ರೀಯಲ್ಲದ ‘ವಾರ್ತಾ’ ಎಂಬ ಸಂತಾನಪ್ರಾಪ್ತಿಗೆ ಕಾರಣವಾಗುತ್ತದೆ. ಚರಕಸಂಹಿತೆಯ ಶಾರೀರಸ್ಥಾನದಲ್ಲಿ ಈ ವಿವರಣೆಗಳಿದ್ದು ಬೀಜಭಾಗವು ವಂಶವಾಹಿಯಿಂದಾಗುವ ಅನುವಂಶಿಕ ಪ್ರಭಾವಗಳಿಗೆ ಕಾರಣವಾದರೆ ಬೀಜಭಾಗದ ಅವಯವವು ವರ್ಣತಂತುವಿನ ನೇರ ಉಲ್ಲೇಖವಾಗಿದೆ! ಸಹಸ್ರಾರು ವರ್ಷಗಳ ಮೊದಲೇ ಭಾರತದಲ್ಲಿ ಶಿಶುವಿನ ಅಂಗವೈಕಲ್ಯಗಳಿಗೆ ಮೂಢನಂಬಿಕೆಗಳಿಗೆ ಶರಣಾಗದೆ ತಂದೆ-ತಾಯಿಯ ಬೀಜದೋಷ, ವಂಶವಾಹಿ ಹಾಗೂ ವರ್ಣತಂತು ಅಂಶಗಳೇ ಕಾರಣವೆಂದು ಸಾರಿಹೇಳಿರುವುದು ವೈಜ್ಞಾನಿಕ ಮನೋಧರ್ಮದ ಮಾರ್ವಿುಕ ಅಭಿವ್ಯಕ್ತಿ.

ಪಂಚಸೂತ್ರಗಳು

  • ಶಂಖಪುಷ್ಪಿ: ಕ್ಷಯರೋಗಿಗಳಿಗೆ ಹಿತ.
  • ಮಾದಲಹಣ್ಣು: ರಕ್ತಭೇದಿ ನಿಯಂತ್ರಕ.
  • ದೀವಿಹಲಸು: ಮೂತ್ರ ಪ್ರಮಾಣ ಹೆಚ್ಚಿಸುತ್ತದೆ.
  • ಸಾಸಿವೆ: ಬೆನ್ನುಹುರಿಯ ರೋಗಗಳಲ್ಲಿ ಉಪಯುಕ್ತ.
  • ದೊಡ್ಡ ಏಲಕ್ಕಿ: ನರರೋಗಗಳಲ್ಲಿ ಅನುಕೂಲಕಾರಿ.

ವಿಡಿಯೋ ನ್ಯೂಸ್

VIDEO| ಇಂದಿರಾ ಜೈಸಿಂಗ್​ ಅಂತಹವರನ್ನು ನಿರ್ಭಯಾ ಅಪರಾಧಿಗಳ ಜತೆ ಜೈಲಿನ...

ನವದೆಹಲಿ: ಹಿರಿಯ ವಕೀಲೆ ಇಂದಿರಾ ಜೈಸಿಂಗ್​ ಅವರನ್ನು ನಿರ್ಭಯಾ ಪ್ರಕರಣದ ಅಪರಾಧಿಗಳ ಜತೆ ಜೈಲಿನಲ್ಲಿಡಬೇಕು ಎಂದು ನಟಿ ಕಂಗನಾ ರಣಾವತ್​ ಆಕ್ರೋಷ ವ್ಯಕ್ತಪಡಿಸಿದ್ದಾರೆ. ನಿರ್ಭಯಾ ಪ್ರಕರಣವನ್ನು ಸಂತ್ರಸ್ಥೆ ತಾಯಿ ಆಶಾದೇವಿ ಅವರು ಕ್ಷಮಿಸಬೇಕು ಎಂಬ...

VIDEO| ಪ.ಬಂಗಾಳದಲ್ಲಿ ಮೂರೇ ವರ್ಷ ಹಿಂದೆ 165 ಕೋಟಿ ರೂ....

ಬಂಕುರಾ: ಪಶ್ಚಿಮ ಬಂಗಾಳದ ಬಂಕುರಾದ ಸಾರೆಂಗಾದಲ್ಲಿ ಕೇವಲ ಮೂರೇ ವರ್ಷ ಹಿಂದ 165 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಿಸಿದ ಓವರ್ ಹೆಡ್ ಟ್ಯಾಂಕ್ ಒಂದು ಬುಧವಾರ ಅಪರಾಹ್ನ ಕುಸಿದು ಬಿದ್ದಿದೆ....

VIDEO| ಗಗನಯಾನಕ್ಕೆ ವ್ಯೋಮಮಿತ್ರಾ; ಇಸ್ರೋದಿಂದ ರೋಬಾಟ್ ಅನಾವರಣ, ವರ್ಷಾಂತ್ಯಕ್ಕೆ ಪ್ರಯಾಣ

ಬೆಂಗಳೂರು: ಭಾರತದ ಮಹತ್ವಾಕಾಂಕ್ಷಿ ಬಾಹ್ಯಾಕಾಶ ಕಾರ್ಯಕ್ರಮ ಗಳಲ್ಲೊಂದಾದ ಮಾನವಸಹಿತ ಗಗನಯಾನಕ್ಕೆ ಪೂರ್ವಭಾವಿಯಾಗಿ ಪ್ರಯಾಣ ಬೆಳೆಸಲಿರುವ ರೋಬಾಟ್ ‘ವ್ಯೋಮಮಿತ್ರಾ’ವನ್ನು ಭಾರತೀಯ ಬಾಹ್ಯಾಕಾಶ ಸಂಸ್ಥೆ(ಇಸ್ರೋ) ಬುಧವಾರ ಬೆಂಗಳೂರಿನಲ್ಲಿ ಅನಾವರಣಗೊಳಿಸಿದೆ. ಖಾಸಗಿ ಹೋಟೆಲ್​ನಲ್ಲಿ ‘ಮಾನವಸಹಿತ ಗಗನಯಾನ ಮತ್ತು ಅನ್ವೇಷಣೆ ಕಾರ್ಯಕ್ರಮ’...

VIDEO: ಮಾವುತನ ಊಟದ ಎಲೆಯಿಂದ ತುತ್ತು ಅನ್ನ ತಿಂದು, ನೆಟ್ಟಿಗರ...

ತಿರುವನಂತಪುರ: ಆನೆಗಳ ಆಟ, ದಾಳಿ, ಮರ ಹತ್ತುವುದು ಹೀಗೆ ಹಲವು ವಿಡಿಯೋಗಳು ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿವೆ. ಆದರೆ ಈಗ ವೈರಲ್​ ಆಗಿರುವ ಆನೆಯ ವಿಡಿಯೋ ಸಾಮಾಜಿಕ ಬಳಕೆದಾರರ ಮನಸ್ಸು ಗೆದ್ದಿದೆ. ಹಸಿದ...

VIDEO| ರಾಷ್ಟ್ರಪತಿ ರಾಮನಾಥ್​ ಕೋವಿಂದ್​ರಿಂದ ಪ್ರಧಾನಮಂತ್ರಿ ರಾಷ್ಟ್ರೀಯ ಬಾಲ ಪುರಸ್ಕಾರ...

ನವದೆಹಲಿ: ದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ಇಂದು ನಡೆದ ಕಾರ್ಯಕ್ರಮದಲ್ಲಿ ರಾಷ್ಟ್ರಪತಿ ರಾಮನಾಥ್​ ಕೋವಿಂದ್​ ಅವರು ಪ್ರಧಾನಮಂತ್ರಿ ರಾಷ್ಟ್ರೀಯ ಬಾಲ ಪುರಸ್ಕಾರ ಪ್ರಶಸ್ತಿ ಪ್ರದಾನ ಮಾಡಿದರು. ವಿವಿಧ ಕ್ಷೇತ್ರಗಳಲ್ಲಿ ಅದ್ವಿತೀಯ ಸಾಧನೆ ಮಾಡಿದ...

VIDEO| ಬೇಲಿಯೇ ಎದ್ದು ಹೊಲ ಮೇಯ್ದಂತೆ ಎಂಬ ಗಾದೆ ಮಾತಿಗೆ...

ಲಖನೌ: ಬೇಲಿಯೇ ಎದ್ದು ಹೊಲ ಮೇಯ್ದಂತೆ ಎಂಬ ಗಾದೆ ಮಾತಿಗೆ ಪೂರಕವಾದ ಘಟನೆ ಇದಾಗಿದೆ. ಉತ್ತರ ಪ್ರದೇಶದ ನೋಯ್ಡಾದಲ್ಲಿ ನಡೆದ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ನೋಯ್ಡಾದಲ್ಲಿ ಅಂಗಡಿ ಹೊರಭಾಗದಲ್ಲಿ ಇಟ್ಟಿದ್ದ ಬಾಕ್ಸ್​ನಿಂದ...