ಬೊಫೋರ್ಸ್ ಅರ್ಜಿ ವಾಪಸ್: ಕೋರ್ಟ್ ಪ್ರಶ್ನೆ ಬಳಿಕ ಸಿಬಿಐ ಕ್ರಮ

Latest News

ಪ್ರಾಣಾಯಾಮದಲ್ಲಿ ಮುದ್ರೆಗಳ ಅಭ್ಯಾಸದಿಂದ ಕುಂಡಲಿನೀ ಶಕ್ತಿಯ ಉದ್ದೀಪನ

ಪ್ರಾಣಾಯಾಮ ಅಭ್ಯಾಸದ ವೇಳೆ ವಿವಿಧ ಮುದ್ರೆಗಳನ್ನು ಬಳಸಲಾಗುತ್ತದೆ. ಮುದ್ರೆ ಎಂದರೇನು? ಮುದ ನೀಡುವುದು ಯಾವುದು ಅದೇ ಮುದ್ರಾ ಎನ್ನುವುದು ಈ ಪದದ ವ್ಯಾಖ್ಯೆ. ಮುದ್ರೆಗಳು ಆರೋಗ್ಯಕ್ಕೆ...

ನೀವು ನರ್ಸರಿ ಮಾಡಲು ನಿರ್ಧರಿಸಿದ್ದೀರಾ? ಇಲ್ಲಿದೆ ನೋಡಿ ಮಣ್ಣು ತುಂಬಲು ಸರಳ ಸಾಧನ

ಕಾಳುಮೆಣಸು, ಅಡಕೆ, ಅಲಂಕಾರಿಕ ಹೂವಿನ ಗಿಡ ಇಂಥ ಬಹುಬೇಡಿಕೆಯುಳ್ಳ ಸಸಿಗಳ ನರ್ಸರಿ ಮಾಡಲು ನಿರ್ಧರಿಸಿದ್ದರೆ, ಸಾವಿರಾರು ಕವರ್​ಗಳಿಗೆ ಮಣ್ಣು ತುಂಬುವುದು ಹೇಗಪ್ಪ ಎಂದು ಚಿಂತಿಸುತ್ತಿರಬಹುದು. ಅಂಥವರಿಗೆಲ್ಲ...

ಉಮಾಶಂಕರ ಗಡಿಪಾರಿಗೆ ಒತ್ತಾಯಿಸಿ ಪ್ರತಿಭಟನೆ

ಚಡಚಣ: ಡಾ.ಬಿ.ಆರ್. ಅಂಬೇಡ್ಕರರು ಸಂವಿಧಾನ ಬರೆದಿಲ್ಲ ಎಂದು ಅವಹೇಳನಕಾರಿಯಾಗಿ ಪ್ರಕಟಿಸಿದ್ದನ್ನು ವಿರೋಧಿಸಿ ಕರ್ನಾಟಕ ರಾಜ್ಯ ದಲಿತ ಸಮನ್ವಯ ತಾಲೂಕು ಸಮಿತಿ ವತಿಯಿಂದ ಶನಿವಾರ...

ಕನ್ನಡದಲ್ಲೇ ಇಂಗ್ಲಿಷ್​ ಕಲಿಕೆ- ಇಂದಿನ ಇಂಗ್ಲಿಷ್ ಪದಗಳು

Burrow (ಬರೋ) = ಹುಡುಕಾಡು ತನ್ನ ಕಾರ್​ನ ಚಾವಿಯ ಯಥಾಪ್ರತಿಗಾಗಿ ಆತ ಡ್ರಾವರ್​ನಲ್ಲಿದ್ದ ವಸ್ತುಗಳನ್ನು ಅಡಿಮೇಲಾಗಿಸಿ ಹುಡುಕಾಡಿದ. He burrowed through the things in the...

ಇಸ್ರೋ ಅಧ್ಯಕ್ಷ ಡಾ.ಕೆ ಶಿವನ್ ಮತ್ತು ನಿಖಟಪೂರ್ವ ಅಧ್ಯಕ್ಷ ಕಿರಣ್ ಕುಮಾರ್​ಗೆ ಸುವರ್ಣಶ್ರೀ ಪ್ರಶಸ್ತಿ

ಬೆಂಗಳೂರು: ಶ್ರೀಮದ್ ವಿಭೂತಿಪುರ ವೀರಸಿಂಹಾಸನ ಸಂಸ್ಥಾನ ಮಠವು ಪ್ರಸಕ್ತ ಸಾಲಿನ ‘ಸುವರ್ಣಶ್ರೀ’ ಪ್ರಶಸ್ತಿಗೆ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಅಧ್ಯಕ್ಷ ಡಾ.ಕೆ. ಶಿವನ್...

ನವದೆಹಲಿ: ರಾಜೀವ್ ಗಾಂಧಿ ಪ್ರಧಾನಿಯಾಗಿದ್ದ ಕಾಲದಲ್ಲಿ ನಡೆದಿದ್ದ ಬೊಫೋರ್ಸ್ ಹಗರಣದ ಬಗ್ಗೆ ಮತ್ತಷ್ಟು ತನಿಖೆ ನಡೆಸಲು ಅನುಮತಿ ಕೋರಿ ದೆಹಲಿ ಕೋರ್ಟ್​ಗೆ ಸಲ್ಲಿಸಿದ್ದ ಮನವಿಯನ್ನು ಸಿಬಿಐ ಗುರುವಾರ ಹಿಂಪಡೆದಿದೆ. ಆದರೆ, ಮೇ 23ರ ನಂತರ ಎನ್​ಡಿಎ ಮತ್ತೆ ಅಧಿಕಾರಕ್ಕೆ ಬಂದರೆ ಈ ಹಗರಣದ ಬಗ್ಗೆ ಇನ್ನಷ್ಟು ತನಿಖೆ ನಡೆಸುವ ಸಾಧ್ಯತೆ ಇದೆ. ಈ ಹಗರಣದ ತನಿಖೆ ಕುರಿತಂತೆ ಮುಂದಿನ ದಿನಗಳಲ್ಲಿ ನಿರ್ಧಾರ ಕೈಗೊಳ್ಳುವ ಕಾರಣ ಅರ್ಜಿಯನ್ನು ಹಿಂಪಡೆಯುತ್ತಿರುವುದಾಗಿ ಸಿಬಿಐ ಹೇಳಿದೆ. ಇದಕ್ಕೆ ಪ್ರತಿಕ್ರಿಯಿಸಿದ ನ್ಯಾಯಾಧೀಶ ನವೀನ್ ಕುಮಾರ್ ಕಶ್ಯಪ್, ಅರ್ಜಿದಾರರಿಗೆ ಅರ್ಜಿ ಹಿಂಪಡೆಯಲು ಎಲ್ಲ ಹಕ್ಕು ಇದೆ ಎಂದು ಹೇಳಿದ್ದಾರೆ.

ಸಿಬಿಐಗೆ ಕೋರ್ಟ್ ಪ್ರಶ್ನೆ: ಬೊಫೋರ್ಸ್ ಹಗರಣದ ಬಗ್ಗೆ ಹೊಸದಾಗಿ ಕೆಲವು ಪುರಾವೆ ದೊರೆತ ಕಾರಣ ಈ ಬಗ್ಗೆ ಮತ್ತಷ್ಟು ತನಿಖೆ ನಡೆಸಲು ಅವಕಾಶ ನೀಡಬೇಕು ಎಂದು ಕೋರಿ ಸಿಬಿಐ ಕಳೆದ 2018ರ ಫೆ. 1ರಂದು ದೆಹಲಿ ಮುಖ್ಯ ಮೆಟ್ರೋಪಾಲಿಟನ್ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿತ್ತು. ಹಗರಣದ ತನಿಖೆ ನಡೆಸಲು ಕೋರ್ಟ್ ಅನುಮತಿ ಕೋರಿದ್ದು ಏಕೆ ಎಂದು ಕಳೆದ ವರ್ಷ ಡಿ. 4ರಂದು ನಡೆದ ವಿಚಾರಣೆಯಲ್ಲಿ ನ್ಯಾಯಾಲಯ ಪ್ರಶ್ನಿಸಿತ್ತು. ಸಿಬಿಐ ಸ್ವತಂತ್ರ ತನಿಖಾ ಸಂಸ್ಥೆ. ಅದಕ್ಕೆ ತನಿಖೆ ನಡೆಸುವ ಅಧಿಕಾರ ಇರುವಾಗ ನ್ಯಾಯಾಲಯದ ಅನುಮತಿ ಕೋರುವ ಪ್ರಮೇಯ ಇರಲಿಲ್ಲ ಎಂದು ಕಳೆದ ಮೇ 8ರ ವಿಚಾರಣೆ ವೇಳೆ ಕೋರ್ಟ್ ಪುನರುಚ್ಚರಿಸಿತ್ತು.

ಮೇಲ್ಮನವಿ ವಜಾ ಮಾಡಿದ್ದ ಸುಪ್ರೀಂ

ಬೊಫೋರ್ಸ್ ಹಗರಣ ಸಂಬಂಧ 2005ರ ಮೇ 31ರಂದು ತೀರ್ಪು ನೀಡಿದ್ದ ದೆಹಲಿ ಹೈಕೋರ್ಟ್, ಎಲ್ಲ ಆರೋಪಿಗಳನ್ನು ದೋಷಮುಕ್ತಗೊಳಿಸಿತ್ತು. ಈ ತೀರ್ಪನ್ನು ಪ್ರಶ್ನಿಸಿ ಸಿಬಿಐ 2018ರ ಫೆ. 2ರಂದು ಸುಪ್ರೀಂಕೋರ್ಟ್​ಗೆ ಮೇಲ್ಮನವಿ ಸಲ್ಲಿಸಿತ್ತು. ಅದೇ ವರ್ಷ ನ. 2ರಂದು ಸಿಬಿಐ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್, ಮೇಲ್ಮನವಿ ಸಲ್ಲಿಸಲು 90 ದಿನ ಅವಕಾಶ ಇದೆ. ಆದರೆ, 13 ವರ್ಷ ವಿಳಂಬ (4,500 ದಿನ) ಮಾಡಿದ್ದೇಕೆ ಎಂದು ತರಾಟೆಗೆ ತೆಗೆದುಕೊಂಡಿತ್ತು. ದೆಹಲಿ ಹೈಕೋರ್ಟ್ ತೀರ್ಪನ್ನು ಪ್ರಶ್ನಿಸಿ ವಕೀಲ ಅಜಯ್ ಅಗರವಾಲ್ ಬಹು ಹಿಂದೆಯೇ ಮೇಲ್ಮನವಿ ಸಲ್ಲಿಸಿದ್ದಾರೆ. ಅದು ಇತ್ಯರ್ಥಕ್ಕೆ ಬಾಕಿ ಇದೆ. ಸಿಬಿಐ ಇಚ್ಛಿಸಿದರೆ ಅವರಿಗೆ ನೆರವು ನೀಡ ಬಹುದು ಎಂದು ಸುಪ್ರೀಂಕೋರ್ಟ್ ಅಭಿಪ್ರಾಯಪಟ್ಟಿತ್ತು.

ಸಿಆರ್​ಪಿಸಿ 173(8) ಸೆಕ್ಷನ್ ಅನ್ವಯ ತನಿಖಾ ಸಂಸ್ಥೆ ಯಾವುದೇ ಪ್ರಕರಣ ಕುರಿತು ಹೆಚ್ಚುವರಿ ತನಿಖೆ ನಡೆಸಬಹುದು. ಇದಕ್ಕೆ ಕೋರ್ಟ್ ನಿಂದ ಅನುಮತಿ ಕಡ್ಡಾಯವಲ್ಲ. ಹೀಗಾಗಿ ಬೊಫೋರ್ಸ್ ಹಗರಣ ಕುರಿತ ತನಿಖೆ ಮುಂದುವರಿಯಲಿದೆ.

| ನಿತನ್ ವಕಂಕರ್ ಸಿಬಿಐ ವಕ್ತಾರ

ಅರ್ಜಿ ಸಲ್ಲಿಸಿದ್ದೇಕೆ?

ರಾಜೀವ್ ಗಾಂಧಿ ಸರ್ಕಾರ ಬೊಫೋರ್ಸ್ ಹಗರಣ ತನಿಖೆಯ ದಾರಿತಪ್ಪಿಸಿತ್ತು ಎಂದು ಖಾಸಗಿ ಪತ್ತೇದಾರ ಮೈಕಲ್ ಹರ್ಶ್ಮೆನ್ ಸಂದರ್ಶನವೊಂದರಲ್ಲಿ ಹೇಳಿದ್ದರು. ಇದನ್ನು ಆಧರಿಸಿ ತನಿಖೆ ನಡೆಸಬಹುದು ಎಂದು ಅಟಾರ್ನಿ ಜನರಲ್ 2017ರ ಅಕ್ಟೋಬರ್​ನಲ್ಲಿ ಮೌಖಿಕವಾಗಿ ಹೇಳಿದ್ದರು. ಹೀಗಾಗಿ ಸಿಬಿಐ ಅನುಮತಿ ಕೋರಿ ಕೋರ್ಟ್​ಗೆ ಅರ್ಜಿ ಸಲ್ಲಿಸಿತ್ತು.

ಏನಿದು ಹಗರಣ?

ಸ್ವೀಡನ್​ನ ಎಬಿ ಬೊಫೋರ್ಸ್ ಕಂಪನಿಯಿಂದ 155 ಎಂಎಂನ 400 ಬೊಫೋರ್ಸ್ ಫಿರಂಗಿ ಖರೀದಿಸಲು 1986ರ ಮಾರ್ಚ್ 24ರಂದು ಒಪ್ಪಂದ ಮಾಡಿಕೊಳ್ಳಲಾಗಿತ್ತು. -ಠಿ; 1,437 ಕೋಟಿ ಮೊತ್ತ ಈ ಒಪ್ಪಂದ ಕುದುರಿಸಲು -ಠಿ; 64 ಕೋಟಿ ಲಂಚವನ್ನು ಎಬಿ ಬೊಫೋರ್ಸ್ ಕಂಪನಿ ಪಾವತಿಸಿದೆ ಎಂದು ಸ್ವೀಡನ್ ರೆಡಿಯೋ ವರದಿ ಮಾಡಿದ್ದರಿಂದ ಅವ್ಯವಹಾರ ಬಯಲಿಗೆ ಬಂತು. 1990ರ ಜ. 22ರಂದು ಸಿಬಿಐ ಪ್ರಕರಣ ದಾಖಲಿಸಿಕೊಂಡಿತ್ತು. ಎಬಿ ಬೊಫೋರ್ಸ್ ಸಂಸ್ಥೆ ಅಧ್ಯಕ್ಷ ಮಾರ್ಟಿನ್ ಅಡ್ಬೋ, ಮಧ್ಯವರ್ತಿಗಳಾದ ಒಟ್ಟಾವಿಯೋ ಕ್ವಟ್ರೋಚಿ, ವಿನ್ ಛಡ್ಡಾ, ಭಾರತದ ರಕ್ಷಣಾ ಕಾರ್ಯದರ್ಶಿ ಎಸ್.ಕೆ. ಭಟ್ನಾಗರ್ ಮತ್ತು ಸ್ವೀಡನ್ ಕೆಲವು ಅಧಿಕಾರಿಗಳನ್ನು ಆರೋಪಿಗಳೆಂದು ಗುರುತಿಸಿತ್ತು. 1999ರ ಅಕ್ಟೋಬರ್ 22ರಂದು ಸಿಬಿಐ ಮೊದಲ ಆರೋಪಪಟ್ಟಿಯನ್ನು ಕೋರ್ಟ್​ಗೆ ಸಲ್ಲಿಸಿತು. 2000 ಇಸ್ವಿ ಅ. 9ರಂದು ಸಲ್ಲಿಸಿದ ಎರಡನೇ ಆರೋಪಪಟ್ಟಿಯಲ್ಲಿ ಎಸ್.ಪಿ. ಹಿಂದುಜಾ, ಜಿ.ಪಿ. ಹಿಂದುಜಾ ಮತ್ತು ಪಿ.ಪಿ. ಹಿಂದುಜಾ ಸೋದರರ ಹೆಸರನ್ನು ಸಿಬಿಐ ಉಲ್ಲೇಖಿಸಿತ್ತು. ಒಟ್ಟಾವಿಯೋ ಕ್ವಟ್ರೋಚಿಯನ್ನು 2011ರ ಮಾರ್ಚ್ 4ರಂದು ವಿಶೇಷ ನ್ಯಾಯಾಲಯ ಆರೋಪ ಮುಕ್ತಗೊಳಿಸಿತು. ಕ್ಟಟ್ರೋಚಿ ವಿರುದ್ಧದ ಪ್ರಕರಣಕ್ಕೆ ಈಗಾಗಲೇ -ಠಿ; 250 ಕೋಟಿ ವ್ಯಯ ಮಾಡಲಾಗಿದೆ. ತೆರಿಗೆದಾರರ ಹಣವನ್ನು ಹೀಗೆ ಪೋಲು ಮಾಡಲಾಗದು ಎಂದು ಕೋರ್ಟ್ ಹೇಳಿತ್ತು. ರಾಜೀವ್ ಗಾಂಧಿ ಕುಟುಂಬದ ಜತೆ ಆಪ್ತ ನಂಟು ಹೊಂದಿದ್ದರು ಎನ್ನಲಾದ ಕ್ವಟ್ರೋಚಿ 1993ರ ಜುಲೈ 29ರಂದು ಭಾರತ ಬಿಟ್ಟು ಹೋಗಿದ್ದ. 2013ರಲ್ಲಿ ಆತ ಮೃತಪಟ್ಟಿದ್ದ. ಆರೋಪಿಗಳಾದ ಮಾರ್ಟಿನ್ ಅಡ್ಬೋ, ಭಟ್ನಾಗರ್ ಮತ್ತು ಛಡ್ಡಾ ಕೂಡ ಮೃತಪಟ್ಟಿದ್ದಾರೆ.

- Advertisement -

Stay connected

278,552FansLike
570FollowersFollow
609,000SubscribersSubscribe

ವಿಡಿಯೋ ನ್ಯೂಸ್

VIDEO| ಲೋಕಸಭಾಧ್ಯಕ್ಷ ಓಂ...

ಜೈಪುರ: ಬಾಲಿವುಡ್​ ನಟಿ ರಾಣಿ ಮುಖರ್ಜಿ ಅವರ ಮುಂದಿನ ಚಿತ್ರ ಮರ್ದಾನಿ-2ಗೆ ಬಿಡುಗಡೆ ಮುನ್ನವೇ ವಿರೋಧದ ಕೂಗು ಕೇಳಿಬಂದಿದೆ. ಚಿತ್ರದ ವಿರುದ್ಧ ರಾಜಸ್ಥಾನದ ಕೋಟಾ ನಗರದ ನಿವಾಸಿಗಳು ಲೋಕಸಭಾ ಸ್ಪೀಕರ್​...

VIDEO| ಭಾರಿ ಭದ್ರತೆಯೊಂದಿಗೆ...

ಶಬರಿಮಲೆ: ವಿವಾದದ ನಡುವೆಯೇ ಭಾರಿ ಭದ್ರತೆಯೊಂದಿಗೆ ಅಯ್ಯಪ್ಪ ದೇವಸ್ಥಾನದ ಮುಖ್ಯ ದ್ವಾರವನ್ನು ಶನಿವಾರ ಸಂಜೆ ತೆರೆಯಲಾಯಿತು. ಸುದೀರ್ಘ ಎರಡು ತಿಂಗಳ ಮಂಡಲ-ಮಕರವಿಳಕ್ಕು ಪೂಜೆಗಾಗಿ ದೇವಸ್ಥಾನ ಬಾಗಿಲನ್ನು ಇಂದು ತೆರೆಯಲಾಗಿದೆ. ದೇವಸ್ಥಾನದ ಪ್ರಧಾನ...

VIDEO| ಹಿರಿಯ ಗಾಯಕಿ...

ಬೆಂಗಳೂರು: ಹಿರಿಯ ಗಾಯಕಿ ಲತಾ ಮಂಗೇಶ್ಕರ್ (90) ಅನಾರೋಗ್ಯದಿಂದ ಬಳಲುತ್ತಿದ್ದು ಕಳೆದ ಆರು ದಿನಗಳಿಂದ ಮುಂಬೈನಲ್ಲಿರುವ ಬ್ರೀಚ್​ ಕ್ಯಾಂಡಿ ಆಸ್ಪತ್ರೆಯ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದರ ನಡುವೆ ಕಳೆದೆರಡು ದಿನಗಳಿಂದ...

VIDEO: ನೆಟ್ಟಿಗರ ಪ್ರೀತಿಯನ್ನು...

ನವದೆಹಲಿ: ಈ ನಾಲ್ಕು ತಿಂಗಳ ಪುಟಾಣಿ ಕಪ್ಪುಬೆಕ್ಕಿಗೆ ಎರಡು ಮುಖ ! ಅದರ ವಿಲಕ್ಷಣ ರೂಪಕ್ಕೆ ನೆಟ್ಟಿಗರು ಮನಸೋತಿದ್ದಾರೆ. ಎರಡು ಮುಖದ ಬೆಕ್ಕಿನ ಮರಿ ತುಂಬ ಆರೋಗ್ಯಕರವಾಗಿ ಬೆಳೆಯುತ್ತಿದ್ದು ಅದನ್ನು...

VIDEO: ಸುಮ್ಮಸುಮ್ಮನೆ ಟ್ರಾನ್ಸ್​ಫರ್​...

ನವದೆಹಲಿ: ಸರ್ಕಾರಿ ಕೆಲಸದಲ್ಲಿ ಇರುವವರಿಗೆ ವರ್ಗಾವಣೆ ಸಾಮಾನ್ಯ. ಆದರೆ ಕೆಲವು ಸಲ ಮೇಲಧಿಕಾರಿಗಳ ಸರ್ವಾಧಿಕಾರಿ ಧೋರಣೆಯಿಂದ ಅಧೀನ ಅಧಿಕಾರಿಗಳು ಸುಮ್ಮನೆ ವರ್ಗಾವಣೆಯಾಗುತ್ತಾರೆ. ಸಣ್ಣ ತಪ್ಪಿಗೂ ಬೇರೆ ಕಡೆ ವರ್ಗಗೊಳ್ಳಬೇಕಾದ ಪರಿಸ್ಥಿತಿ ಬರುತ್ತದೆ. ಹಾಗೆ ವರ್ಗಾವಣೆಗೊಂಡ...

VIDEO: ಪುನೀತ್ ರಾಜ್​ಕುಮಾರ್​​...

ಬೆಂಗಳೂರು: ಪುನೀತ್​ ರಾಜ್​ಕುಮಾರ್ ಅವರ ಪಿಆರ್​ಕೆ ಸಂಸ್ಥೆಯಲ್ಲಿ ನಿರ್ಮಾಣವಾಗಿರುವ ಮಾಯಾ ಬಜಾರ್​-2016 ಸಿನಿಮಾದ ಟೀಸರ್​ ನಿನ್ನೆ (ನ.15)ರಂದು ಸಂಜೆ 7.30ಕ್ಕೆ ಬಿಡುಗಡೆಯಾಗಿದೆ. 56 ಸೆಕೆಂಡ್​​ಗಳ ಟೀಸರ್​ ಬಿಡುಗಡೆಯಾಗಿದೆ. ನವೆಂಬರ್​ 8, 2016ರಂದು 500 ರೂ.ಹಾಗೂ...

VIDEO| ಆಯುಷ್ಮಾನ್​ ಭವ...

ಬೆಂಗಳೂರು: ಹ್ಯಾಟ್ರಿಕ್​ ಹಿರೋ ಶಿವರಾಜ್​ಕುಮಾರ್​ ಹಾಗೂ ಡಿಂಪಲ್​ ಕ್ವೀನ್​ ರಚಿತಾ ರಾಮ್ ನಟನೆಯ "ಆಯುಷ್ಮಾನ್​ ಭವ" ಚಿತ್ರ ಇಂದು ತೆರೆಕಂಡಿದೆ. ವಿಶೇಷವೆಂದರೆ ಈ ಚಿತ್ರದ ಮೂಲಕ ಸಂಗೀತ ನಿರ್ದೇಶಕ ಗುರುಕಿರಣ್​...

VIDEO| ಐತಿಹಾಸಿಕ ಪಾತ್ರದಲ್ಲಿ...

ಮುಂಬೈ: ಇತ್ತೀಚೆಗೆ ಬಿಡುಗಡೆಯಾದ ಹೌಸ್​ಫುಲ್​-4 ಚಿತ್ರದ ಯಶಸ್ಸಿನಲ್ಲಿ ತೇಲುತ್ತಿರುವ ಬಾಲಿವುಡ್​ ನಟ ಅಕ್ಷಯ್​ ಕುಮಾರ್​ ತಮ್ಮ ಮುಂದಿನ ಐತಿಹಾಸಿಕ ಪ್ರಾಜೆಕ್ಟ್​ಗೆ ತಯಾರಾಗುತ್ತಿದ್ದಾರೆ. ಪೃಥ್ವಿರಾಜ್​ ಹೆಸರಿನ ಇತಿಹಾಸ ಆಧಾರಿತ ಚಿತ್ರದ ಪೂಜಾ...

VIDEO| ಎಸ್ಸೆಸ್ಸೆಲ್ಸಿಯ ಎಲ್ಲ...

ವಡೋದರಾ: ರಿಮೋಟ್​ ಕಂಟ್ರೋಲ್​ನಿಂದ ಆಪರೇಟ್​ ಮಾಡಬಹುದಾದ 35 ದೇಶೀಯ ಹಗುರ ವಿಮಾನ ಮಾದರಿಗಳನ್ನು ತಯಾರಿಸುವ ಮೂಲಕ 17 ವರ್ಷದ ಹುಡುಗನೊಬ್ಬ ಎಲ್ಲರ ಹುಬ್ಬೇರಿಸಿದ್ದಾನೆ. ಪ್ರಿನ್ಸ್​ ಪಂಚಾಲ್ ವಿಮಾನ ಮಾದರಿ ತಯಾರಿಸಿದ ಹುಡುಗ....

ಒಸಮಾ ಬಿನ್​ ಲಾಡೆನ್​,...

ಇಸ್ಲಮಾಬಾದ್​: ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಾರತೀಯ ಸೇನೆ ವಿರುದ್ಧ ಹೋರಾಡಲು ಕಾಶ್ಮೀರಿಗಳಿಗೆ ಉಗ್ರ ತರಬೇತಿ ನೀಡಲಾಗುತ್ತಿತ್ತು ಎಂಬುದನ್ನು ಪಾಕಿಸ್ತಾನದ ಮಾಜಿ ಅಧ್ಯಕ್ಷ, ಪಾಕ್​ ಸೇನೆಯ ಮಾಜಿ ಜನರಲ್​ ಫರ್ವೇಜ್​ ಮುಷರಫ್​ ಅವರು ಒಪ್ಪಿಕೊಂಡಿದ್ದಾರೆ....