ನವದೆಹಲಿ: ಶೂಟಿಂಗ್ ಕ್ರೀಡೆಯನ್ನು 2022ರ ಬರ್ವಿುಂಗ್ಹ್ಯಾಂ ಕಾಮನ್ವೆಲ್ತ್ ಗೇಮ್ಸ್ನಿಂದ ಕೈಬಿಟ್ಟಿದ್ದ ವಿಚಾರಕ್ಕಾಗಿ ಗೇಮ್ಸ್ಅನ್ನು ಬಾಯ್ಕಾಟ್ ಮಾಡುವ ನಿರ್ಧಾರ ಮಾಡಿದ್ದ ಭಾರತೀಯ ಒಲಿಂಪಿಕ್ ಸಂಸ್ಥೆ (ಐಒಎ) ಈಗ ತನ್ನ ನಿರ್ಧಾರವನ್ನು ಹಿಂಪಡೆದಿದೆ. ಅದಲ್ಲದೆ, 2026 ಅಥವಾ 2030ರ ಕಾಮನ್ವೆಲ್ತ್ ಗೇಮ್ಸ್ಗೆ ಬಿಡ್ ಸಲ್ಲಿಸುವ ನಿರ್ಧಾರವನ್ನೂ ಮಾಡಿದೆ.
ಸೋಮವಾರ ನಡೆದ ಭಾರತೀಯ ಒಲಿಂಪಿಕ್ ಸಂಸ್ಥೆಯ ಸಭೆಯಲ್ಲಿ ಈ ನಿರ್ಧಾರ ಮಾಡಲಾಗಿದೆ. 2010ರಲ್ಲಿ ದೆಹಲಿಯಲ್ಲಿ ಗೇಮ್್ಸ ಆಯೋಜನೆ ಮಾಡಿದ್ದ ಭಾರತ, ಈಗ 2026 ಹಾಗೂ 2030ರ ಗೇಮ್ಸ್ಗೆ ಬಿಡ್ ಮಾಡಲಿದ್ದು, ಇದಕ್ಕಾಗಿ ಕೇಂದ್ರ ಸರ್ಕಾರದ ಅನುಮತಿಯನ್ನು ಕೇಳಲಿದೆ.
ಕಾಮನ್ವೆಲ್ತ್ ಗೇಮ್ಸ್ ಫೆಡರೇಷನ್ (ಸಿಜಿಎಫ್) ಅಧ್ಯಕ್ಷೆ ಡೇನ್ ಲೌಸಿ ಮಾರ್ಟಿನ್, ಭಾರತ ತಂಡ ಬರ್ವಿುಂಗ್ಹ್ಯಾಂ ಗೇಮ್ಸ್ನಲ್ಲಿ ಸ್ಪರ್ಧೆ ಮಾಡುವ ನಿರ್ಧಾರದಿಂದ ಸಂತಸವಾಗಿದೆ ಎಂದಿದ್ದಾರೆ. ಸಿಜಿಎಫ್ ಹಾಗೂ ಸಂಪೂರ್ಣ ಕಾಮನ್ವೆಲ್ತ್ ಕ್ರೀಡಾ ಚಳುವಳಿ, ಭಾರತದ ಈ ನಿರ್ಧಾರವನ್ನು ಸ್ವಾಗತಿಸುತ್ತದೆ ಎಂದು ಮಾರ್ಟಿನ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ನವೆಂಬರ್ನಲ್ಲಿ ಸಿಜಿಎಫ್ ನಿಯೋಗದ ಭಾರತದ ಭೇಟಿಯ ವೇಳೆ, ಕಾಮನ್ವೆಲ್ತ್ ಗೇಮ್್ಸ ಹಾಗೂ ಕಾಮನ್ವೆಲ್ತ್ ಕ್ರೀಡಾ ಚಳುವಳಿಯಲ್ಲಿ ಭಾರತದ ಕ್ರೀಡಾಪಟುಗಳು ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ ಎಂದು ನಮಗೆ ಅನಿಸಿತ್ತು. ಈ ಭೇಟಿಯ ವೇಳೆ ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್ನೊಂದಿಗೆ ಸಿಜಿಎಫ್ನ ಬಂಧ ಇನ್ನಷ್ಟು ಗಟ್ಟಿಯಾಗಿದೆ ಎಂದು ಹೇಳಿದ್ದಾರೆ. ಅದರೊಂದಿಗೆ ಭಾರತ 2026 ಅಥವಾ 2030ರ ಗೇಮ್ಸ್ಗೆ ಬಿಡ್ ಸಲ್ಲಿಸುವ ನಿರ್ಧಾರ ಮಾಡಿದ್ದರಿಂದ ಮತ್ತಷ್ಟು ಸಂಭ್ರಮವಾಗಿದೆ ಎಂದಿದ್ದಾರೆ.
ಕಾಮನ್ವೆಲ್ತ್ ಶೂಟಿಂಗ್ ಚಾಂಪಿಯನ್ಷಿಪ್ಗೆ ಒಪ್ಪಿಗೆ
ಬರ್ವಿುಂಗ್ಹ್ಯಾಂ ಗೇಮ್ಸ್ನಲ್ಲಿ ಶೂಟಿಂಗ್ ಕ್ರೀಡೆಯನ್ನು ಕೈಬಿಟ್ಟ ಕಾರಣಕ್ಕಾಗಿ ಇದನ್ನು ಸರಿದೂಗಿಸುವ ಸಲುವಾಗಿ ಸಿಜಿಎಫ್, ಭಾರತಕ್ಕೆ ಕಾಮನ್ವೆಲ್ತ್ ಶೂಟಿಂಗ್ ಚಾಂಪಿಯನ್ಷಿಪ್ ಆತಿಥ್ಯದ ಭರವಸೆ ನೀಡಿತ್ತು. ರಾಷ್ಟ್ರೀಯ ರೈಫಲ್ ಸಂಸ್ಥೆ (ಎನ್ಆರ್ಎಐ) ಶಿಫಾರಸಿಗೆ ಐಒಎ ಒಪ್ಪಿಗೆ ನೀಡಿದೆ. ಬರ್ವಿುಂಗ್ಹ್ಯಾಂ ಗೇಮ್್ಸ ಗೂ ಮುನ್ನ 2020ರ ಮಾರ್ಚ್ನಲ್ಲಿ ಕಾಮನ್ವೆಲ್ತ್ ಶೂಟಿಂಗ್ ಚಾಂಪಿಯನ್ಷಿಪ್ ಭಾರತದಲ್ಲಿ ನಡೆಯಲಿದ್ದು, ಇದಕ್ಕೆ ಕಾಮನ್ವೆಲ್ತ್ ಗೇಮ್್ಸ ಪದಕದ ಮಾನ್ಯತೆ ಇರಲಿದೆ. ಐಒಎ ಈ ಶಿಫಾರಸನ್ನು ಸಿಜಿಎಫ್ನ ವ್ಯವಸ್ಥಾಪಕ ಸಮಿತಿಯ ಮುಂದೆ ಇಡಲಿದ್ದು, ಇದಕ್ಕೆ ಒಪ್ಪಿಗೆ ಪಡೆದುಕೊಳ್ಳಬೇಕಿದೆ. -ಪಿಟಿಐ