ಬ್ಯಾಂಕ್​ಗೆ ಬೀಗ ಜಡಿದು ರೈತರ ಪ್ರತಿಭಟನೆ

ರಾಣೆಬೆನ್ನೂರ: ಬೆಳೆ ಸಾಲ, ಟ್ರಾ$್ಯಕ್ಟರ್​ ಸಾಲದ ಎನ್​ಓಸಿ ಕೊಟ್ಟರೂ ಬ್ಯಾಂಕ್​ನವರು ಆಧಾರ ಖುಲಾಸೆ ಪತ್ರಕ್ಕೆ ಸಹಿ ಮಾಡದೆ ಸತಾಯಿಸುತ್ತಿದ್ದಾರೆ ಎಂದು ಆರೋಪಿಸಿ ನಗರದ ಪೋಸ್ಟ್​ ವೃತ್ತದ ಬಳಿಯಿರುವ ಬ್ಯಾಂಕ್​ಗೆ ಗುರುವಾರ ರೈತರು ಬೀಗ ಜಡಿದು ಪ್ರತಿಭಟನೆ ನಡೆಸಿದರು.
ರೈತ ಸಂದ ತಾಲೂಕು ಅಧ್ಯಕ್ಷ ಹನುಮಂತಪ್ಪ ಕಬ್ಬಾರ ಮಾತನಾಡಿ, ತಾಲೂಕಿನ ಗುಡ್ಡದ ಆನ್ವೇರಿಯ ರೈತ ಬಸವರಾಜ ವಿರುಪಾಪ್ಪ ಬಣಕಾರ 2013ರಲ್ಲಿ ಟ್ರಾ$್ಯಕ್ಟರ್​ ಹಾಗೂ ಬೆಳೆ ಸಾಲವಾಗಿ 20 ಲ ರೂ. ಸಾಲ ತೆಗೆದುಕೊಂಡಿದ್ದರು. ಸಾಲ ಮರುಪಾವತಿಗೆ ಸಂಬಂಧಿಸಿದಂತೆ ಇತ್ತೀಚಿಗೆ ಓಟಿಎಸ್​ನಲ್ಲಿ ಬಡ್ಡಿ ಸಮೇತವಾಗಿ 30 ಲ ರೂ. ತುಂಬಿ ಎನ್​ಓಸಿ ಕೂಡ ಪಡೆದುಕೊಂಡಿದ್ದಾರೆ. ಆದರೂ ಬ್ಯಾಂಕ್​ ವ್ಯವಸ್ಥಾಪಕರು ಜಮೀನಿನ ನೊಂದಾಯಿತ ಬೋಜಾ ಕಡಿಮೆ ಮಾಡಲು ಆಧಾರ ಖುಲಾಸೆ ಪತ್ರಕ್ಕೆ ಸಹಿ ಮಾಡಲು ಸತಾಯಿಸುತ್ತಿದ್ದಾರೆ ಎಂದು ಆರೋಪಿಸಿದರು.
ಯಾವುದೇ ಮಾಹಿತಿ ಕೇಳಿದರೂ ಒಂದು ವಾರ ಬಿಟ್ಟು ಬನ್ನಿ ಎನ್ನುತ್ತಾರೆ. ಇದೇ ರೀತಿ ಸಾಕಷ್ಟು ರೈತರು ಓಟಿಎಸ್​ ಸೌಲಭ್ಯದಲ್ಲಿ ಸಾಲವನ್ನು ಮರುಪಾವತಿ ಮಾಡಿದ್ದಾರೆ. ಆದರೆ, ಅವರ ಜಮೀನಿಗೆ ಆಧಾರ ಖುಲಾಸೆ ಪತ್ರಕ್ಕೆ ಶೀಲು ಹಾಕಿ ಸಹಿ ಮಾಡಿ ಕೊಡಲು ಸತಾಯಿಸುತ್ತಿದ್ದಾರೆ. ಆದ್ದರಿಂದ ಈ ಕೂಡಲೇ ಸಂಬಂಧಪಟ್ಟ ಅಧಿಕಾರಿಗಳು ಎಚ್ಚೇತ್ತುಕೊಂಡು ಸಮಸ್ಯೆ ಬಗೆಹರಿಸಬೇಕು. ಇಲ್ಲವಾದಲ್ಲೀತಿವ್ರ ಹೋರಾಟ ಮಾಡಬೇಕಾಗುತ್ತದೆ ಎಂದು ಎಚ್ಚರಿಸಿದರು.
ಸ್ಥಳಕ್ಕೆ ಬಂದ ಬ್ಯಾಂಕ್​ನ ಹಿರಿಯ ಅಧಿಕಾರಿಗಳು ಸಮಸ್ಯೆ ಬಗೆಹರಿಸುವುದಾಗಿ ಭರವಸೆ ನೀಡಿದರು. ನಂತರ ಪ್ರತಿಭಟನೆ ಹಿಂಪಡೆಯಲಾಯಿತು.
ಪ್ರಮುಖರಾದ ಶಿವಾನಂದ ಸಾಲಗೇರಿ, ಬಸವರಾಜ ಬಣಕಾರ, ಬಾಬಣ್ಣ ಕಂಬಳಿ, ಮಂಜುನಾಥ ಸಾಂಬೋಜಿ, ಯಲ್ಲಪ್ಪ ಚಿಕ್ಕಣ್ಣನವರ ಮತ್ತಿತರರು ಪ್ರತಿಭಟನೆಯಲ್ಲಿದ್ದರು.