More

    ವಿಶ್ವದರ್ಜೆ ಬೆಂಗಳೂರಿಗೆ ಸಂಕಲ್ಪ; ಬೆಂಗಳೂರು ಮಿಷನ್-2022ಗೆ ಚಾಲನೆ

    ಬೆಂಗಳೂರು: ದೇಶದ 75ನೇ ಸ್ವಾತಂತ್ರ್ಯೋತ್ಸವ (2022)ದ ಹೊತ್ತಿಗೆ ಬೆಂಗಳೂರನ್ನು ವಿಶ್ವದರ್ಜೆಯ ಮಹಾನಗರವನ್ನಾಗಿ ರೂಪಿಸುವ ದೃಢ ಸಂಕಲ್ಪ ತೊಟ್ಟಿರುವ ರಾಜ್ಯ ಸರ್ಕಾರ ಇದಕ್ಕೆ ಪೂರಕವಾಗಿ ಸಮಗ್ರ ಕಾರ್ಯಯೋಜನೆಯನ್ನು ಅನುಷ್ಠಾನಕ್ಕೆ ತಂದಿದೆ. ಬೆಂಗಳೂರಿಗೆ ನವಚೈತನ್ಯ ತುಂಬುವ ‘ಬೆಂಗಳೂರು ಮಿಷನ್-2022’ಕ್ಕೆ ವಿಧಾನಸೌಧದ ಬ್ಯಾಂಕ್ವೆಟ್ ಸಭಾಂಗಣದಲ್ಲಿ ಗುರುವಾರ ಚಾಲನೆ ನೀಡುವ ಮೂಲಕ ಸಿಎಂ ಬಿ.ಎಸ್.ಯಡಿಯೂರಪ್ಪ ಯೋಜನೆ ಸಾಕಾರಗೊಳಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆಯಿಟ್ಟರು. ಕರೊನೋತ್ತರ ಬೆಂಗಳೂರು ಮಹಾನಗರ ಹೀಗಿರಬೇಕೆಂಬ ಸ್ಪಷ್ಟ ಪರಿಕಲ್ಪನೆ ಹಾಗೂ ಬೆಳವಣಿಗೆ ವೇಗಕ್ಕೆ ಅನುಗುಣವಾಗಿ 20 ವರ್ಷಗಳ ಮುನ್ನೋಟ ಆಧರಿಸಿ, ಎಲ್ಲ ಆಯಾಮ ಗಳಲ್ಲೂ ಅಭಿವೃದ್ಧಿಗೆ ಸರ್ಕಾರ ಹೆಚ್ಚಿನ ಕಾಳಜಿ, ಆಸಕ್ತಿ ವಹಿಸಿದೆ.

    ಯೋಜನೆಯ ನೀಲಿನಕ್ಷೆ ಸಿದ್ಧ: ಬೆಂಗಳೂರಿನ ಖ್ಯಾತಿಗೆ ಇನ್ನಷ್ಟು ಹೊಳಪು ನೀಡಿ ಹಳೆಯ ಬೇರಿಗೆ ಹೊಸ ತಲೆಮಾರು ಜೋಡಿಸುವ ರೀತಿ ನೀಲಿನಕ್ಷೆ ಸಿದ್ಧಪಡಿಸಿದೆ. ಸುಗಮ ಸಂಚಾರ, ಸ್ವಚ್ಛ, ಹಸಿರು ಹಾಗೂ ಜನ ಸಂಪರ್ಕ ವಲಯ ಗುರುತಿಸಿ, ಜ್ವಲಂತ ಸಮಸ್ಯೆ ಪರಿಹಾರಕ್ಕೆ ಒತ್ತು ನೀಡಿದೆ. ಆ ಮೂಲಕ ಕ್ಷಿಪ್ರಗತಿ ಬೆಳವಣಿಗೆ ಪರಿಣಾಮಗಳಿಗೆ ಪರಿಹಾರ ಕಂಡುಕೊಳ್ಳುವ ಆಶಯ ಹೊಂದಲಾಗಿದೆ. ಬದಲಾವಣೆಗೆ ತಕ್ಕಂತೆ ರೂಪುಗೊಂಡ ಯೋಜನೆ ಅನುಷ್ಠಾನಕ್ಕೆ ಸಂಸ್ಥೆಗಳನ್ನು ಗುರುತಿಸಿ ಜವಾಬ್ದಾರಿ ಒಪ್ಪಿಸಿ, 2 ವರ್ಷ ಕಾಲಮಿತಿ ವಿಧಿಸಲಾಗಿದೆ.ಅನುದಾನವನ್ನು ಬಜೆಟ್​ನಲ್ಲಿ ಮೀಸಲಿರಿಸಲಾಗಿದೆ.

    ಇದನ್ನೂ ಓದಿ: ಕರೊನಾ ಹೋಗುವುದರೊಳಗೆ ಬಂತು ಮತ್ತೊಂದು ಡೆಡ್ಲಿ ಸೋಂಕು! ದೇಶದ ಹಲವು ಭಾಗಗಳಲ್ಲಿ ಪತ್ತೆ, 9 ಸಾವು!

    ವಿಶ್ವದ ಅತ್ಯುತ್ತಮ ನಗರಗಳಲ್ಲಿ ಬೆಂಗಳೂರು ಒಂದಾಗಬೇಕು ಎಂಬ ಸದಾಶಯದೊಂದಿಗೆ ‘ಬೆಂಗಳೂರು ಮಿಷನ್-2022’ ಮಹತ್ವಾಕಾಂಕ್ಷಿ ಕಾರ್ಯಯೋಜನೆ ರೂಪಿಸಿ, 2 ವರ್ಷಗಳ ಕಾಲಮಿತಿ ವಿಧಿಸಲಾಗಿದೆ. ಯೋಜನೆಗೆ ಬೇಕಾದ ಹಣಕಾಸಿನ ವ್ಯವಸ್ಥೆ ಮಾಡಲಾಗಿದೆ.

    | ಬಿ.ಎಸ್.ಯಡಿಯೂರಪ್ಪ ಮುಖ್ಯಮಂತ್ರಿ

    ಆದ್ಯತಾ ವಲಯ

    • ಸುಗಮ ಸಂಚಾರ–ಅತಿ ದಟ್ಟಣೆಯ ಒಟ್ಟು 190 ಕಿ.ಮೀ. ಉದ್ದದ 12 ರಸ್ತೆಗಳನ್ನು ಮೇಲ್ದರ್ಜೆಗೇರಿಸುವುದು
    • ಸ್ವಚ್ಛ ಬೆಂಗಳೂರು-ಜನರ ಸಹಕಾರದಿಂದ ತ್ಯಾಜ್ಯ ವಿಲೇವಾರಿಯ ದಕ್ಷ ಹಾಗೂ ಸಮರ್ಥ ನಿರ್ವಹಣೆಗೆ ಸಾಂಸ್ಥಿಕ ರೂಪ ನೀಡುವುದು
    • ಹಸಿರು ಬೆಂಗಳೂರು-ಕೆಲ ಸಾರ್ವಜನಿಕ ಉದ್ದಿಮೆಗಳ ಭೂಮಿಯನ್ನು ಹಸಿರು ಹೊದಿಕೆ ಹೆಚ್ಚಿಸಲು ಮರುಬಳಕೆ.
    • ಜನಸಂಪರ್ಕ- ಏಕೀಕೃತ ಡಿಜಿಟಲ್ ವೇದಿಕೆಯಲ್ಲಿ ಖಾತೆ, ಆಸ್ತಿ ತೆರಿಗೆ ಪಾವತಿ, ಜನನ ಮತ್ತು ಪ್ರಮಾಣಪತ್ರಗಳ ವಿತರಣೆ, ವ್ಯಾಪಾರ ಪರವಾನಗಿಯಂತಹ ಹಲವು ನಾಗರಿಕ ಸೇವೆ ಸೌಲಭ್ಯ

    ‘ಬಿಗ್​ ಬಾಸ್​’ ಮನೆಗೆ ಹೋಗ್ತಾರಾ ‘ಹಳ್ಳಿ ಹಕ್ಕಿ’ ವಿಶ್ವನಾಥ್​?

    ಕೈಲಾಸಕ್ಕೆ ಕಾಸಿಲ್ಲದೆ ವೀಸಾ ತೆಗೆದುಕೊಂಡು ಬನ್ನಿ! ಭಕ್ತರಿಗೆ ಚಳಿಗಾಲದ ಆಫರ್​ ನೀಡಿದ ನಿತ್ಯಾನಂದ ಸ್ವಾಮಿ!

    ಪಾಠ ಹೇಳಿಕೊಡುವ ನೆಪದಲ್ಲಿ ವಿದ್ಯಾರ್ಥಿನಿಯರ ಮೇಲೆ ಅತ್ಯಾಚಾರವೆಸಗಿದ ಶಿಕ್ಷಕ!

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts