Monday, 10th December 2018  

Vijayavani

ಆರ್​ಬಿಐ ಗವರ್ನರ್​ ಸ್ಥಾನಕ್ಕೆ ಊರ್ಜಿತ್​ ಪಟೇಲ್​ ರಾಜೀನಾಮೆ- ವಿಜಯ ಮಲ್ಯ ಗಡಿಪಾರಿಗೆ ಯುಕೆ ನ್ಯಾಯಾಲಯ ಆದೇಶ        ಬೆಳಗಾವಿಯಲ್ಲಿ ಚಳಿಗಾಲದ ಅಧಿವೇಶನ -ಮೊದಲ ದಿನ ಕಲಾಪದಲ್ಲಿ ಅಗಲಿದ ಗಣ್ಯರಿಗೆ ಸಂತಾಪ -ಮೈತ್ರಿ ಸರ್ಕಾರ ವಿರುದ್ಧ ಬಿಜೆಪಿ ಗುಡುಗು        ಸರ್ಕಾರದ ವಿರುದ್ದ ರೈತರ ಹೋರಾಟ -ದೀಡ್ ದಂಡ ನಮಸ್ಕಾರ, ಬಾರುಕೋಲು ಚಳುವಳಿ -ಪೀಪಿ ಊದಿ ನಾಯಕರನ್ನು ಎಚ್ಚರಿಸಿದ ರೈತರು        ಚಿಕ್ಕಬಳ್ಳಾಪುರದಲ್ಲಿ ಒತ್ತುವರಿ ಅರಣ್ಯ ಭೂಮಿ ತೆರವು -ಜೆಸಿಬಿ ಮುಂದೆ ಬಿದ್ದು ಗೋಳಾಡಿದ ರೈತರು -ಬಿಗಿ ಪೊಲೀಸ್ ಭದ್ರತೆಯಲ್ಲಿ ಕಾರ್ಯಾಚರಣೆ        940 ದಿನಗಳ ನಿರಂತರ ವಿದ್ಯುತ್ ಉತ್ಪಾದನೆ -ಕೈಗಾ ಅಣುಸ್ಥಾವರದಿಂದ ವಿಶ್ವ ದಾಖಲೆ -ಸ್ಥಳೀಯರ ವಿರೋಧದ ನಡುವೆಯೂ ಸಾಧನೆ        ಸಿದ್ಧಗಂಗಾ ಶ್ರೀಗಳ ಆರೋಗ್ಯದಲ್ಲಿ ಚೇತರಿಕೆ -ನಾಳೆ ವಾರ್ಡ್ ಗೆ ಶಿಫ್ಟ್ ಸಾಧ್ಯತೆ -ಅಲ್ಪಸಂಖ್ಯಾತ ವೈದ್ಯರ ಚಿಕಿತ್ಸೆ ಅಂತ ಪ್ರಸ್ತಾಪಿಸಿದ್ದ ಡಿಕೆಶಿ ಕ್ಷಮೆ        ಮಂಡ್ಯದ ನವದಂಪತಿಗೆ ವಿಶೇಷ ಗಿಫ್ಟ್ -ದೇಸೀ ಹಸು ಉಡುಗೊರೆ ನೀಡಿದ ಗೆಳೆಯರು -ಕಾಮಧೇನು ನೋಡಿ ಮದುಮಕ್ಕಳ ಸಂತಸ       
Breaking News

ನಗದುರಹಿತರಾಗೋದು ಹೇಗೆ?

Monday, 05.12.2016, 2:00 AM       No Comments

| ಬಿ.ವಿ.ರುದ್ರಮೂರ್ತಿ

ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ನವೆಂಬರ್ 8ರಂದು 500, 1000 ರೂ. ಮುಖಬೆಲೆಯ ನೋಟುಗಳ ಚಲಾವಣೆಯನ್ನು ನಿಷೇಧಿಸುವ ನಿರ್ಧಾರ ಪ್ರಕಟಿಸಿದ ಬಳಿಕ 11.5 ಲಕ್ಷ ಕೋಟಿ ರೂಪಾಯಿ ಠೇವಣಿ ಮಾಡಲ್ಪಟ್ಟಿವೆ. ಈ ಅವಧಿಯಲ್ಲಿ ಮಾರುಕಟ್ಟೆಯಲ್ಲಿ ಚಲಾವಣೆಯಲ್ಲಿದ್ದ 500, 1000 ರೂ. ನೋಟುಗಳ ಮೌಲ್ಯ 15.44 ಲಕ್ಷ ಕೋಟಿ ರೂ. ನಿರೀಕ್ಷೆಗೂ ಮೀರಿ ಠೇವಣಿ ಇರಿಸಿದ್ದನ್ನು ನೋಡುತ್ತ, ಕಾಳಧನವನ್ನು ಲೆಕ್ಕಪತ್ರಕ್ಕೆ ಸೇರಿಸಲಾಗುತ್ತಿದೆ ಎಂದು ಅನೇಕರು ಆರೋಪಿಸುತ್ತಿದ್ದಾರೆ. ಇಲ್ಲಿ ಗಮನಿಸಬೇಕಾದ ಅಂಶವೊಂದನ್ನು ಅವರು ಮರೆತಿದ್ದಾರೆ. ನಗದುರಹಿತ ಅರ್ಥವ್ಯವಸ್ಥೆ ಜಾರಿಗೊಂಡರೆ, ನಗದು ರಹಿತ ವಹಿವಾಟಿನಿಂದಾಗುವ ಪ್ರಯೋಜನಗಳು ಏನು ಎಂಬುದನ್ನು ಅವಲೋಕಿಸುವಲ್ಲಿ ಟೀಕಾಕಾರರು ಎಡವಿದ್ದಾರೆ. ಡಿಜಿಟಲ್ ಹಣವನ್ನು ಬಳಕೆ ಮತ್ತು ಕಡಿಮೆ ನಗದು ವಹಿವಾಟು ಖಚಿತವಾಗಿಯೂ ಒಂದು ಬದ್ಧತೆಯನ್ನು ಮೂಡಿಸಬಲ್ಲದು ಹಾಗೂ ಕಾಳಧನದ ಪರ್ಯಾಯ ಅರ್ಥವ್ಯವಸ್ಥೆಗೆ ಕೊಡಲಿ ಏಟು ನೀಡಲಿದೆ.

ಆದರೆ, ನಗದು ರಹಿತ ವಹಿವಾಟು ನಡೆಸುವುದು ಹೇಗೆ ಎಂಬುದೇ ಬಹುದೊಡ್ಡ ಪ್ರಶ್ನೆ. ಭಾರತದ ಅರ್ಥವ್ಯವಸ್ಥೆಯ ಬಹುಪಾಲು ಗ್ರಾಮೀಣ ಪ್ರದೇಶವಾಗಿದ್ದು, ಇಂತಹ ವ್ಯವಸ್ಥೆಯಲ್ಲಿ ನಗದು ರಹಿತ ವಹಿವಾಟು ಸಾಧ್ಯವೇ? ಎಲ್ಲರೂ ಒಂದೇ ತೆರನಾಗಿ ಹಣಕಾಸಿನ ಸಾಕ್ಷರತೆ ಹೊಂದಿದ್ದಾರೆಯೇ? ಎಲ್ಲೆಡೆ ಇಂಟರ್ನೆಟ್, ನೆಟ್ವರ್ಕ್ ಸಂಪರ್ಕ, ಸ್ಮಾರ್ಟ್ಫೋನ್ ಬಳಕೆ ಹಾಗೂ ಇತರೆ ಮೂಲಸೌಕರ್ಯಗಳು ಲಭ್ಯವಿದೆಯೇ? ಇಷ್ಟೆಲ್ಲ ಸವಾಲುಗಳಿರುವಾಗ ಬೆಕ್ಕಿನ ಕೊರಳಿಗೆ ಗಂಟೆ ಕಟ್ಟುವವರಾರು ಎಂದು ಕುತೂಹಲದಿಂದ ನೋಡುವವರೇ ಹೆಚ್ಚು. ಹೀಗಾದರೆ ನಾವು ಬದಲಾಗುವುದು, ನಮ್ಮ ಬದುಕಿನಲ್ಲಿ ಬದಲಾವಣೆ ತರುವುದು ಯಾವಾಗ? ಎಲ್ಲ ಅನ್ವೇಷಣೆಯ ಮೂಲ ಅಗತ್ಯ. ಅದೇ ರೀತಿ, ನಮ್ಮ ಎಲ್ಲ ಜನರೂ ಅಗತ್ಯಕ್ಕೆ ತಕ್ಕಂತೆ ಬಹುಬೇಗವಾಗಿ ಬದಲಾವಣೆಗೆ ಒಗ್ಗಿಕೊಳ್ಳುತ್ತಾರೆ ಎಂಬ ವಿಶ್ವಾಸವೂ ನನಗಿದೆ.

ನಗದು ರಹಿತ ವಹಿವಾಟು ನಡೆಸುವುದಕ್ಕೆ ನಾವು ಡೆಬಿಟ್/ಕ್ರೆಡಿಟ್ ಕಾರ್ಡ್, ನೆಟ್ಬ್ಯಾಂಕಿಂಗ್, ಯುಪಿಐ, ಆಧಾರ್ ಆಧಾರಿತ ಪಾವತಿ ವ್ಯವಸ್ಥೆ-ಎಇಪಿಎಸ್, ಇ-ಕೂಪನ್, ಗಿಫ್ಟ್ಕಾರ್ಡ್ ಮುಂತಾದವುಗಳ ಪ್ರಯೋಜನವನ್ನು ಪೂರ್ಣ ಪ್ರಮಾಣದಲ್ಲಿ ಬಳಸಿಕೊಳ್ಳಬೇಕು. ರುಪೇ ಕಾರ್ಡ್ ಬಳಸುವುದಕ್ಕೆ ಉತ್ತೇಜನ ನೀಡುವಂತಹ ಕ್ರಮಗಳನ್ನು ಸರ್ಕಾರವೂ ತೆಗೆದುಕೊಳ್ಳಬೇಕು. ವಿಶೇಷವಾಗಿ ಪಾಯಿಂಟ್ ಆಫ್ ಸೇಲ್ ಮಷಿನ್ಗಳ ಬಳಕೆ, ಮೊಬೈಲ್ ವಾಲೆಟ್ ಬಳಕೆಗೂ ಉತ್ತೇಜನ ನೀಡಬೇಕು.

ಅನಾಣ್ಯೀಕರಣವು ನಿಸ್ಸಂಶಯವಾಗಿಯೂ ಅಲ್ಪಾವಧಿಯಲ್ಲಿ ಷೇರುಪೇಟೆಗೂ ನೋವುಂಟುಮಾಡಬಹುದು. ಆದರೆ, ಇತಿಹಾಸದ ಆಳಕ್ಕೆ ಇಳಿದು ನೋಡಿದರೆ ಈ ಕ್ರಮದ ದೀರ್ಘಾವಧಿ ಪ್ರಯೋಜನ ಏನು ಎಂಬುದು ಮನವರಿಕೆಯಾದೀತು. ಬಡ್ಡಿದರದಲ್ಲಿ ಇಳಿಕೆ, ಭ್ರಷ್ಟಾಚಾರ ಪ್ರಮಾಣ, ವಿತ್ತೀಯಕೊರತೆ ಇಳಿಕೆಯಾಗಿ, ಗರಿಷ್ಠ ಪ್ರಮಾಣದ ತೆರಿಗೆ ಸಂಗ್ರಹ, ವ್ಯವಹಾರದಲ್ಲಿ ಪಾರದರ್ಶಕತೆ, ಭಾರತೀಯ ಬ್ಯಾಂಕಿಂಗ್ ವ್ಯವಸ್ಥೆಯು ಇನ್ನಷ್ಟು ಬಲಿಷ್ಠವಾಗಿ, ಎಲ್ಲರೂ ಹಣಕಾಸು ವ್ಯವಸ್ಥೆಯೊಳಗೆ ಸೇರ್ಪಡೆಗೊಂಡು ದೇಶದ ಅರ್ಥವ್ಯವಸ್ಥೆಯೂ ಬಲಿಷ್ಠಗೊಳ್ಳಲಿದೆ.

Leave a Reply

Your email address will not be published. Required fields are marked *

Back To Top