ಮೂವರು ಮುಸುಕುಧಾರಿಗಳಿಂದ ಹಲ್ಲೆ

ಮುಳಬಾಗಿಲು: ತಾಲೂಕಿನ ನಾಗಲಕುಂಟೆ ಬಳಿ ಶನಿವಾರ ಬೆಳಗಿನ ಜಾವ 5 ಗಂಟೆ ಸುಮಾರಿಗೆ ಮೂವರು ಮುಸುಕುಧಾರಿಗಳು ಅಂಗಡಿ ಮಾಲೀಕನನ್ನು ಅಡ್ಡಗಟ್ಟಿ ತೀವ್ರ ಹಲ್ಲೆ ಮಾಡಿದ್ದಾರೆ. ಯಡಹಳ್ಳಿಯ ನಿವಾಸಿ ಜಿ.ಬಾಬುಲಚಾರಿ (56) ಹಲ್ಲೆಗೆ ಒಳಗಾದವರು. ಬಾಬುಲಚಾರಿ ಪಕ್ಕದ ಗುಮ್ಮಕಲ್​ ಗ್ರಾಮದಲ್ಲಿ ಟೀ ಅಂಗಡಿ ನಡೆಸುತ್ತಿದು,್ದ ಅಂಗಡಿ ತೆರೆಯಲು ಯಡಹಳ್ಳಿ ಯಿಂದ ಗುಮ್ಮಕಲ್​ಗೆ ಹೋಗುತ್ತಿದ್ದಾಗ ನಾಗಲಕುಂಟೆ ಬಳಿ ಮೂವರು ಮುಸುಕುದಾರಿಗಳು ಹೊಂಚು ಹಾಕಿ ಮಚ್ಚು ಮತ್ತು ದೊಣ್ಣೆಗಳಿಂದ ತೀವ್ರ ಹಲ್ಲೆ ಮಾಡಿ ಪರಾರಿಯಾಗಿದ್ದಾರೆ. ಗಾಯಾಳು ಜಿ.ಬಾಬುಲಚಾರಿ ಅವರನ್ನು ಕೋಲಾರದ ಆರ್​.ಎಲ್​. ಜಾಲಪ್ಪ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ. ನಂಗಲಿ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಗ್ರಾಮದ ಶ್ರೀನಾಥ್​, ರವಿ, ತಮ್ಮೇಗೌಡ, ಗುಮ್ಮ ಕಲ್​ ಗ್ರಾಮದ ಈಶ್ವರ ಆಚಾರಿ ಅವರ ಮೇಲೆ ಅನುಮಾನವಿದೆ ಎಂದು ದೂರು ನೀಡಿದ್ದು, ಈ ಪ್ರಕರಣದ ಬಗ್ಗೆ ನಂಗಲಿ ಪಿಎಸ್​ಐ ಅರ್ಜುನ್​ಗೌಡ ತನಿಖೆ ಕೈಗೊಂಡಿದ್ದಾರೆ.