ಮುಂಬೈ: ಸ್ಯ್ಯಾಮ್ 1992 ವೆಬ್ ಸಿರೀಸ್ ನೋಡದವರಿಲ್ಲ ಎನ್ನಬಹುದು. ನಿಜ ಘಟನೆಯನ್ನು ಅಚ್ಚುಕಟ್ಟಾಗಿ ತೆರೆ ಮೇಲೆ ಮೂಡಿಸಿದ ಸ್ಕ್ಯಾಮ್ 1992 ಕುಟುಂಬದಲ್ಲಿ ಇದೀಗ ಮದುವೆ ಸಂಭ್ರಮ. ತೆರೆ ಮೇಲಿನ ಹರ್ಷದ್ ಮೆಹ್ತಾಗೆ ಜೋಡಿಯಾಗಿದ್ದ ಅಂಜಲಿ ಬರೋಟ್, ನಟ ಗೌರವ್ ಅರೋರಾ ಜತೆ ಹಸೆಮಣೆ ಏರಿದ್ದಾರೆ.
ಅಂಜಲಿ ಬರೋಟ್ ಮತ್ತು ಗೌರವ್ ಅರೋರಾ ಮದುವೆ ಮಂಗಳವಾರದಂದು ನೆರವೇರಿದೆ. ವೆಬ್ ಸೀರಿಸ್ನಲ್ಲಿ ಪತ್ರಕರ್ತೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಶ್ರೇಯಾ ಧನ್ವಂತರಿ ಮದುವೆಯಲ್ಲಿ ಕಾಣಿಸಿಕೊಂಡಿದ್ದು, ಅಲ್ಲಿನ ಕೆಲ ಅದ್ಭುತ ಕ್ಷಣಗಳನ್ನು ಸೆರೆ ಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಮದುವೆಯಾದ ಸಂತಸದಲ್ಲಿ ಅಂಜಲಿ ಮತ್ತು ಗೌರವ್ ಹಾಡಿಗೆ ಹೆಜ್ಜೆ ಹಾಕಿರುವ ವಿಡಿಯೋವನ್ನೂ ಆಕೆ ಹಂಚಿಕೊಂಡಿದ್ದಾರೆ.
View this post on Instagram
ನಟಿ ಅಂಜಲಿ ಪ್ರಿವೆಡ್ಡಿಂಗ್ ಶೂಟ್ನ ಕೆಲ ಚಿತ್ರಗಳು ಹಾಗೂ ಮೆಹಂದಿ, ಅರಿಶಿಣ ಶಾಸ್ತ್ರದ ಕೆಲ ಫೋಟೋಗಳನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ರಿಸ್ಕ್ ಹೇ ತೋ ಇಶ್ಕ್ ಹೇ ಎನ್ನುವ ಬರಹವಿರುವ ಟೀ ಶರ್ಟ್ ತೊಟ್ಟಿರುವ ಫೋಟೋವನ್ನು ಆಕೆ ಹಂಚಿಕೊಂಡಿದ್ದು, ಅಭಿಮಾನಿಗಳನ್ನು ಮತ್ತೊಮ್ಮೆ ಸ್ಕ್ಯಾಮ್ 1992ನ ನೆನಪಿನಂಗಳಕ್ಕೆ ಕರೆದೊಯ್ದಿದ್ದಾರೆ. (ಏಜೆನ್ಸೀಸ್)
View this post on Instagram
‘ಹೆಂಡತಿ ತಂಬಾಕು ತಿಂತಾಳೆ, ನಂಗೆ ಡಿವೋರ್ಸ್ ಕೊಡಿಸಿ..’ ಗಂಡನ ಬೇಡಿಕೆಗೆ ಕೋರ್ಟ್ ಹೇಳಿದ್ದೇನು?
