ಕೆಕೆಆರ್ ತಂಡ ಸೇರಲು ಸಿದ್ಧವಾಗಿದ್ದಾರೆ ವಿಶ್ವದ ಘಾತಕ ಬೌಲರ್‌ಗಳು

ಬಾಂಗ್ಲಾದೇಶ ಜೊತೆಗಿನ ವಿವಾದದ ಬಳಿಕ ಬಿಸಿಸಿಐ ಮುಸ್ತಾಫಿಜುರ್ ರೆಹಮಾನ್​​ರನ್ನು ತಂಡದಿಂದ ಕೈ ಬಿಡುವಂತೆ ಕೆಕೆಆರ್​ಗೆ ಸೂಚಿಸಿತ್ತು. ಕಳೆದ ತಿಂಗಳು ನಡೆದಿದ್ದ ಹರಾಜಿನಲ್ಲಿ ತಂಡ ಎಡಗೈ ವೇಗಿ ಮುಸ್ತಾಫಿಜುರ್ ರೆಹಮಾನ್​ರನ್ನು 9.2 ಕೋಟಿ ರೂ.ಗೆ ಖರೀದಿಸಿತ್ತು. ಸದ್ಯ ಕೆಕೆಆರ್​ ಮುಸ್ತಾಫಿಜುರ್​ರನ್ನು ಕೈ ಬಿಟ್ಟರೆ ಅವರ ಸ್ಥಾನ ತುಂಬಬಲ್ಲ ಮೂರು ಆಟಗಾರರು ಇಲ್ಲಿದ್ದಾರೆ.

ಪ್ರಸ್ತುತ ನಡೆಯುತ್ತಿರುವ SA20 ಲೀಗ್​ನಲ್ಲಿ ರಿಚರ್ಡ್ ಗ್ಲೀಸನ್ ಉತ್ತಮ ಫಾರ್ಮ್‌ನಲ್ಲಿದ್ದು, ಇಲ್ಲಿಯವರೆಗೆ ಮೂರು ಪಂದ್ಯಗಳಲ್ಲಿ ಎಂಟು ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಕೆಕೆಆರ್ ತಂಡ ಎಡಗೈ ವೇಗದ ಬೌಲಿಂಗ್ ಆಯ್ಕೆಯ ಯೋಚಿಸುವುದಾದರೆ ಫಜಲ್ ಹಕ್ ಫಾರೂಕಿ ಉತ್ತಮ ಆಯ್ಕೆ. 2026 ರ ಟಿ 20 ವಿಶ್ವಕಪ್‌ಗಾಗಿ ಅಫ್ಘಾನಿಸ್ತಾನ ತಂಡದಲ್ಲಿ ಸ್ಥಾನ ಪಡೆದಿರುವ ಫಾರೂಕಿ, ಐಪಿಎಲ್‌ನಲ್ಲಿ ರಾಜಸ್ಥಾನ ರಾಯಲ್ಸ್ ಮತ್ತು ಸನ್‌ರೈಸರ್ಸ್ ಹೈದರಾಬಾದ್ ಪರ ಆಡಿದ್ದಾರೆ

ಕೆಕೆಆರ್​ ಎಡಗೈ ಸಂಯೋಜನೆ ಬಗ್ಗೆ ಯೋಚಿಸುವುದಾದರೆ ಸ್ಪೆನ್ಸರ್ ಜಾನ್ಸನ್ ಮತ್ತೊಂದು ಉತ್ತಮ ಆಯ್ಕೆಯಾಗಿದ್ದು, ಪ್ರಸ್ತುತ ಗಾಯಗೊಂಡಿರುವ ಅವರು ಬಿಗ್ ಬ್ಯಾಷ್ ಲೀಗ್​ನಲ್ಲಿ ಆಡುತ್ತಿಲ್ಲ. ಈ ವರ್ಷದ ಐಪಿಎಲ್​ಗೆ ಇನ್ನೂ ಸುಮಾರು ಮೂರು ತಿಂಗಳು ಸಮಯವಿರುವುದರಿಂದ ತಂಡ ಇವರತ್ತ ಕಣ್ಣಾಯಿಸಿದರು ಅಚ್ಚರಿಪಡಬೇಕಿಲ್ಲ.