ಕತ್ತಲೆಯಲ್ಲಿ ಉಗುರು ಕತ್ತರಿಸಬಾರದು ಏಕೆ?

ಕತ್ತಲಾದ ಮೇಲೆ ಉಗರು ಕತ್ತರಿಸಬೇಡ, ಮನೆ ಒಳಗೆ ಉಗುರು ಕತ್ತರಿಸಬೇಡ ಎಂದು ಹಿರಿಯರು ಆಗಾಗ್ಗೆ ಎಚ್ಚರಿಕೆ ಕೊಡುತ್ತಲೇ ಇರುತ್ತಾರೆ. ಇದು ವೈಜ್ಞಾನಿಕವಾಗಿಯೂ ಸರಿ. ಆದರೆ, ಕೆಲವರು ಇದೊಂದು ಮೂಡನಂಬಿಕೆ ಎಂದು ಅಲ್ಲಗೆಳೆಯುತ್ತಾರೆ. ಹಾಗಾದ್ರೆ ಸತ್ಯಾಂಶ ಏನು. ಕತ್ತಲಲ್ಲಿ ಉಗುರು ಯಾಕೆ ಕತ್ತರಿಸಬಾರದು ಎನ್ನುವುದಕ್ಕೆ ಉದಾಹರಣೆ ಇಲ್ಲಿದೆ.

ಸಂಜೆಯ ಸಮಯವನ್ನು ಪವಿತ್ರ ಕಾಲ ಎನ್ನಲಾಗುತ್ತದೆ. ಇದು ಲಕ್ಷ್ಮಿ ಆಗಮನದ ಕಾಲ, ಈ ವೇಳೆ ನಮ್ಮ ದೇಹಕ್ಕೆ ಬೇಡವಾದ ಉಗುರನ್ನು ಕತ್ತರಿಸುವುದರಿಂದ ದೇವತೆಗೆ ಮಾಡುವ ಅವಮಾನ ಎಂದು ಹಿಂದೂ ಸಂಪ್ರದಾಯದಲ್ಲಿ ನಂಬಲಾಗುತ್ತದೆ. ಜೊತೆಗೆ ಈ ಸಮಯದಲ್ಲಿ ಕೂದಲಿಗೆ ಕತ್ತರಿ ಹಾಕುವುದು ತಪ್ಪು ಎನ್ನಲಾಗುತ್ತದೆ.

ಕತ್ತಲಾಗುತ್ತಲೇ ಮನೆಯ ಒಳಗೆ ನಕರಾತ್ಮಕ ಶಕ್ತಿಗಳು ಪ್ರವೇಶಿಸುತ್ತವೆ. ಆಗ ಕತ್ತರಿಸಿದ ಉಗುರು ದುಷ್ಟ ಶಕ್ತಿ ಮಾಟ-ಮಂತ್ರಕ್ಕೆ ಬಳಕೆಯಾಗುವ ಸಾಧ್ಯತೆ ಇದೆ ಎನ್ನಲಾಗುತ್ತದೆ.

ನಮ್ಮ ಬೆರಳಿನ ಉಗುರು ನರಗಳ ಜೊತೆಗೆ ಸಂಪರ್ಕ ಹೊಂದಿರುವಂತದ್ದಾಗಿದೆ. ಕತ್ತಲೆ ಸಮಯದಲ್ಲಿ ಉಗುರು ಕತ್ತರಿಸುವುದು ಆರೋಗ್ಯದ ಸಮಸ್ಯೆಗೆ ಕಾರಣವಾಗಬಹುದು ಎನ್ನುವ ನಂಬಿಕೆ ಇದೆ. ನಮ್ಮ ನಾಡಿ ಮಿಡಿತಕ್ಕೆ ಸಮಸ್ಯೆಯನ್ನುಂಟು ಮಾಡುತ್ತದೆ ಎನ್ನುವ ನಂಬಿಕೆ ಇದೆ.

ಒಂದು ಕಾಲದಲ್ಲಿ ಬುಡ್ಡಿ ದೀಪ ಹಚ್ಚಿ ಜೀವನ ನಡೆಸುತ್ತಿದ್ದ ಹಿನ್ನೆಲೆ, ಕತ್ತಲಲ್ಲಿ ಉಗುರು ಕತ್ತರಿಸುವುದು ಎಲ್ಲಿ, ಕತ್ತರಿಸಿದ ನಂತರ ಅದು ಎಲ್ಲಿ ಬೀಳುತ್ತದೆಯೋ ಎಂದು ತಿಳಿಯುತ್ತಿರಲಿಲ್ಲ. ಅಕಸ್ಮಾತ್​ ತಿನ್ನುವ ಆಹಾರಕ್ಕೆ ಬಿದ್ದು ಸಮಸ್ಯೆಯುಂಟಾಗಬಹುದು ಎಂದು ಹಿರಿಯರು ಇದನ್ನು ಧಾರ್ಮಿಕ ವಿಚಾರಕ್ಕೆ ಕಲ್ಪಿಸುತ್ತಿದ್ದರು ಎನ್ನುವುದು ಇದೆ