ವೈಷ್ಣವಿ ಹೊಸ ಲುಕ್​!

ಟಾಲಿವುಡ್​ ನಟಿ ವೈಷ್ಣವಿ ಚೈತನ್ಯ ಅವರು ತಮ್ಮ ಹೊಸ ಕೇಶ ವಿನ್ಯಾಸದೊಂದಿಗೆ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಫೋಟೋಗಳು ಜಾಲತಾಣದಲ್ಲಿ ಸಖತ್​ ವೈರಲ್​ ಆಗುತ್ತಿವೆ.

ಯೂಟ್ಯೂಬರ್ ಆಗಿ ಎಂಟ್ರಿ ಕೊಟ್ಟು ಆ ಬಳಿಕ ನಟಿಯಾಗಿ ಬದಲಾದ ವೈಷ್ಣವಿ ಚೈತನ್ಯ, 2023 ರಲ್ಲಿ ತೆರೆಕಂಡ ಬ್ಲಾಕ್​ಬಸ್ಟರ್​ ಬೇಬಿ ಚಿತ್ರದ ಮೂಲಕ ಯುವಕರ ಸೆನ್ಸೇಷನ್ ಆದರು.

ಬೇಬಿ ಚಿತ್ರದ ಯಶಸ್ಸಿನ ನಂತರ, ಲವ್ ಮಿ ಮತ್ತು ಜ್ಯಾಕ್​ನಂತಹ ಚಿತ್ರಗಳಲ್ಲಿ ಕಾಣಿಸಿಕೊಂಡರು. ಆದರೆ, ಈ ಎರಡೂ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡಲಿಲ್ಲ.

ಎರಡು ಸಿನಿಮಾಗಳ ಸೋಲಿನಿಂದ ಎದೆಗುಂದದ ವೈಷ್ಣವಿ, ತಮ್ಮ ಮುಂದಿನ ದೊಡ್ಡ ಯೋಜನೆಯತ್ತ ಗಮನಹರಿಸಿದ್ದಾರೆ. ಮತ್ತೆ ಆನಂದ್ ದೇವರಕೊಂಡ ಜತೆಗೆ ಎಪಿಕ್ - ದಿ ಸೆಮಿಸ್ಟರ್​ನಲ್ಲಿ ನಟಿಸುತ್ತಿದ್ದಾರೆ.

ಈ ಚಿತ್ರವು ಈಗಾಗಲೇ ಯುವಕರಲ್ಲಿ ಸಂಚಲನ ಸೃಷ್ಟಿಸುತ್ತಿದೆ. ಬೇಬಿ ಚಿತ್ರದ ಜೋಡಿಯನ್ನು ಮತ್ತೆ ಪರದೆಯ ಮೇಲೆ ನೋಡಲು ಅಭಿಮಾನಿಗಳು ಉತ್ಸುಕರಾಗಿದ್ದಾರೆ.

ಇತ್ತೀಚೆಗೆ, ವೈಷ್ಣವಿ ಅವರು ಹೊಸ ಸಿನಿಮಾದಲ್ಲಿರುವ ತಮ್ಮ ಲುಕ್ ಅನ್ನು ಬಹಿರಂಗಪಡಿಸಿದ್ದಾರೆ. ಸುರುಳಿಯಾಕಾರದ ಕೇಶವಿನ್ಯಾಸ ಮಾಡಲಾಗಿದ್ದು, ಈ ಲುಕ್​ ವೈಷ್ಣವಿ ಸೌಂದರ್ಯಕ್ಕೆ ಮೆರಗು ತಂದಿದೆ ಅಂತಿದ್ದಾರೆ ಅಭಿಮಾನಿಗಳು.