ತ್ರಿಷಾ ಸೀರೆ ಗುಟ್ಟು ರಟ್ಟು.. ಸ್ವಾತಂತ್ರ್ಯ ದಿನಾಚರಣೆಗೆ ಉಟ್ಟಿದ್ದ ಸೀರೆ ಯಾರದ್ದು ಗೊತ್ತಾ..?

ಚೆನ್ನೈನ ಫೋರ್ಟ್ ಸೇಂಟ್ ಜಾರ್ಜ್‌ನಲ್ಲಿ 80ನೇ ಸ್ವಾತಂತ್ರ್ಯ ದಿನಾಚರಣೆಯ ಸಲುವಾಗಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ತಮಿಳುನಾಡಿನ ಸಿಎಂ ಜೋಸೆಫ್​ ವಿಜಯ್​ಯವರ ಪರೇಡ್​ ವೇಳೆ ನಟಿ ತ್ರಿಷಾ ಕಾಣಿಸಿಕೊಂಡಿದ್ದ ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್ ಆಗಿದ್ದವು.

ಪರೇಡ್​​​ ವೇಳೆ ಸಿಎಂ ವಿಜಯ್​ ಅವರು ಜೀಪಿನಲ್ಲಿ ಸಾಗುತ್ತಿದ್ದಾಗ ಎಲ್ಲರಿಗೂ ಸೆಲ್ಯೂಟ್ ಹಾಗೂ ನಮಸ್ಕರಿಸುತ್ತಿದ್ದರು. ಈ ವೇಳೆ ನಟಿ ತ್ರಿಷಾ ಅವರು ಸಹ ಸಿಎಂ ವಿಜಯ್​ ಅವರಿಗೆ ಸೆಲ್ಯೂಟ್​ ಮಾಡಿದರು. ಅವರ ಈ ಭಂಗಿಯು ಹಲವರ ಗಮನ ಸೆಳೆದಿತ್ತು.

ಆಗಸ್ಟ್​ 15ರಂದು ನಡೆದ ​ ಸ್ವಾತಂತ್ರ್ಯ ದಿನಾಚರಣೆಯ ಕಾರ್ಯಕ್ರಮಕ್ಕೆ ನಟಿ ತ್ರಿಷಾ ಅವರು ತಮ್ಮ ಅಮ್ಮನ ಸೀರೆಯನ್ನು ಉಟ್ಟಿರುವ ಬಗ್ಗೆ ಇನ್​ಸ್ಟಾಗ್ರಾಮ್​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ನಿನ್ನೆಯುಟ್ಟ ಸೀರೆಯೊಂದಿಗೆ ಮಾಡಿಸಿಕೊಂಡಿರುವ ಫೋಟೋ ಶೂಟ್​ನ ಪಟಗಳು ಹಂಚಿಕೊಂಡಿದ್ದು, ಅದಕ್ಕೆ ಮಾಮ್ಸ್​ ಸ್ಯಾರಿ ಎಂದು ಬರೆದುಕೊಂಡಿದ್ದಾರೆ.

ತ್ರಿಷಾ ಅವರು ಸಿಎಂ ವಿಜಯ್​ ಅವರ ಪೋಷಕರಾದ ಎಸ್.ಎ. ಚಂದ್ರಶೇಖರ್ ಮತ್ತು ಶೋಭಾ ಚಂದ್ರಶೇಖರ್ ಕಾಣಿಸಿಕೊಂಡರು. ಹೆಣೆದ ಜಡೆಗೆ ಮಲ್ಲಿಗೆ ಹೂ, ಬಂಗಾರದ ಬಣ್ಣದ ಜುಮುಕಿ, ಚಿಕ್ಕ ಬಿಂದಿ, ಸಿಂಪಲ್​​ ಮೇಕಪ್​ ಅವರ ಅಂದವನ್ನು ಹೆಚ್ಚಿಸಿತ್ತು. ಮೈದಾನದಲ್ಲಿ ಅವರು ಸಂತೋಷವಾಗಿ ನೋಡುತ್ತಿರುವ ಹಾಗೂ ಸಿಎಂ ಪೋಷಕರೊಂದಿಗೆ ಮಾತನಾಡಿರುವ ವಿಡಿಯೋ ವೈರಲ್ ಆಗಿದೆ.

ತ್ರಿಷಾ ಮತ್ತು ವಿಜಯ್​ ಅವರ ಒಡನಾಟದ ಬಗ್ಗೆ ಸುದೀರ್ಘ ಕಾಲದ ನಂತರ ಕಳೆದ ವರ್ಷದಿಂದ ಹೆಚ್ಚು ಚರ್ಚೆಗಳು ಕೇಳಿ ಬರುತ್ತಿದೆ. ಒಟ್ಟಾಗಿ ಮದುವೆ ಸಮಾರಂಭ, ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ಳುತ್ತಿರುವುದು, ಲಿಫ್ಟ್​ವೊಂದರಲ್ಲಿ ತೆಗೆಸಿಕೊಂಡ ಫೋಟೋಗಳು ಭಾರಿ ವಿವಾದವನ್ನು ಸೃಷ್ಟಿಸಿತ್ತು.

ಸಿಎಂ ವಿಜಯ್​ ಅವರ ಪತ್ನಿ ಸಂಗೀತಾ ಸ್ವರ್ಣಲಿಂಗಂ ಅವರು ಡಿವೋರ್ಸ್​ಗೆ ಮಧುರೈನ ಫ್ಯಾಮಿಲಿ ಕೋರ್ಟ್​ಗೆ ಅರ್ಜಿ ಸಲ್ಲಿಸಿದ್ದರು. ಇತ್ತೀಚೆಗೆ ಅದನ್ನು ವಾಪಸ್​ ಪಡೆದುಕೊಂಡಿದ್ದರು. ಡಿವೋರ್ಸ್​ ಅರ್ಜಿಯಲ್ಲಿ ಕಳೆದ ಕೆಲವು ವರ್ಷದಿಂದ ಪತಿ ಬೇರೋಬ್ಬ ನಟಿಯೊಂದಿಗೆ ವಿವಾಹೇತರ ಸಂಬಂಧ ಹೊಂದಿದ್ದಾರೆ. ಇದರಿಂದ ಮಾನಸಿಕ ಹಿಂಸೆಯಾಗಿದೆ ಎಂದು ಉಲ್ಲೇಖಿಸಿದ್ದರು.

ತ್ರಿಷಾ ಮತ್ತು ವಿಜಯ್​ ಅವರ ಮಧ್ಯೆ ಗಿಲ್ಲಿ ಸಿನಿಮಾದ ಶೂಟಿಂಗ್​ ಸಮಯದಲ್ಲಿ ಪ್ರೀತಿ ಶುರುವಾಗಿತ್ತು. ಇದಕ್ಕೆ ವಿಜಯ್​ ತಂದೆ ಒಪ್ಪುಗೆ ಕೊಟ್ಟಿಲ್ಲ. ಹೀಗಾಗಿ ಅವರು ತಮ್ಮ ದಾರಿಯನ್ನು ಕಂಡುಕೊಂಡರು ಎಂದು ಹಿರಿಯ ನಟಿ ಕುಟ್ಟಿ ಪದ್ಮಿನಿ ಸ್ಪಷ್ಟನೆ ಕೊಟ್ಟಿದ್ದರು.

ತ್ರಿಷಾ ಅವರು ತಮ್ಮ ಅಮ್ಮನ ಸೀರೆ ಧರಿಸಿ, ಯಾವುದೇ ಮೇಕಪ್ ಆರ್ಟಿಸ್ಟ್ ಸಹಾಯವಿಲ್ಲದೆ ಸ್ವತಃ ತಾವೇ ಮೇಕಪ್ ಮಾಡಿಕೊಂಡಿರುವುದಾಗಿ ತಿಳಿಸಿದ್ದಾರೆ.