ಟಾಕ್ಸಿಕ್​ 'ಎಲಿಜಬೆತ್​' ಹುಮಾ ಖುರೇಷಿ!

ಹುಮಾ ಖುರೇಷಿ ಜುಲೈ 28, 1986 ರಂದು ದೆಹಲಿ ಮುಸ್ಲಿಮ್ ಕುಟುಂಬದಲ್ಲಿ ಜನಿಸಿದರು. ಇವರ ತಂದೆ ಸಲೀಮ್ ಖುರೇಷಿ ರೆಸ್ಟೋರೆಂಟ್ ಉದ್ಯಮಿಯಾಗಿದ್ದಾರೆ. ಇವರ ಸಹೋದರ ಸಾಕಿಬ್ ಸಲೀಮ್ ಕೂಡ ಒಬ್ಬ ನಟರಾಗಿದ್ದಾರೆ.

ಹುಮಾ ದೆಹಲಿ ವಿಶ್ವವಿದ್ಯಾನಿಲಯದ ಗಾರ್ಗಿ ಕಾಲೇಜಿನಿಂದ ಇತಿಹಾಸದಲ್ಲಿ ಪದವಿ ಪಡೆದಿದ್ದಾರೆ. ಕಾಲೇಜಿನ ದಿನಗಳಲ್ಲಿ ಇವರು 'ಆಕ್ಟ್ 1' ರಂಗಭೂಮಿ ಗುಂಪಿನೊಂದಿಗೆ ಗುರುತಿಸಿಕೊಂಡು ನಾಟಕಗಳಲ್ಲಿ ಅಭಿನಯಿಸಿದ್ದರು.

2012ರಲ್ಲಿ ತೆರೆಕಂಡ ಅನುರಾಗ್ ಕಶ್ಯಪ್ ಅವರ ಜನಪ್ರಿಯ ಚಿತ್ರವಾದ 'ಗ್ಯಾಂಗ್ಸ್ ಆಫ್ ವಾಸೇಪುರ್' ಇವರ ಮೊದಲ ಚಲನಚಿತ್ರವಾಗಿದೆ. ಈ ಚಿತ್ರದ ನಟನೆಗಾಗಿ ಇವರಿಗೆ ಅತ್ಯುತ್ತಮ ಪೋಷಕ ನಟಿ ಹಾಗೂ ಅತ್ಯುತ್ತಮ ಮಹಿಳಾ ನಟಿ ಪ್ರಶಸ್ತಿಗಳ ನಾಮನಿರ್ದೇಶನಗಳು ಲಭಿಸಿದವು.

ಇವರು ಬಾಲಿವುಡ್ ಮಾತ್ರವಲ್ಲದೆ ದಕ್ಷಿಣ ಭಾರತದ ಚಿತ್ರಗಳಾದ ರಜನಿಕಾಂತ್ ಅವರ 'ಕಾಲಾ' ಮತ್ತು ಅಜಿತ್ ಕುಮಾರ್ ಅವರ 'ವಲಿಮೈ' ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಅಲ್ಲದೆ, 'ಮಹಾರಾಣಿ' ವೆಬ್ ಸೀರಿಸ್‌ನಲ್ಲಿ ರಾಣಿ ಭಾರತಿ ಪಾತ್ರದಲ್ಲಿ ಅಭಿನಯಿಸಿ ಭಾರಿ ಮೆಚ್ಚುಗೆಯನ್ನು ಗಳಿಸಿದ್ದಾರೆ. ಈಗ ಇವರು ರಾಕಿಂಗ್​ ಸ್ಟಾರ್​ ಯಶ್​ ಅಭಿನಯದ ಟಾಕ್ಸಿಕ್​ ಸಿನಿಮಾದಲ್ಲಿ ಎಲಿಜಬೆತ್​ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.