ಐಪಿಎಲ್​ನಲ್ಲಿ ಅತೀ ಹೆಚ್ಚು ರನ್​ ಗಳಿಸಿರುವ ಟಾಪ್​ 5 ಆಟಗಾರರು

ಐಪಿಎಲ್​ ಎಂದರೆ ಅದು ಹೊಡಿ-ಬಡಿಯಾಟವೆಂದೇ ಖ್ಯಾತಿ. ಈ ಚುಟುಕು ಕ್ರಿಕೆಟ್​ನ್ನು ಜನ ಕೇವಲ ಸಿಕ್ಸ್- ಫೋರ್​ ನೋಡಲೆಂದೇ ವೀಕ್ಷಿಸುವ ಜನರನ್ನು ಹೊಂದಿದೆ. ಕೇವಲ ಇಪ್ಪತ್ತೇ ಓವರ್​ಗಳಲ್ಲಿ ಹೆಚ್ಚಿನ ರನ್ ಗಳಿಸುವುದು ಬ್ಯಾಟರ್​ಗಳಿಗೂ ಸಹ ಸವಾಲಾಗಿರುತ್ತದೆ. ಆದರೆ ಈ ಟೂರ್ನಾಮೆಂಟಿನಲ್ಲಿ ತಮ್ಮ ಆಕ್ರಮಣಕಾರಿ ಆಟದ ಮೂಲಕ ಅತಿ ಹೆಚ್ಚು ರನ್​ ಗಳಿಸಿರುವ ಟಾಪ್​ 5 ಜನ ಆಟಗಾರರ ಬಗ್ಗೆ ನಾವಿಂದು ತಿಳಿದುಕೊಳ್ಳೊಣ.

ಕಳೆದ ಹದಿನೆಂಟು ವರ್ಷಗಳಿಂದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವನ್ನು ಪ್ರತಿನಿಧಿಸುತ್ತಿರುವ ವಿರಾಟ್​ ಕೊಹ್ಲಿ ಐಪಿಎಲ್​ನಲ್ಲಿ ಅತೀ ಹೆಚ್ಚು ರನ್​ ಗಳಿಸಿದ ಆಟಗಾರರಾಗಿದ್ದಾರೆ. 2016 ರಲ್ಲಿ ಇವರು 973 ರನ್​ ಗಳಿಸುವ ಮೂಲಕ ಐಪಿಎಲ್​ ಇತಿಹಾಸದಲ್ಲಿ ಒಂದು ಸಿಸನ್​ಲ್ಲಿ ಅತೀ ಹೆಚ್ಚು ರನ್​ ಗಳಿಸಿದ ಅಟಗಾರರಾಗಿ ಹೊರಹೊಮ್ಮಿದ್ದರು. ಇವರು ಇವರೆಗೆ ಸುಮಾರು 8004 ರನ್​ಗಳನ್ನು ಗಳಿಸಿದ್ದಾರೆ.

ಮುಂಬೈ ಇಂಡಿಯನ್ಸ್ ತಂಡದ ಪರವಾಗಿ ಆಡಿರುವ ಹಿಟ್​ಮ್ಯಾನ್​ ಖ್ಯಾತಿಯ ರೋಹಿತ್​ ಶರ್ಮಾ ಇಲ್ಲಿವರೆಗೆ ಸುಮಾರು 7046 ರನ್​ ಗಳಿಸಿದ್ದಾರೆ. ಅಷ್ಟೇ ಅಲ್ಲದೆ 5 ಭಾರಿ ಕಪ್​ ಗೆದ್ದಿರುವ ಕ್ಯಾಪ್ಟನ್​ ಎಂಬ ಹೆಗ್ಗಳಿಕೆ ಇವರದ್ದಾಗಿದೆ.

'ಗಬ್ಬರ್' ಖ್ಯಾತಿಯ ಧವನ್ ಐಪಿಎಲ್‌ನಲ್ಲಿ ಅತ್ಯಂತ ಸ್ಥಿರ ಪ್ರದರ್ಶನ ನೀಡುವ ಆಟಗಾರರಾಗಿದ್ದು, ಅತಿ ಹೆಚ್ಚು ಬೌಂಡರಿ ಬಾರಿಸಿದ ದಾಖಲೆಯನ್ನೂ ಹೊಂದಿದ್ದಾರೆ. ಇವರು ಇವರೆಗೆ ಸುಮಾರು 6769 ರನ್​ ಗಳಿಸಿದ್ದಾರೆ.

ಆಸ್ಟ್ರೆಲೀಯಾ ದೇಶದ ಸ್ಪೋಟಕ ಬ್ಯಾಟರ್​ ಡೇವಿಡ್ ವಾರ್ನರ್ ಈ ಪಟ್ಟಿಯಲ್ಲಿರುವ ಏಕೈಕ ವಿದೇಶಿ ಆಟಗಾರನಾಗಿದ್ದು, ಇವರು ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ ತಂಡದಲ್ಲಿ ತಮ್ಮ ಪ್ರದರ್ಶನದ ಮೂಲಕ ಸುಮಾರು 6565 ರನ್​ಗಳನ್ನು ಗಳಿಸಿದ್ದಾರೆ.

ಮಿಸ್ಟರ್​ ಐಪಿಎಲ್​ ಖ್ಯಾತಿಯ ಸುರೇಶ್ ರೈನಾ, ಹಲವು ವರ್ಷಗಳ ಕಾಲ ಸಿಎಸ್‌ಕೆ ತಂಡದ ಬೆನ್ನೆಲುಬಾಗಿದ್ದರು ಎಂದರೆ ಸುಳ್ಳಲ್ಲ. ಇವರು ತಮ್ಮ ಅಮೋಘ ಬ್ಯಾಟಿಂಗ್​ ಹಾಗೂ ಬೌಲಿಂಗ್​ ಪ್ರದರ್ಶನದ ಮೂಲಕ ಹಲವಾರು ಮ್ಯಾಚ್​ಗಳನ್ನು ತಂಡಕ್ಕೆ ಗೆಲ್ಲಿಸಿಕೊಟ್ಟಿದರು. ಸುರೇಶ್​ ರೈನಾ ಐಪಿಎಲ್​ನಲ್ಲಿ ಸುಮಾರು 5528 ರನ್​ ಗಳಿಸಿದ್ದಾರೆ.