ಜೀವ ಉಳಿಸುವ ಮೊದಲ ಹೆಜ್ಜೆ: CPR ಮಾಡುವ ಮುನ್ನ ನೆನಪಿರಲಿ ಈ ಅಂಶಗಳು!

ತುರ್ತು ಪರಿಸ್ಥಿತಿಯಲ್ಲಿ ಒಬ್ಬರ ಜೀವ ಉಳಿಸಲು CPR ಅತ್ಯಂತ ನಿರ್ಣಾಯಕ. ಸರಿಯಾದ ಸಮಯದಲ್ಲಿ ನೀಡುವ ಸಿಪಿಆರ್ ಬದುಕುಳಿಯುವ ಸಾಧ್ಯತೆಯನ್ನು ದ್ವಿಗುಣಗೊಳಿಸುತ್ತದೆ.

ಸಿಪಿಆರ್ ಆರಂಭಿಸುವ ಮೊದಲು ನೀವು ಮತ್ತು ಸಂತ್ರಸ್ತರು ಇರುವ ಜಾಗ ಸುರಕ್ಷಿತವಾಗಿದೆಯೇ ಎಂದು ನೋಡಿ. ನಂತರ ಅವರ ಭುಜವನ್ನು ತಟ್ಟಿ ಜೋರಾಗಿ ಮಾತನಾಡಿ ಅವರು ಯಾವುದೇ ಪ್ರತಿಕ್ರಿಯೆ ನೀಡದಿದ್ದರೆ ಮತ್ತು ಉಸಿರಾಟ ನಿಂತಿದ್ದರೆ ತಕ್ಷಣ ಸಹಾಯಕ್ಕಾಗಿ ಕರೆ ಮಾಡಿ.

ಸಂತ್ರಸ್ತರನ್ನು ನೆಲದ ಮೇಲೆ ಮಲಗಿಸಿ. ನಿಮ್ಮ ಒಂದು ಹಸ್ತವನ್ನು ಅವರ ಎದೆಯ ಮಧ್ಯಭಾಗದಲ್ಲಿ ಇರಿಸಿ. ಮತ್ತೊಂದು ಕೈಯನ್ನು ಅದರ ಮೇಲೆ ಇಟ್ಟು ಬೆರಳುಗಳನ್ನು ಒಂದಕ್ಕೊಂದು ಪೋಣಿಸಿ.

ಎದೆಯನ್ನು ಕನಿಷ್ಠ 2 ರಿಂದ 2.4 ಇಂಚುಗಳಷ್ಟು ಆಳವಾಗಿ ಒತ್ತಬೇಕು. ಒತ್ತಡದ ವೇಗವು ನಿಮಿಷಕ್ಕೆ 100 ರಿಂದ 120 ಬಾರಿ ಇರಲಿ.

ಪ್ರತಿ ಬಾರಿ ಒತ್ತಿದ ನಂತರ, ಎದೆಯು ಸಂಪೂರ್ಣವಾಗಿ ಮೊದಲಿನ ಸ್ಥಿತಿಗೆ ಏರಲು ಅವಕಾಶ ನೀಡಿ. ಕೈಗಳನ್ನು ಎದೆಯಿಂದ ಪೂರ್ತಿ ತೆಗೆಯಬೇಡಿ, ಆದರೆ ನಿಮ್ಮ ದೇಹದ ತೂಕ ಎದೆಯ ಮೇಲೆ ಇರದಂತೆ ನೋಡಿಕೊಳ್ಳಿ.

ಆಂಬ್ಯುಲೆನ್ಸ್ ಬರುವವರೆಗೆ ಅಥವಾ ಸಂತ್ರಸ್ತರು ಚಲಿಸಲು/ಉಸಿರಾಡಲು ಆರಂಭಿಸುವವರೆಗೆ ಸಿಪಿಆರ್ ಮುಂದುವರಿಸಿ. ನೀವು ದಣಿದಿದ್ದರೆ ಮತ್ತು ನಿಮ್ಮ ಜೊತೆ ಇನ್ನೊಬ್ಬರು ಇದ್ದರೆ, ಪ್ರತಿ 2 ನಿಮಿಷಕ್ಕೊಮ್ಮೆ ಅದಲು-ಬದಲು ಮಾಡಿಕೊಳ್ಳಿ.