ರಾತ್ರಿಯ ಈ ಲಕ್ಷಣಗಳು ಕಿಡ್ನಿ ಕಾಯಿಲೆಯ ಸಂಕೇತವಾಗಿರಬಹುದು! ಎಚ್ಚರ..

ಮೂತ್ರಪಿಂಡಗಳು ನಮ್ಮ ದೇಹದಲ್ಲಿನ ಕಲ್ಮಶಗಳನ್ನು ಮತ್ತು ಹೆಚ್ಚುವರಿ ದ್ರವವನ್ನು ಹೊರಹಾಕುವ ಪ್ರಮುಖ ಕೆಲಸವನ್ನು ಮಾಡುತ್ತವೆ. ಕಾರ್ಯಕ್ಷಮತೆ ಕಡಿಮೆಯಾದಾಗ ಅಥವಾ ಅವು ವೈಫಲ್ಯದತ್ತ ಸಾಗುತ್ತಿರುವಾಗ, ದೇಹವು ಆರಂಭದಲ್ಲೇ ಕೆಲವು ಮುನ್ಸೂಚನೆಗಳನ್ನು ನೀಡಲು ಪ್ರಾರಂಭಿಸುತ್ತದೆ.

ಸಾಮಾನ್ಯವಾಗಿ ಹಗಲಿನಲ್ಲಿ ಮೂತ್ರ ವಿಸರ್ಜನೆ ಹೆಚ್ಚಾಗಿರುತ್ತದೆ. ಆದರೆ ರಾತ್ರಿಯ ನಿದ್ರೆಯ ಅವಧಿಯಲ್ಲಿ ಪದೇ ಪದೇ ಮೂತ್ರ ವಿಸರ್ಜನೆಗೆ ಎದ್ದೇಳಬೇಕಾಗಿ ಬಂದರೆ, ಅದು ಕಿಡ್ನಿ ಸಮಸ್ಯೆಯ ಪ್ರಮುಖ ಲಕ್ಷಣವಾಗಿರಬಹುದು. ಕಿಡ್ನಿಯ ಫಿಲ್ಟರ್‌ಗಳು ಹಾನಿಗೊಳಗಾದಾಗ ಈ ರೀತಿಯಂತಹ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು.

ಕಿಡ್ನಿಗಳು ಸರಿಯಾಗಿ ಕೆಲಸ ಮಾಡದಿದ್ದಾಗ ದೇಹದಲ್ಲಿನ ಹೆಚ್ಚುವರಿ ಸೋಡಿಯಂ ಮತ್ತು ನೀರನ್ನು ಹೊರಹಾಕಲು ಸಾಧ್ಯವಾಗುವುದಿಲ್ಲ. ಇದು ದೇಹದ ಕೆಳಭಾಗದಲ್ಲಿ, ವಿಶೇಷವಾಗಿ ಪಾದಗಳು, ಹಿಮ್ಮಡಿಗಳು ಮತ್ತು ಕಾಲುಗಳಲ್ಲಿ ನೀರು ನಿಲ್ಲುವಂತೆ ಮಾಡುತ್ತದೆ. ಇದರಿಂದ ಪಾಗಳು ನೋವಿನಿಂದ ಕೂಡಿರುವಂತೆ ಭಾಸವಾಗುತ್ತದೆ.

ಕಿಡ್ನಿಗಳು ರಕ್ತವನ್ನು ಸರಿಯಾಗಿ ಫಿಲ್ಟರ್ ಮಾಡದಿದ್ದಾಗ, ವಿಷಕಾರಿ ಅಂಶಗಳು ರಕ್ತದಲ್ಲೇ ಉಳಿದುಕೊಳ್ಳುತ್ತವೆ. ಇದು ಮೆದುಳಿನ ಕಾರ್ಯನಿರ್ವಹಣೆಯ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಆಳವಾದ ನಿದ್ರೆಗೆ ಜಾರಲು ತೊಂದರೆ ಉಂಟುಮಾಡುತ್ತದೆ.

ರಕ್ತದಲ್ಲಿ ಖನಿಜಾಂಶಗಳು ಮತ್ತು ಪೋಷಕಾಂಶಗಳ ಸಮತೋಲನ ತಪ್ಪಿದಾಗ ಹಾಗೂ ಯೂರಿಯಾದಂತಹ ಕಲ್ಮಶಗಳು ಅತಿಯಾಗಿ ಶೇಖರಣೆಯಾದಾಗ ಚರ್ಮದ ಮೇಲೆ ತೀವ್ರ ಪರಿಣಾಮ ಬೀರುತ್ತದೆ. ಇದರಿಂದ ರಾತ್ರಿ ನಿದ್ರೆಯ ಸಮಯದಲ್ಲಿ ದೇಹದಲ್ಲಿ ಉಷ್ಣಾಂಶ ಬದಲಾಗಿ ಶುಷ್ಕತೆ ಮತ್ತು ತುರಿಕೆ ಹೆಚ್ಚಾಗುತ್ತದೆ.

ಕಿಡ್ನಿ ವೈಫಲ್ಯದ ಆರಂಭಿಕ ಹಂತದಲ್ಲಿ ದೇಹದಲ್ಲಿನ ಎಲೆಕ್ಟ್ರೋಲೈಟ್‌ಗಳ ಸಮತೋಲನವು ಸಂಪೂರ್ಣವಾಗಿ ಏರುಪೇರಾಗುತ್ತದೆ. ವಿಶೇಷವಾಗಿ ಕ್ಯಾಲ್ಸಿಯಂ ಮಟ್ಟ ಕಡಿಮೆಯಾಗಿ, ರಂಜಕದ ಮಟ್ಟ ಹೆಚ್ಚಾದಾಗ ಸ್ನಾಯುಗಳು ಬಿಗಿಗೊಳ್ಳುತ್ತವೆ. ಇದರಿಂದಾಗಿ ರಾತ್ರಿ ಮಲಗಿದಾಗ ಹಠಾತ್ತಾಗಿ ಕಾಲುಗಳ ಸ್ನಾಯುಗಳಲ್ಲಿ ತೀವ್ರವಾದ ಸೆಳೆತ ಅಥವಾ ಕರಡಿನೋವು ಕಾಣಿಸಿಕೊಳ್ಳುತ್ತದೆ.