ಜೆನ್​ ಜೀಗಳು ನೋಡಲೇಬೇಕಾದ ಸೌತ್ ಇಂಡಿಯನ್ ಕ್ಲಾಸಿಕ್ ಸಿನಿಮಾಗಳಿವು!

ಮಮ್ಮುಟ್ಟಿ ನಟನೆಯ ಸೂಪರ್​ ಹಿಟ್ ಮಲಯಾಳಂ ಸಿನಿಮಾ ಮತಿಲುಕಲ್​​. ಮಲಯಾಳಂ ಲೇಖಕ ವೈ ಕೋಮ್​​​​ ಮಹಮ್ಮದ್​ ಬಶೀರ್​​ ಅವರ ಆತ್ಮಚರಿತ್ರೆ ಆಧಾರಿತ ಸಿನಿಮಾ ಇದಾಗಿದೆ. ಅಡೂರ್ ಗೋಪಾಲಕೃಷ್ಣನ್​ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ವೆನಿಸ್ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡು ಪ್ರಶಸ್ತಿ ಪಡೆದ ಸಿನಿಮಾ ಇದಾಗಿದೆ. 4 ರಾಷ್ಟ್ರಪ್ರಶಸ್ತಿ ದಕ್ಕಿಸಿಕೊಂಡಿದೆ.

2008ರಲ್ಲಿ ರಿಲೀಸ್​ ಆದ ಕಾಂಚಿವರಂ ಸಿನಿಮಾವು ನೀವು ಇಂದಿಗೂ ನೋಡಲೇ ಬೇಕಾದ ಸಿನಿಮಾ. ಪ್ರಿಯದರ್ಶನ್​ ಸಿನಿಮಾವನ್ನು ನಿರ್ದೇಶಿಸಿದ್ದು, ಪ್ರಕಾಶ್ ರಾಜ್, ಶ್ರಿಯಾ ರೆಡ್ಡಿ ಸಿನಿಮಾದಲ್ಲಿ ನಟಿಸಿದ್ದಾರೆ. ಪ್ರಕಾಶ್​ ರಾಜ್ ನಟನೆಗೆ ರಾಷ್ಟ್ರೀಯ ಪ್ರಶಸ್ತಿ ದಕ್ಕಿದೆ. ತಮಿಳುನಾಡಿನ ಕಾಂಚೀಪುರಂನಲ್ಲಿನ ರೇಷ್ಮೆ ನೇಕಾರರ ಕಷ್ಟ, ಹೋರಾಟದ ಬದುಕಿನ ಸುತ್ತ ಕತೆ ಹೆಣೆಯಲಾಗಿದೆ.

ಪಿ ಪದ್ಮರಾಜನ್​ ಬರೆದು ನಿರ್ದೇಶಿಸಿದ 'ತೂವನತುಂಬಿಕಲ್' ಸಿನಿಮಾ 1978ರಲ್ಲಿ ರಿಲೀಸ್​ ಆದ ಹಿಟ್ ಸಿನಿಮಾ. ಇದನ್ನು ಉದಕಪ್ಪೋಳ ಎನ್ನುವ ಕಾದಂಬರಿಯಿಂದ ಅರ್ಧ ಕತೆಯೊಂದಿಗೆ ಸಿನಿಮಾ ನಿರ್ದೇಶಿಸಲಾಗಿದೆ. ಮೋಹನ್​ ಲಾಲ್​, ಸುಮಲತಾ, ಪಾರ್ವತಿ ನಟಿಸಿದ್ದಾರೆ. ಇಂದಿಗೂ ರೀಲ್ಸ್​ಗಾಗಿ ಈ ಸಿನಿಮಾದ ಹಾಡುಗಳನ್ನು ಬಳಕೆ ಮಾಡಲಾಗುತ್ತದೆ.

ಯು ಆರ್​ ಅನಂತ ಮೂರ್ತಿ ಅವರ ಸಂಸ್ಕಾರ ಕಾದಂಬರಿಯಾಧಾರಿತ ಸಿನಿಮಾ ಸಂಸ್ಕಾರ. ಟಿ ಪಟ್ಟಾಭಿರಾಮ ರೆಡ್ಡಿ ನಿರ್ದೇಶಿಸಿದ್ದಾರೆ. ಸಿನಿಮಾದಲ್ಲಿ ಗಿರೀಶ್​ ಕಾರ್ನಾಡ್​, ಸ್ನೇಹಲತಾ ರೆಡ್ಡಿ, ಪಿ ಲಂಕೇಶ್​ ನಿಸಿದ್ದಾರೆ. ಕೇಂದ್ರ ಸರ್ಕಾರದ ಅತ್ಯುತ್ತಮ ಚಲನಚಿತ್ರಕ್ಕಾಗಿ ನೀಡುವ ಸ್ವರ್ಣ ಕಮಲ ರಾಷ್ಟ್ರೀಯ ಪ್ರಶಸ್ತಿ ದಕ್ಕಿಸಿಕೊಂಡ ಸಿನಿಮಾ ಇದಾಗಿದೆ.

ಮಣಿರತ್ನಂ ನಿರ್ದೇಶನದ ನಾಯಗನ್​ ಸಿನಿಮಾವು 1987ರಲ್ಲಿ ರಿಲೀಸ್​​ ಆಗಿದೆ. ಸಿನಿಮಾದಲ್ಲಿ ಕಮಲ್​ ಹಾಸನ್​​, ಸರಣ್ಯ ಪೊನ್ನವನ್ನನ್, ಕಾರ್ತಿಕ, ನಜಾರ್​ ಸೇರಿದಂತೆ ಹಲವರು ನಟಿಸಿದ್ದಾರೆ. ಬಾಂಬೆಯ ಭೂಗತ ಜಗತ್ತಿನ ಡಾನ್​ ಆಗಿದ್ದ ವರದರಾಜ್​ ಮೂದಲಿಯಾರ್​ ಜೀವನದಿಂದ ಸ್ಪೂರ್ತಿ ಪಡೆದ ಸಿನಿಮಾ ಇದಾಗಿದೆ. ಈ ಕಮಲ್​ ಹಾಸನ್​ ನಟನೆಗಾಗಿ ರಾಷ್ಟ್ರೀಯ ಪ್ರಶಸ್ತಿ ಪಡೆದುಕೊಂಡಿದ್ದಾರೆ.

ಮೋಹನ್​ ಲಾಲ್​, ಶೋಭನಾ ನಟನೆಯ ಮಣಿಚಿತ್ರತಾಳು ಸಿನಿಮಾಕ್ಕೆ ಫಾಜಿಲ್​ ಆಕ್ಷನ್​ ಕಟ್ ಹೇಳಿದ್ದಾರೆ. ಇದು ನಟಿ ಶೋಭನಾ ಅವರು ರಾಷ್ಟ್ರೀಯ ಪ್ರಶಸ್ತಿ ದಕ್ಕಿಸಿಕೊಂಡರು. ಇದನ್ನು ಕನ್ನಡ, ತಮಿಳು, ಬೆಂಗಾಲಿ ಹಾಗೂ ಹಿಂದಿಗೂ ರಿಮೇಕ್ ಮಾಡಲಾಗಿದೆ.

ಕಮಲ್​ ಹಾಸನ್​ ಅವರಿಗೆ ಅತ್ಯುತ್ತಮ ನಟ ಎಂದು ರಾಷ್ಟ್ರೀಯ ಪ್ರಶಸ್ತಿ ದಕ್ಕಿಸಿಕೊಟ್ಟ ಮೂಂದ್ರ ಪಿರೈ ಸಿನಿಮಾವು ನೋಡಲೇಬೇಕಾದದ್ದು. ಇದು ಹಿಂದಿಗೆ ಸದ್ಮಾ ಎಂದು ರಿಮೇಕ್​ ಮಾಡಲಾಗಿದೆ. ಬಾಲು ಮಹೇಂದ್ರ ಸಿನಿಮಾಕ್ಕೆ ಆಕ್ಷನ್​ ಕಟ್​ ಹೇಳಿದ್ದಾರೆ.