ಕೇನ್ಸ್​ಗೆ ಕಾಲಿಟ್ಟ ತಾರಾ ಸುತಾರಿಯಾ

ಮೇ.12ರಂದು ನಡೆದ ಕೇನ್ಸ್​ ಫಿಲ್ಮಂ ಫೆಸ್ಟಿವಲ್​ನ ಉದ್ಘಾಟನಾ ಸಮಾರಂಭದಲ್ಲಿ ತಾರಾ ಸುತಾರಿಯಾ ತಮ್ಮ ಹಳೆಯ ಹಾಲಿವುಡ್​ ಶೈಲಿ ಡ್ರೆಸ್ಸಿಂಗ್​ ಮೂಲಕ ಜನರ ಗಮನ ಸೆಳೆದಿದ್ದಾರೆ.

ತಾರಾ ಸುತಾರಿಯಾ ಅವರು ಮೊದಲ ಬಾರಿಗೆ ಫ್ರಾನ್ಸ್‌ನಲ್ಲಿ ನಡೆಯುವ ಪ್ರತಿಷ್ಠಿತ 'ಕೇನ್ ಚಲನಚಿತ್ರೋತ್ಸವ'ದಲ್ಲಿ ಭಾಗವಹಿಸುವ ಮೂಲಕ ಅಂತರಾಷ್ಟ್ರೀಯ ವೇದಿಕೆಯಲ್ಲಿ ಗಮನ ಸೆಳೆದಿದ್ದಾರೆ.

ತಮ್ಮ ಫ್ಯಾಷನ್ ಸೆನ್ಸ್ ಮೂಲಕವೇ ಹೆಸರಾಗಿರುವ ತಾರಾ, ಕಾನ್ ವೇದಿಕೆಯಲ್ಲಿ ಅತ್ಯಂತ ಮನಮೋಹಕ ಹಾಗೂ ರಾಯಲ್ ಉಡುಗೆಯನ್ನು ಧರಿಸಿ ಮಿಂಚಿದರು. ಅವರ ಸರಳ ಹಾಗೂ ಸುಂದರ ಶೈಲಿಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ತಾರಾ ಅವರು ಫ್ರೆಂಚ್ ರಿವೇರಿಯಾದಲ್ಲಿ ಕಳೆದ ಸುಂದರ ಕ್ಷಣಗಳ ಫೋಟೋಗಳನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದು, ಅಭಿಮಾನಿಗಳಿಂದ "ಗಾರ್ಜಿಯಸ್" ಮತ್ತು "ಏಂಜೆಲ್" ಎಂಬ ಕಾಮೆಂಟ್‌ಗಳ ಸುರಿಮಳೆಯೇ ಬಂದಿದೆ.

'ಸ್ಟೂಡೆಂಟ್ ಆಫ್ ದಿ ಇಯರ್ 2' ಮೂಲಕ ಬಾಲಿವುಡ್‌ಗೆ ಬಂದ ತಾರಾ ಅವರಿಗೆ ಕಾನ್ ಉತ್ಸವದಲ್ಲಿ ಭಾಗವಹಿಸಿರುವುದು ಅವರ ವೃತ್ತಿಜೀವನದ ಒಂದು ದೊಡ್ಡ ಸಾಧನೆಯಾಗಿದೆ.