ಈ ಐದು ಸಪ್ಲಿಮೆಂಟ್​ಗಳನ್ನು ತೆಗೆದುಕೊಂಡರೆ ನಿಮ್ಮ ಕಿಡ್ನಿ, ಲಿವರ್​ ಡಮಾರ್​

ನೈಸರ್ಗಿಕವಾಗಿ ಅಥವಾ ಗಿಡಮೂಲಿಕೆಗಳಿಂದ ತಯಾರಿಸಿದ ಮಾತ್ರಕ್ಕೆ ಎಲ್ಲವೂ ಸುರಕ್ಷಿತ ಎಂದು ಭಾವಿಸುವುದು ತಪ್ಪು. ಕೆಲವು ಸಪ್ಲಿಮೆಂಟ್‌ಗಳು ಅಥವಾ ಗಿಡಮೂಲಿಕೆಗಳ ಅತಿಯಾದ ಬಳಕೆ ನಿಮ್ಮ ಲಿವರ್ (ಯಕೃತ್ತು) ಮತ್ತು ಕಿಡ್ನಿ (ಮೂತ್ರಪಿಂಡ) ಮೇಲೆ ಗಂಭೀರ ಪರಿಣಾಮ ಬೀರಬಹುದು. ಅಂತಹ 5 ಪ್ರಮುಖ ಸಪ್ಲಿಮೆಂಟ್‌ಗಳು ಇಲ್ಲಿವೆ:

ಅಡುಗೆಯಲ್ಲಿ ಬಳಸುವ ಅರಿಶಿನ ಸುರಕ್ಷಿತ. ಆದರೆ ಈಗ ಮಾರುಕಟ್ಟೆಯಲ್ಲಿ ಸಿಗುವ ಹೆಚ್ಚಿನ ಸಾಂದ್ರತೆಯ 'ಕುರ್ಕುಮಿನ್' ಮಾತ್ರೆಗಳನ್ನು ದೀರ್ಘಕಾಲ ಸೇವಿಸಿದರೆ ಅದು ಲಿವರ್ ಹಾನಿಗೆ ಕಾರಣವಾಗಬಹುದು. ವಿಶೇಷವಾಗಿ ಕಿಡ್ನಿಯಲ್ಲಿ ಕಲ್ಲು ಇರುವವರಿಗೆ ಇದು ಅಪಾಯಕಾರಿ.

ಗ್ರೀನ್ ಟೀ ಕುಡಿಯುವುದು ಆರೋಗ್ಯಕರ. ಆದರೆ ತೂಕ ಇಳಿಸಲು ಬಳಸುವ 'ಗ್ರೀನ್ ಟೀ ಎಕ್ಸ್‌ಟ್ರಾಕ್ಟ್' ಕ್ಯಾಪ್ಸುಲ್‌ಗಳಲ್ಲಿ EGCG ಎಂಬ ಅಂಶ ಅತಿಯಾಗಿರುತ್ತದೆ. ಇದು ಲಿವರ್ ಜೀವಕೋಶಗಳಿಗೆ ವಿಷಕಾರಿಯಾಗಿ ಪರಿಣಮಿಸಿ, ಲಿವರ್ ವೈಫಲ್ಯಕ್ಕೆ ದಾರಿ ಮಾಡಿಕೊಡಬಹುದು.

ತೂಕ ಇಳಿಸುವ ಸಪ್ಲಿಮೆಂಟ್‌ಗಳಲ್ಲಿ ಇದನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಸಂಶೋಧನೆಗಳ ಪ್ರಕಾರ, ಇದು ಲಿವರ್‌ನಲ್ಲಿ ಉರಿಯೂತವನ್ನು ಉಂಟುಮಾಡಬಹುದು ಮತ್ತು ಕಿಡ್ನಿಯ ಕಾರ್ಯಕ್ಷಮತೆಯ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು.

ಜಿಮ್‌ಗೆ ಹೋಗುವವರು ಸ್ನಾಯುಗಳ ಬೆಳವಣಿಗೆಗಾಗಿ ಕ್ರಿಯೇಟಿನ್ ಬಳಸುತ್ತಾರೆ. ಇದನ್ನು ಸರಿಯಾದ ಪ್ರಮಾಣದಲ್ಲಿ ಮತ್ತು ಹೆಚ್ಚು ನೀರು ಕುಡಿಯದೆ ಬಳಸಿದರೆ, ಕಿಡ್ನಿಯ ಮೇಲೆ ಅತಿಯಾದ ಒತ್ತಡ ಬಿದ್ದು ಕಿಡ್ನಿ ಹಾನಿಯಾಗುವ ಸಾಧ್ಯತೆ ಇರುತ್ತದೆ. ಈಗಾಗಲೇ ಕಿಡ್ನಿ ಸಮಸ್ಯೆ ಇರುವವರು ಇದನ್ನು ಬಳಸಲೇಬಾರದು.

ಆತಂಕ ಮತ್ತು ನಿದ್ರಾಹೀನತೆಗೆ ಇದನ್ನು ನೈಸರ್ಗಿಕ ಮದ್ದಾಗಿ ಬಳಸಲಾಗುತ್ತದೆ. ಆದರೆ ಇದು ಅತ್ಯಂತ ವೇಗವಾಗಿ ಲಿವರ್ ಹಾನಿ ಮಾಡಬಲ್ಲ ಸಪ್ಲಿಮೆಂಟ್ ಎಂದು ಗುರುತಿಸಲ್ಪಟ್ಟಿದೆ. ಹಲವು ದೇಶಗಳಲ್ಲಿ ಲಿವರ್ ವಿಷತ್ವದ ಕಾರಣದಿಂದ ಇದನ್ನು ನಿಷೇಧಿಸಲಾಗಿದೆ.