ಕಡಿಮೆ ಖರ್ಚಿನಲ್ಲಿ ಸಿಗುವ ಸೂಪರ್​ ಪ್ರೋಟಿನ್​ಗಳಿವು!

ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಲು ಅನೇಕರು ವಾಕಿಂಗ್, ಜಿಮ್​ ಮತ್ತು ಡಯಟ್​ ಫೂಡ್​ ಮೊರೆ ಹೋಗುತ್ತಾರೆ. ಅದರಲ್ಲಿಯೂ, ಪ್ರೋಟಿನ್​ಯುಕ್ತ ಆಹಾರಗಳು ದೇಹಕ್ಕೆ ಅತ್ಯವಶ್ಯಕ. ಸಾವಿರಾರು ರೂಪಾಯಿ ಖರ್ಚು ಮಾಡುವ ಬದಲಿಗೆ ನಿಮ್ಮ ಮನೆಯ ಹಿತ್ತಲಿನಲ್ಲಿ ಅಥವಾ ಅಡುಗೆ ಮನೆಯೊಳಗೆ ಸಿಗುವ ಆಹಾರಗಳ ಸೂಪರ್​ ಪ್ರೋಟಿನ್​ ಆಗಿವೆ.

ಹಣ್ಣು, ತರಕಾರಿಗಳಲ್ಲಿ ಅತ್ಯಧಿಕ ಆರೋಗ್ಯಕರ ಅಂಶಗಳು ಅಡಗಿವೆ. ಮೊಸರು, ದ್ವಿದಳ ಧಾನ್ಯಗಳು, ಕಡಲೆಕಾಯಿ, ಸೋಯಾಬೀನ್, ಸೊಪ್ಪು ಮತ್ತು ಮೊಟ್ಟೆಯಂತಹ ಆಹಾರಗಳಲ್ಲಿ ಪ್ರೋಟಿನ್​-ಫೈಬರ್ ಹೇರಳವಾಗಿರುತ್ತವೆ.​ ಇವುಗಳನ್ನು ಸರಿಯಾದ ಸಮಯಕ್ಕೆ ಮತ್ತು ಅಗತ್ಯಕ್ಕೆ ತಕ್ಕಷ್ಟು ತಿನ್ನುವುದರಿಂದ ದೇಹಕ್ಕೆ ಸೂಪರ್ ಪ್ರೋಟಿನ್​ ಸಿಗುತ್ತೆ.

ನಮ್ಮ ಸುತ್ತಮುತ್ತಲೂ ಅಥವಾ ಗ್ರಾಮೀಣ ಭಾಗಗಳಲ್ಲಿ ಹೇರಳವಾಗಿ ಸಿಗುವ ಸೀಬೆ ಹಣ್ಣು, ದುಬಾರಿ ಹಣ್ಣುಗಳಿಗಿಂತ ಉಪಯುಕ್ತ ಮತ್ತು ಆರೋಗ್ಯಕಾರಿ. ಇದರಲ್ಲಿ ವಿಟಮಿನ್ ಸಿ, ಫೈಬರ್ ಮತ್ತು ಉತ್ಕರ್ಷಣ ನಿರೋಧಕಗಳು ತುಂಬಿವೆ. ಕಿತ್ತಳೆಗಿಂತ 4 ಪಟ್ಟು ವಿಟಮಿನ್ ಸಿ ಇದೆ. ಫೈಬರ್​ನಿಂದಲೂ ಕೂಡಿರುವ ಈ ಹಣ್ಣು, ಮಲಬದ್ಧತೆ, ಮಧುಮೇಹಿ ರೋಗಗಳಿಗೆ ರಾಮಬಾಣ.

ಕ್ಯಾಲೋರಿಗಳು ಕಡಿಮೆಯಿದ್ದರೂ ಹೊಟ್ಟೆ ತುಂಬಿಸುವುದರಿಂದ, ತೂಕ ಇಳಿಸಿಕೊಳ್ಳಲು ಇದು ಅತ್ಯುತ್ತಮ. ಕೆಟ್ಟ ಕೊಲೆಸ್ಟ್ರಾಲ್ ಮತ್ತು ಟ್ರೈಗ್ಲಿಸರೈಡ್‌ಗಳನ್ನು ನಿಯಂತ್ರಿಸಲು ಮತ್ತು ಉತ್ತಮ ಕೊಲೆಸ್ಟ್ರಾಲ್ ಅನ್ನು ಹೆಚ್ಚಿಸಲು ಸಹಕಾರಿ. ವಿಟಮಿನ್ ಎ ಮತ್ತು ಉತ್ಕರ್ಷಣ ನಿರೋಧಕಗಳು ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ ಮತ್ತು ಕಣ್ಣಿನ ಆರೋಗ್ಯವನ್ನೂ ರಕ್ಷಿಸುತ್ತದೆ.

ಬಿಸಿ ಬೇಳೆ ಬಾತ್​, ತರಕಾರಿ ಉಪ್ಪಿಟ್ಟು ಅಥವಾ ಪಲಾವ್​ನಲ್ಲಿ ಹೆಚ್ಚಾಗಿ ಸಿಗುವ ಈ ಹಸಿರು ಬಟಾಣಿ, ಕೇವಲ ತರಕಾರಿಯಲ್ಲ. ಇದು ಪ್ರೋಟೀನ್ ಮತ್ತು ವಿಟಮಿನ್‌ಗಳಿಂದ ತುಂಬಿರುವ ಶಕ್ತಿ ಕಣಜ. ಇದಲ್ಲಿರುವ ಪೊಟ್ಯಾಸಿಯಮ್ ಮತ್ತು ಮೆಗ್ನೀಸಿಯಮ್ ಮತ್ತು ಉತ್ಕರ್ಷಣ ನಿರೋಧಕಗಳಂತಹ ಖನಿಜಗಳು ಹೃದಯ ಕಾಯಿಲೆಯ ಅಪಾಯವನ್ನು ನಿಯಂತ್ರಿಸುತ್ತದೆ.

ಕರುಳಿನಲ್ಲಿ ಉತ್ತಮ ಬ್ಯಾಕ್ಟೀರಿಯಾ ಬೆಳವಣಿಗೆಗೆ ಸಾಥ್ ನೀಡುತ್ತದೆ. ಪ್ರೋಟೀನ್ ಮತ್ತು ಫೈಬರ್ ನಿಮಗೆ ಹೊಟ್ಟೆ ತುಂಬಿರುವಂತೆ ಮಾಡುತ್ತದೆ. ಇದು ಲುಟೀನ್ ಮತ್ತು ಜಿಯಾಕ್ಸಾಂಥಿನ್ ನಂತಹ ಶಕ್ತಿಶಾಲಿ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದ್ದು, ಕಣ್ಣುಗಳಲ್ಲಿ ಮೂಡುವ ಕಣ್ಣಿನ ಪೊರೆ ಮತ್ತು ವಯಸ್ಸಿಗೆ ಸಂಬಂಧಿಸಿದ ಮ್ಯಾಕ್ಯುಲರ್ ಡಿಜೆನರೇಶನ್​ನಿಂದ ರಕ್ಷಿಸುತ್ತದೆ.

ಉತ್ತಮ ಗುಣಮಟ್ಟದ ಸಸ್ಯಾಹಾರಿ ಪ್ರೋಟೀನ್‌ನಲ್ಲಿ ಸಮೃದ್ಧವಾಗಿರುವ ಓಟ್ ಮೀಲ್​, ಸ್ನಾಯುಗಳ ಬಲಕ್ಕೆ ಸಹಾಯ ಮಾಡುತ್ತದೆ. ಡಯಟ್ ಮಾಡುವವರಿಗೆ ಇದು ವರದಾನವೇ. ಕೊಲೆಸ್ಟ್ರಾಲ್ ಮತ್ತು ಸ್ಯಾಚುರೇಟೆಡ್ ಕೊಬ್ಬಿನಿಂದ ಮುಕ್ತವಾಗಿರುವ ಓಟ್ ಮೀಲ್, ರಕ್ತದೊತ್ತಡವನ್ನು ನಿಯಂತ್ರಿಸಲು ಮತ್ತು ಪೊಟ್ಯಾಸಿಯಮ್ ಹಾಗೂ ಮೆಗ್ನೀಸಿಯಮ್ ಸಹಾಯದಿಂದ LDL ಕೊಲೆಸ್ಟ್ರಾಲ್ ಇಳಿಸಲು ಸಹಾಯ ಮಾಡುತ್ತದೆ.

ಇದು ಮೆದುಳಿನ ಕಾರ್ಯವನ್ನು ಉತ್ತೇಜಿಸುವ ಬಿ ಜೀವಸತ್ವಗಳನ್ನು ಸಹ ಒಳಗೊಂಡಿದೆ. ಓಟ್​ ಮೀಲ್​ ಮೂಳೆ ಸಾಂದ್ರತೆ ಮತ್ತು ಶಕ್ತಿಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುವ ಕ್ಯಾಲ್ಸಿಯಂ, ಮೆಗ್ನೀಸಿಯಮ್ ಮತ್ತು ರಂಜಕವನ್ನು ಹೊಂದಿದೆ ಎಂಬುದು ಗಮನಾರ್ಹ.

ಕುಂಬಳಕಾಯಿ ಬೀಜಗಳನ್ನು ಕರಿಬೇವಿಗೆ ಮಾತ್ರ ಬಳಸಲಾಗುವುದಿಲ್ಲ. ಆದರೆ, ಅವುಗಳ ಬೀಜಗಳು ಪೋಷಕಾಂಶಗಳ ಉತ್ತಮ ಮೂಲ. 'ಪೆಪಿಟಾಸ್' ಎಂದು ಕರೆಯಲ್ಪಡುವ ಇವು ಅಡಿಕೆ ಸುವಾಸನೆ ಹೊಂದಿದ್ದು, ಉತ್ತಮ ಕ್ರಂಚ್ ಆಗಿವೆ. ಮೆಗ್ನೀಸಿಯಮ್ ಮತ್ತು ಆರೋಗ್ಯಕರ ಕೊಬ್ಬುಗಳು ರಕ್ತದೊತ್ತಡವನ್ನು ನಿಯಂತ್ರಿಸಲು ಮತ್ತು ಹೃದಯದ ಸುಗಮ ಕಾರ್ಯನಿರ್ವಹಣೆಯನ್ನು ಬೆಂಬಲಿಸಲು ಸಹಕಾರಿ. ಅವು ಮೂಳೆ ಬಲಕ್ಕೂ ಅವಶ್ಯಕ. ಕುಂಬಳಕಾಯಿ ಬೀಜಗಳು ಅಮೈನೋ ಆಮ್ಲ 'ಟ್ರಿಪ್ಟೊಫಾನ್'ನಲ್ಲಿ ಸಮೃದ್ಧವಾಗಿವೆ,

ಕಡಲೆಕಾಯಿಗಳು ಪ್ರೋಟೀನ್, ಫೈಬರ್ ತುಂಬಿವೆ. ಇವು ಕೆಟ್ಟ LDL ಕೊಲೆಸ್ಟ್ರಾಲ್ ಕಡಿಮೆ ಮಾಡಲು ಮತ್ತು ಉತ್ತಮ HDL ಕೊಲೆಸ್ಟ್ರಾಲ್ ಅನ್ನು ಕಾಪಾಡಿಕೊಳ್ಳಲು ಸಹಕಾರಿ. ಕಡಿಮೆ ಗ್ಲೈಸೆಮಿಕ್ ಸೂಚಿಯನ್ನು ಹೊಂದಿರುವುದರಿಂದ ಮಧುಮೇಹಿಗಳಿಗೆ ಸೂಪರ್‌ಫುಡ್ ಎನ್ನಲಾಗಿದೆ. ಸ್ವಲ್ಪ ಪ್ರಮಾಣದಲ್ಲಿ ಸೇವಿಸುವುದರಿಂದ ಮಿದುಳಿಗೆ ರಕ್ತದ ಹರಿವು ಮತ್ತು ಸ್ಮರಣಶಕ್ತಿ ಸುಧಾರಿಸುತ್ತದೆ. ದಿನಕ್ಕೆ 30ರಿಂದ 40 ಗ್ರಾಂ ಉಪ್ಪುರಹಿತ ಕಡಲೆಕಾಯಿಗಳನ್ನು ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು. ಇದು ತೂಕ ನಿಯಂತ್ರಣಕ್ಕೂ ಉಪಯುಕ್ತ.