ಸ್ಪಿರಿಟ್ ಫಸ್ಟ್​ ಲುಕ್​ ಬಿಡುಗಡೆ - Spirit

ಬಾಹುಬಲಿ ಖ್ಯಾತಿಯ ಪ್ರಭಾಸ್​ ಅಭಿನಯದ ಸ್ಪಿರಿಟ್ 2026 ರಲ್ಲಿ ಬಿಡುಗಡೆಯಾಗಲಿರುವ ಬಹುನಿರಿಕ್ಷೀತ ಸಿನಿಮಾಗಳಲ್ಲಿ ಒಂದು. ಈ ಸಿನಿಮಾ ಅನೌನ್ಸ್​ ಆದ ದಿನದಿಂದ ಸುದ್ದಿಯಲ್ಲಿದ್ದು, ಇಂದು ಈ ಸಿನಿಮಾದ ನಾಯಕ ನಟ ಪ್ರಭಾಸ್​ ಮತ್ತು ನಾಯಕಿ ತ್ರಿಪ್ತಿ ಡಿಮ್ರಿಯ ಫಸ್ಟ್​ ಲುಕ್​ನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಬಿಡುಗಡೆ ಮಾಡಲಾಗಿದೆ.

ಈ ಸಿನಿಮಾ ಪ್ರಭಾಸ್ ಅವರ ವೃತ್ತಿಜೀವನದ 25ನೇ ಸಿನಿಮಾ ಆಗಿದ್ದು, ಪ್ರಭಾಸ್ ಇದೇ ಮೊದಲ ಬಾರಿಗೆ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪ್ರಭಾಸ್ ಅವರ ಈ 'ಖಾಕಿ' ಅವತಾರವನ್ನು ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಅನಿಮಲ್ ಮತ್ತು ಅರ್ಜುನ್​ ರೆಡ್ಡಿ ಖ್ಯಾತಿಯ ಸಂದೀಪ್​ ರೆಡ್ಡಿ ವಾಂಗಾನ ನಿರ್ದೇಶನದ ಈ ಸಿನಿಮಾದಲ್ಲಿ ನಾಯಕನಾಗಿ ಪ್ರಭಾಸ್, ನಾಯಕಿಯಾಗಿ ತ್ರಿಪ್ತಿ ಡಿಮ್ರಿ, ಕಿಯಾರಾ ಅಡ್ವಾಣಿ, ಕರೀನಾ ಕಪೂರ್ ಖಾನ್, ಕನ್ನಡಿಗ ಅನಂತನಾಗ್, ಕೀರ್ತಿ ಶೆಟ್ಟಿ, ತ್ರಿಷಾ ಕೃಷ್ಣನ್​ ಮತ್ತು ಸಿನಿಮಾದ ವಿಲನ್​ ಆಗಿ ಕೊರಿಯಾದ ಖ್ಯಾತ ಖಳನಟ ಮಾ ಡಾಂಗ್-ಸಿಯೋಕ್ ಅಭಿನಯಿಸಲಿದ್ದಾರೆ.

ಈ ಸಿನಿಮಾವು ಕನ್ನಡ, ತೆಲುಗು, ಹಿಂದಿ, ತಮಿಳು, ಮಲಯಾಳಂ ಮಾತ್ರವಲ್ಲದೆ ಚೈನೀಸ್, ಜಪಾನೀಸ್ ಮತ್ತು ಕೊರಿಯನ್ ಸೇರಿ ಒಟ್ಟು ಎಂಟು ಭಾಷೆಗಳಲ್ಲಿ ಸ್ಪಿರಿಟ್ ಸಿನಿಮಾ ಬಿಡುಗಡೆಯಾಗಲಿದೆ.

ಈ ಸಿನಿಮಾ ಸರಿಸುಮಾರು 300 - 500 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿದ್ದು, ಟಿ-ಸೀರೀಸ್ ಮತ್ತು ಭದ್ರಕಾಳಿ ಪಿಕ್ಚರ್ಸ್ ಜಂಟಿಯಾಗಿ ಈ ಸಿನಿಮಾವನ್ನು ನಿರ್ಮಿಸುತ್ತಿವೆ. ಪ್ರಭಾಸ್​ ಅಭಿನಯದ ರಾಜಾಸಾಬ್​ ಚಿತ್ರವು ಇದೇ ಜನವರಿ 9 ರಂದು ಬಿಡುಗಡೆಯಾಗುತ್ತಿರುವ ಕಾರಣ, ಸ್ಪಿರಿಟ್ ಏಪ್ರಿಲ್​ ಅಥವಾ ಮೇ ತಿಂಗಳಲ್ಲಿ ತೆರೆಕಾಣುವ ನಿರೀಕ್ಷೆ ಇದೆ.