'ಖುಬ್ಸೂರತ್' ಸೋನಂ ಕಪೂರ್

ಬಾಲಿವುಡ್‌ನ ಫ್ಯಾಷನ್ ಐಕಾನ್ ಸೋನಂ ಕಪೂರ್ ತಾವು ಯಾವುದೇ ಕಾರ್ಯಕ್ರಮಕ್ಕೆ ಹೋದರೂ ಅಲ್ಲಿನ ಆಕರ್ಷಣೆಯ ಕೇಂದ್ರಬಿಂದುವಾಗುತ್ತಾರೆ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ಅರ್ಜುನ್​ ಕಪೂರ್​​ರ ತಂಗಿ ಮದುವೆಯಲ್ಲಿ 'ರಾಯಲ್ ವೆಡ್ಡಿಂಗ್ ಗೆಸ್ಟ್' ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಅರ್ಜುನ್ ಕಪೂರ್ ಅವರ ಸಹೋದರಿ ಅಂಶುಲಾ ಕಪೂರ್ ಮತ್ತು ರೋಹನ್ ಠಕ್ಕರ್ ಅವರ ವಿವಾಹದ ಸಂಭ್ರಮಕ್ಕೆ ಸೋನಂ ಕಪೂರ್ ಆಗಮಿಸುವುದಿಲ್ಲ ಎಂಬ ಊಹಾಪೋಹಗಳಿದ್ದವು. ಆದರೆ, ಎಲ್ಲ ವದಂತಿಗಳಿಗೆ ತೆರೆ ಎಳೆದು ಮದುವೆಯ ಸಂಭ್ರಮಕ್ಕೆ ಎಂಟ್ರಿ ಕೊಟ್ಟ ಸೋನಂ, ತಮ್ಮ ಅದ್ಭುತ ಲುಕ್‌ನಿಂದ ಎಲ್ಲರ ಕಣ್ಣುಗಳು ತಮ್ಮತ್ತ ತಿರುಗುವಂತೆ ಮಾಡಿದ್ದಾರೆ.

ಸೋನಂ ಕಪೂರ್ ಅವರು ಮದುವೆಯ ಸಂಭ್ರಮಕ್ಕಾಗಿ 'ITRH' ಬ್ರ್ಯಾಂಡ್‌ನ ಐವರಿ ಮತ್ತು ಗೋಲ್ಡ್ ಬಣ್ಣದ ಚಂದೇರಿ ಸಿಲ್ಕ್ ಸೂಟ್ ಅನ್ನು ಆಯ್ಕೆ ಮಾಡಿಕೊಂಡಿದ್ದರು. ಇದು ಐವರಿ ಮತ್ತು ಶಾಂಪೇನ್ ಗೋಲ್ಡ್ ಬಣ್ಣದ ಮಿಶ್ರಣವಾಗಿದ್ದು, ಸರಳವಾಗಿದ್ದರೂ ಅತ್ಯಂತ ಶ್ರೀಮಂತವಾಗಿ ಕಾಣುತ್ತಿತ್ತು.

ಸೋನಂ ಧರಿಸಿದ್ದ ದುಪ್ಪಟ್ಟಾ ಮದುವೆ ಮನೆಯಲ್ಲಿ ಭಾರಿ ಗಮನ ಸೆಳೆದವುಒಂದು ಸಣ್ಣ ಸಿಕ್ವಿನ್ಸ್‌ಗಳಿರುವ ಶೀರ್ ಐವರಿ-ಗೋಲ್ಡ್ ಚಿಕನ್ ಕಾರಿ ದುಪಟ್ಟಾ ಆಗಿದ್ದರೆ, ಮತ್ತೊಂದು ಸಾಫ್ಟ್ ಗ್ಲೋ ನೀಡುವ ಗೋಲ್ಡ್ ಟಿಶ್ಯೂ ದುಪಟ್ಟಾ ಆಗಿತ್ತು. ರಿಲ್ಯಾಕ್ಸ್ಡ್ ಪಟಿಯಾಲ ಫಿಟ್ ಹೊಂದಿದ್ದ ಈ ಉಡುಪು ರಾಜಮನೆತನದ ವೈಭವವನ್ನು ನೆನಪಿಸುವಂತಿತ್ತು.

ಸೋನಂ ಕೈಯಲ್ಲಿದ್ದ ಬ್ಯಾಗ್ ಈ ಇಡೀ ಲುಕ್‌ನ ಹೈಲೈಟ್ ಆಗಿತ್ತು. ಸಾಮಾನ್ಯ ಪೊಟ್ಲಿ ಅಥವಾ ಕ್ಲಚ್ ಬಳಸುವ ಬದಲಿಗೆ, ಅವರುಆನೆ ಆಕಾರದವಿಶೇಷ ಬಟವಾ ಬ್ಯಾಗ್ ಅನ್ನು ಹಿಡಿದಿದ್ದರು. ಇದು ಮುತ್ತುಗಳು ಮತ್ತು ಕಲ್ಲುಗಳಿಂದ ಸಿದ್ಧಗೊಂಡ ವಿಶಿಷ್ಟ ಕಲಾಕೃತಿಯಂತೆ ಕಾಣುತ್ತಿತ್ತು.

ಉಡುಪಿಗೆ ಪೂರಕವಾಗಿ ಅವರು ಹೆಚ್ಚು ಒಡವೆಗಳನ್ನು ಧರಿಸದೆ, ಕೇವಲ ಒಂದು ಪೋಲ್ಕಿ ಮತ್ತು ಎಮರಾಲ್ಡ್ ಚೋಕರ್ ಹಾರ ಹಾಗೂ ದೊಡ್ಡದಾದ ಚಾಂದ್‌ಬಾಲಿ ಕಿವಿಯೋಲೆಗಳನ್ನು ಧರಿಸಿದ್ದರು.

ಕೂದಲೆಳೆಯನ್ನು ಲೂಸ್ ಆಗಿ ಬಿಟ್ಟು ಸಾಫ್ಟ್ ವೇವ್ಸ್ ಮಾಡಿಕೊಂಡಿದ್ದ ಸೋನಂ, ಕಾಡಿಗೆ ಕಣ್ಣುಗಳು ಮತ್ತು ನ್ಯೂಡ್ ಲಿಪ್ಸ್‌ನೊಂದಿಗೆ ಮಿನಿಮಲ್ ಮೇಕಪ್ ಲುಕ್‌ನಲ್ಲಿ ಕಾಣಿಸಿಕೊಂಡರು. ಪಾದರಕ್ಷೆಯಾಗಿ ಫಿಜ್ಜಿ ಗಾಬ್ಲೆಟ್‌ನ ಎಂಬ್ರಾಯ್ಡರಿ ಹೊಂದಿದ್ದ ಗೋಲ್ಡ್-ವೈಟ್ ಜುಟ್ಟಿಯನ್ನು ಧರಿಸಿದ್ದರು.