ರಂಗಿತರಂಗ ಹಾಗೂ ಮುಂದಿನ ನಿಲ್ದಾಣ ಸಿನಿಮಾದ ಇನ್ನು ಬೇಕಾಗಿದೆ ಹಾಡಿನ ಮೂಲಕ ತಮ್ಮದೇ ಆದ ಫ್ಯಾನ್ ಬೇಸ್ ಅನ್ನು ಹೊಂದಿದ್ದ ರಾಧಿಕಾ ನಾರಾಯಣ್ ಅವರು ಇನ್ಸ್ಟಾಗ್ರಾಮ್ನಲ್ಲಿ ಹೊಸ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಮಾಡ್ರನ್ನಲ್ಲೂ ಟ್ರೆಡಿಷನಲ್ ಗುಂಗು
ರಾಧಿಕಾ ನಾರಾಯಣ್ ಅವರು ಗಣೇಶ ಚತುರ್ಥಿ ಸಲುವಾಗಿ ಬೂದು ಬಣ್ಣದ ಸೀರೆಯುಟ್ಟಿದ್ದು, ಅದಕ್ಕೆ ಸ್ಲೀವ್ ಲೆಸ್ ಬ್ಲೌಸ್ ಧರಿಸಿದ್ದಾರೆ. ಸೀರೆಗೆ ಮ್ಯಾಚಿಂಗ್ ಆಗುವ ಕಿವಿಯೋಲೆ ಅವರ ಅಂದವನ್ನು ಹೆಚ್ಚಿಸಿದೆ. ಗುಳಿಕೆನ್ನೆ, ಸಿಂಪಲ್ ಮೇಕಪ್ ಪಡ್ಡೆಹುಡುಗರ ನಿದ್ದೆ ಗೆಡಿಸಿದೆ
ದೈಜಿ ಸಿನಿಮಾದಲ್ಲಿ ನಟನೆ
ನಟ ರಮೇಶ್, ದಿಂಗಂತ್ ನಟನೆಯ ದೈಜಿ ಸಿನಿಮಾದಲ್ಲಿ ರಾಧಿಕಾ ನಾರಾಯಣ್ ಅವರು ನಟಿಸಲಿದ್ದಾರೆ. ದೈಜಿ ಎಂದರೆ ಏನು ಎಂದು ಕಾಡುವ ಪ್ರಶ್ನೆಗೆ ನಿರ್ದೇಶಕ ಶ್ರೀವತ್ಸ ಉತ್ತರ ಕೊಟ್ಟಿದ್ದು ಇದು ಪ್ರೇತಾತ್ಮಗಳ ದೈವ ಎಂದು ಸ್ಪಷ್ಟನೆ ಕೊಟ್ಟಿದ್ದಾರೆ.
ಹಿಟ್ ಕೊಟ್ಟ ಸಿನಿಮಾಗಳಿವು
ರಂಗಿತರಂಗ, ಯೂಟರ್ನ್, ಮುಂದಿನ ನಿಲ್ದಾಣ, ಕಾಫಿ ತೋಟ ಸಿನಿಮಾಗಳು ಇವರಿಗೆ ಸಾಕಷ್ಟು ಹಿಟ್ ತಂದುಕೊಟ್ಟ ಸಿನಿಮಾಗಳಾಗಿವೆ. ಕೇಳೆ ಚೆಲುವೆ ಹಾಗೂ ಇನ್ನೂ ಬೇಕಾಗಿದೆ ನನಗೆ ಇನ್ನೂ ಬೇಕಾಗಿದೆ. ಇಂದು ನಿನ್ನ ಎದುರಲ್ಲಿ ಹಾಡುಗಳು ಇಂದಿಗೂ ಗುನುಗುವಂತೆ ಮಾಡುತ್ತದೆ.
ರಾಧಿಕಾ ನಟನೆಯ ಸಿನಿಮಾಗಳಿವು
ರಾಧಿಕಾ ನಾರಾಯಣ್ ಅವರು ಹೆಚ್ಚು ಸಿನಿಮಾದಲ್ಲಿ ನಟಿಸಿಲ್ಲ ಚೇಸ್, ಶಿವಾಜಿ ಸುರತ್ಕಲ್, ಬಿಬಿ5, ಅಸತೋಮ ಸದ್ಗಮಯ ಇವ್ರ ಸಿನಿಮಾಗಳಾಗಿವೆ.
ಊರಿನಲ್ಲಿ ಹೊಸ ನರ್ಸ್ ಅವರನ್ನು ಭೇಟಿಯಾದ್ರಾ?
ವಿಜಯ್ ರಾಘವೇಂದ್ರ ನಟನೆಯ, ಆಕಾಶ್ ಪಿಕ್ಷರ್ಸ್ ನಿರ್ಮಾಣದ ಪಿಸಿ ಶೇಖರ್ ಆಕ್ಷನ್ ಕಟ್ ಹೇಳುತ್ತಿರುವ ಸಿನಿಮಾ ಮಹಾನ್ದಲ್ಲಿ ರಾಧಿಕಾ ನಟಿಸಲಿದ್ದಾರೆ. ಊರಿನಲ್ಲಿ ಹೊಸ ನರ್ಸ್ ಅವರನ್ನು ಭೇಟಿಯಾದ್ರಾ? ಎಂದು ಕೇಳುವ ಮೂಲಕ ಸಿನಿಮಾದಲ್ಲಿ ನಟಿಸುವ ಬಗ್ಗೆ ರಾಧಿಕಾ ಮಾಹಿತಿ ಹಂಚಿಕೊಂಡಿದ್ದರು.
ಕಥಕ್ ನೃತ್ಯಗಾರ್ತಿ ರಾಧಿಕಾ
ರಾಧಿಕಾ ನಾರಾಯಣ್ ಅವರು ಎಂಜಿನಿಯರ್ ಹಾಗೂ ಕಥಕ್ ನೃತ್ಯಗಾರ್ತಿ ರಂಗಿತರಂಗ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟರು. ಯುಟರ್ನ್ ಸಿನಿಮಾ ಸಹ ಇವ್ರಿಗೆ ಹಿಟ್ ಕೊಟ್ಟಿತ್ತು. ಮೂಲತಃ ಮೈಸೂರಿನವರು.
ಹಿಂದಿ ವೆಬ್ಸೀರೀಸ್ನಲ್ಲಿ ರಾಧಿಕಾ
ನಟಿ ರಾಧಿಕಾ ಅವರು ಆಯ್ನಾ ಎನ್ನುವ ಹಿಂದಿ ವೆಬ್ಸೀರಿಸ್ನಲ್ಲಿ ನಟಿಸಿದ್ದಾರೆ. ಈ ಬಗ್ಗೆ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟರ್ ಹಂಚಿಕೊಂಡಿದ್ದರು. ಈ ಸೀರೀಸ್ ಅನ್ನು ಮಂಜು ನಂದನ್ ಎಂಬುವವರು ನಿರ್ದೇಶಿಸಿದ್ದರು.