ಬೇಬಿಮೂನ್​ ಫೋಟೋ ಹಂಚಿಕೊಂಡ ನಟಿ ಸಮಂತಾ

ನಟಿ ಸಮಂತಾ ರುತ್​ ಪ್ರಭು ಹಾಗೂ ರಾಜ್​ ನಿಡಿಮೂರು ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ವಿಯೆಟ್ನಾಂ ಪ್ರವಾಸದಲ್ಲಿದ್ದು, ಬೇಬಿಮೂನ್​ ಫೋಟೋಸ್​ಗಳನ್ನು ಹಂಚಿಕೊಂಡಿದ್ದಾರೆ.

ವಿಯೆಟ್ನಾಂನಲ್ಲಿ ಊಟ ಮಾಡುತ್ತಿರುವ ಫೋಟೋ, ಸುತ್ತಾಟ, ಮೋಜು ಮಸ್ತಿ ಮಾಡುತ್ತಿರುವ ಫೋಟೋಗಳನ್ನು ಸಮಂತಾ ಹಂಚಿಕೊಂಡಿದ್ದಾರೆ. ನೆಟ್ಟಿಗರು ದಂಪತಿಗೆ ಹಾರೈಸಿ ಕಾಮೆಂಟ್ ಮಾಡಿದ್ದಾರೆ.

ಒಂದೆಡೆ ನಿರ್ದೇಶಕ ರಾಜ್​ ನಿಡಿಮೋರು ಅವರು ಲ್ಯಾಪ್​ಟಾಪ್​ ಹಿಡಿದು ಕೆಲಸ ಮಾಡುತ್ತಿದ್ದರೆ, ಮತ್ತೊಂದು ಕಡೆ ಸಮಂತಾ ಅವರು ಬೃಹತ್ ಬೋಜನದ ಫೋಟೋ ಕ್ಲಿಕ್ಕಿಸುತ್ತಿರುವ ಫೋಟೋಗಳಿವೆ.

ಸಮಂತಾ ಅವರು ನಟಿಸಿ, ನಿರ್ಮಾಣದ ಹೊಣೆ ಹೊತ್ತ ಮಾ ಇಂಟಿ ಬಂಗಾರಂ ಸಿನಿಮಾ ಸಾಕಷ್ಟು ಹಿಟ್​ ಕಂಡಿತ್ತು. ಒಟಿಟಿಯಲ್ಲಿಯೂ ಹೆಚ್ಚಾಗಿಯೇ ಅಭಿಮಾನಿಗಳನ್ನು ಗಿಟ್ಟಿಸಿಕೊಂಡಿದೆ.

ನಟ ನಾಗಚೈತನ್ಯ ಅವರೊಂದಿಗೆ ಡಿವೋರ್ಸ್​, ಆರೋಗ್ಯದ ವಿಚಾರವಾಗಿ ಸಿನಿಮಾದಿಂದ ದೂರವಿದ್ದ ಸಮಂತಾ ಶುಭಂ ಸಿನಿಮಾ ಮೂಲಕ ಮತ್ತೆ ಸಿನಿಮಾಗೆ ಎಂಟ್ರಿಯಾದರು. ಮಾ ಇಂಟಿ ಬಂಗಾರಂ ಸಿನಿಮಾ ಮೂಲಕ ಮತ್ತೆ ಹಿಟ್​ ನಟಿ ಎನಿಸಿಕೊಂಡಿದ್ದಾರೆ.

ಸಮಂತಾ ಅವರು ಕಳೆದ ವರ್ಷ ಹಿಟ್​ ವೆಬ್​ಸೀರಿಸ್​ ಫ್ಯಾಮಿಲಿ ಮ್ಯಾನ್​​​​ ನಿರ್ದೇಶಕ ರಾಜ್​ ನಿಡಿಮೋರು ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಈಶ ಫೌಂಡೇಶನ್​ನಲ್ಲಿ ಸರಳವಾಗಿ ಮದುವೆಯಾಗಿದ್ದರು.