ಅಂಬಾನಿ ಮನೆಗೆ ಆಗಮಿಸಿದ ರಿಹಾನ್ನಾ; ದೇವರಿಗೆ ಆರತಿ ಬೆಳಗಿದ ಕೆರೆಬಿಯನ್​ ಸಿಂಗರ್

ಭಾರತದ ಪ್ರವಾಸದಲ್ಲಿರು ಅಂತಾರಾಷ್ಟ್ರೀಯ ಗಾಯಕಿ ಹಾಗೂ ಮಹಿಳಾ ಉದ್ಯಮಿ ರಿಹಾನ್ನಾ ಭಾನುವಾರ ಭಾರತದ ಶ್ರೀಮಂತ ಉದ್ಯಮಿ ಮುಖೇಶ್​ ಅಂಬಾನಿ ಅವರ ಮುಂಬೈನಲ್ಲಿರುವ ಮನೆ ಆಂಟಿಲಿಯಾಗೆ ಆಗಮಿಸಿದ್ದರು.

ಮನೆಗೆ ಆಗಮಿಸಿದ ಅಂತಾರಾಷ್ಟ್ರೀಯ ಗಾಯಕಿ ರಿಹಾನ್ನಾರನ್ನು ಮುಖೇಶ್​ ಅಂಬಾನಿ ಪುತ್ರಿ ಇಶಾ ಅಂಬಾನಿ, ಸೊಸೆಯಂದಿರಾದ ಶ್ಲೋಕಾ ಮೆಹ್ತಾ, ರಾಧಿಕಾ ಮರ್ಚೆಂಟ್​ ಹಾಗೂ ಮಗ ಅನಂತ್​ ಅಂಬಾನಿ ಸ್ವಾಗತಿಸಿದರು.

ದೇವರಿಗೆ ಆರತಿ ಬೆಳಗಿದ ರಿಹಾನ್ನಾ, ನಂತರ ಹೂನಿನ ಹೋಳಿ (ಫೂಲ್​ ಕಿ ಹೋಲಿ) ಯಲ್ಲಿ ಭಾಗವಹಿಸಿರು.

ಮನೆಗೆ ಅತಿಥಿಯಾಗಿ ಆಗಮಿಸಿದ ರಿಹಾನ್ನಾಗಾಗಿ ವಿಶೇಷ ಪೂಜೆಯನ್ನು ಏರ್ಪಡಿಸಿದ್ದ ಅಂಬಾನಿ ಪರಿವಾರದ ಜೊತೆಗೆ ಎಲ್ಲಾ ರೀತಿಯ ಕಾರ್ಯಕ್ರಮದಲ್ಲಿ ರಿಹಾನ್ನಾ ಸಕ್ರೀಯವಾಗಿ ಪಾಲ್ಗೊಂಡಿದ್ದಾರೆ.

ಅಂಬಾನಿ ಮನೆಯವರೊಂದಿಗೆ ಹೂವುಗಳನ್ನು ಪರಸ್ಪರ ಎರಚಿಕೊಳ್ಳುತ್ತಾ ನೃತ್ಯ ಮಾಡಿದ್ದಾರೆ. ಈ ವಿಡಿಯೋಗಳು ಈಗ ಸೋಷಿಯಲ್​ ಮೀಡಿಯಾನಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ.

ರಿಹಾನ್ನಾ ಭಾರತದಲ್ಲಿ ತನ್ನ ಬ್ಯೂಟಿ ಬ್ರಾಂಡ್​ ಆದ ಫೆಂಟಿ ಬ್ಯೂಟಿ ಕಿ ಹವೆಲಿ ಎಂಬ ಮಳಿಗೆಯನ್ನು ಮುಂಬೈನಲ್ಲಿ ಪ್ರಾರಂಭಿಸಲು ಮುಂದಾಗಿದ್ದು, ಇದರಿಂದ ಭಾರತ ಪ್ರವಾಸ ಕೈಗೊಂಡಿದ್ದಾರೆ.

ರಿಹಾನ್ನಾ ಪೂರ್ಣ ಹೆಸರು ರಾಬಿನ್ ರಿಹಾನ್ನಾ ಫೆಂಟಿ​, ಇವರು 1988ರಲ್ಲಿ ಕೆರಿಬಿಯನ್ ದ್ವೀಪ ರಾಷ್ಟ್ರವಾದ ಬಾರ್ಬಡೋಸ್​ನಲ್ಲಿ ಜನಿಸಿದರು.ಇವರು ವಿಶ್ವದ ಅತ್ಯಂತ ಪ್ರಸಿದ್ಧ ಗಾಯಕಿ, ಗೀತರಚನೆಗಾರ್ತಿ, ನಟಿ ಮತ್ತು ಯಶಸ್ವಿ ಉದ್ಯಮಿಯಾಗಿ ಗುರುತಿಸಿ ಕೊಂಡಿದ್ದಾರೆ. ಇವರು ಫೆಂಟಿ ಬ್ಯೂಟಿ ಎಂಬ ಪ್ರಸಿದ್ಧ ಸೌಂದರ್ಯವರ್ಧಕ ಬ್ರ್ಯಾಂಡ್ ಮತ್ತು ಸ್ಯಾವೇಜ್ ಎಕ್ಸ್ ಫೆಂಟಿ ಎಂಬ ಒಳ ಉಡುಪುಗಳ ಬ್ರ್ಯಾಂಡ್‌ನ ಮಾಲಕಿಯಾಗಿದ್ದಾರೆ.