ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ರಮೇಶ್ ಅರವಿಂದ್!

ನಟ, ನಿರ್ದೇಶಕ ಹಾಗೂ ನಿರೂಪಕರಾಗಿ ಕನ್ನಡ ಚಿತ್ರರಂಗದಲ್ಲಿ ವಿಶಿಷ್ಟ ಸ್ಥಾನ ಪಡೆದಿರುವ ರಮೇಶ್ ಅರವಿಂದ್ ಅವರು ಜುಲೈ 7ರಂದು ತಮ್ಮ ವಿವಾಹ ವಾರ್ಷಿಕೋತ್ಸವವನ್ನು ಸಂಭ್ರಮದಿಂದ ಆಚರಿಸಿಕೊಂಡಿದ್ದಾರೆ.

ಅವಳು ಅಪಾರವಾಗಿ ಕಾಳಜಿ ವಹಿಸುತ್ತಾಳೆ, ನಾನು ಜೀವನದ ಘರ್ಷಣೆಗಳನ್ನು ನಿಭಾಯಿಸುತ್ತೇನೆ. ಹಾಗಾಗಿಯೇ ನಮ್ಮ ಈ ಹಂಚಿಕೆಯ ಬದುಕು ಯಶಸ್ವಿಯಾಗಿ ಸಾಗುತ್ತಿದೆ ಎಂದು ರಮೇಶ್ ಅರವಿಂದ್ ತಮ್ಮ ಪತ್ನಿ ಅರ್ಚನಾ ಅವರೊಂದಿಗಿನ ಬಾಂಧವ್ಯವನ್ನು ಮನ ಮಿಡಿಯುವಂತೆ ಬಣ್ಣಿಸಿದ್ದಾರೆ.

ಸಂಬಂಧವನ್ನು ರಿಪೇರಿ ಮಾಡುವುದು, ರೀಚಾರ್ಜ್ ಮಾಡುವುದು ಮತ್ತು ರಿಫ್ರೆಶ್ ಮಾಡಿಕೊಳ್ಳುವುದರಲ್ಲಿ ಬೆಸ್ಟ್.

ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ಕನ್ನಡ ಚಿತ್ರರಂಗದಲ್ಲಿ ಯಶಸ್ವಿ ಪಯಣ ಸಾಗಿಸಿರುವ ರಮೇಶ್ ಅರವಿಂದ್, ವೃತ್ತಿ ಮತ್ತು ಕುಟುಂಬ ಜೀವನದ ನಡುವೆ ಸಮತೋಲನ ಕಾಯ್ದುಕೊಂಡಿರುವ ಅಪರೂಪದ ಕಲಾವಿದರಲ್ಲಿ ಒಬ್ಬರು.

ರಮೇಶ್ ಅರವಿಂದ್ ಅವರ ಈ ಪೋಸ್ಟ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಸಾವಿರಾರು ಅಭಿಮಾನಿಗಳು, ಸಿನಿತಾರೆಯರು ಹಾಗೂ ಆಪ್ತರು ದಂಪತಿಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳನ್ನು ಕೋರಿದ್ದಾರೆ.