ತೂಕ ಇಳಿಕೆಯಿಂದ ಸಕ್ಕರೆ ಕಾಯಿಲೆವರೆಗೆ ಎಲ್ಲದಕ್ಕೂ ಕ್ವಿನೋವಾ ರಾಮಬಾಣ!

ಕ್ವಿನೋವಾ ಇತ್ತೀಚಿನ ದಿನಗಳಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಒಂದು 'ಸೂಪರ್ ಫುಡ್'. ಇದು ಧಾನ್ಯದಂತೆ ಕಂಡರೂ ತಾಂತ್ರಿಕವಾಗಿ ಒಂದು ಬೀಜವಾಗಿದೆ. ಇದರಲ್ಲಿರುವ ಪೋಷಕಾಂಶಗಳ ಹಿನ್ನೆಲೆಯಲ್ಲಿ ಇದನ್ನು "ಧಾನ್ಯಗಳ ರಾಣಿ" ಎಂದೂ ಕರೆಯಲಾಗುತ್ತದೆ.

ಸಸ್ಯಹಾರಿಗಳಿಗೆ ಕ್ವಿನೋವಾ ಒಂದು ವರದಾನ. ಹೆಚ್ಚಿನ ಧಾನ್ಯಗಳಲ್ಲಿ ಎಲ್ಲಾ ಅಗತ್ಯ ಅಮೈನೋ ಆಮ್ಲಗಳು ಇರುವುದಿಲ್ಲ. ಆದರೆ, ಕ್ವಿನೋವಾದಲ್ಲಿ ದೇಹಕ್ಕೆ ಅಗತ್ಯವಿರುವ ಎಲ್ಲಾ 9 ಅತ್ಯಗತ್ಯ ಅಮೈನೋ ಆಮ್ಲಗಳು ಇವೆ. ಇದು ಸ್ನಾಯುಗಳ ಬೆಳವಣಿಗೆ ಮತ್ತು ದೇಹದ ದುರಸ್ತಿಗೆ ತುಂಬಾ ಸಹಕಾರಿ.

ಇತರ ಧಾನ್ಯಗಳಿಗೆ ಹೋಲಿಸಿದರೆ ಕ್ವಿನೋವಾದಲ್ಲಿ ನಾರಿನಂಶ ತುಂಬಾ ಹೆಚ್ಚಿದೆ. ಇದು ಜೀರ್ಣಕ್ರಿಯೆಯನ್ನು ಸುಗಮಗೊಳಿಸುತ್ತದೆ ಮತ್ತು ಮಲಬದ್ಧತೆಯನ್ನು ತಡೆಯುತ್ತದೆ.

ಕ್ವಿನೋವಾ ಕಡಿಮೆ ಗ್ಲೈಸೆಮಿಕ್ ಇಂಡೆಕ್ಸ್ ಹೊಂದಿದೆ. ಇದರರ್ಥ ಇದನ್ನು ಸೇವಿಸಿದಾಗ ರಕ್ತದಲ್ಲಿನ ಸಕ್ಕರೆ ಮಟ್ಟವು ದಿಢೀರನೆ ಏರುವುದಿಲ್ಲ. ಆದ್ದರಿಂದ, ಟೈಪ್-2 ಮಧುಮೇಹ ಇರುವವರಿಗೆ ಇದು ಅಕ್ಕಿ ಅಥವಾ ಗೋಧಿಗಿಂತ ಉತ್ತಮ ಪರ್ಯಾಯವಾಗಿದೆ.

ಇದರಲ್ಲಿ ದೇಹಕ್ಕೆ ಅಗತ್ಯವಾದ ಪ್ರಮುಖ ಖನಿಜಾಂಶಗಳು ಹೇರಳವಾಗಿವೆ. ಇದು ರಕ್ತದೊತ್ತಡವನ್ನು ನಿಯಂತ್ರಿಸಲು ಮತ್ತು ಮೈಗ್ರೇನ್ ಕಡಿಮೆ ಮಾಡಲು ಸಹಕಾರಿ.

ಗೋಧಿ ಅಥವಾ ಬಾರ್ಲಿಯಂತೆ ಇದರಲ್ಲಿ ಗ್ಲುಟನ್ ಇರುವುದಿಲ್ಲ. ಆದ್ದರಿಂದ 'ಗ್ಲುಟನ್ ಅಲರ್ಜಿ ಇರುವವರು ಅಥವಾ ಜೀರ್ಣಶಕ್ತಿ ಕಡಿಮೆ ಇರುವವರು ಯಾವುದೇ ಭಯವಿಲ್ಲದೆ ಕ್ವಿನೋವಾವನ್ನು ಸೇವಿಸಬಹುದು.