ಸೊಳ್ಳೆಗಳ ಕಾಟಕ್ಕೆ ಗುಡ್‌ಬೈ ಹೇಳಲು ಇಂದೇ ಈ ಗಿಡಗಳನ್ನು ನೆಡಿ!

ಸೊಳ್ಳೆಗಳ ಕಾಟವನ್ನು ನಾವು ಅನುಭವಿಸಿರುತ್ತೇವೆ. ಆದಾಗ್ಯೂ, ಮನೆಯಲ್ಲಿ ಸೊಳ್ಳೆಗಳ ಕಾಟವನ್ನು ನೈಸರ್ಗಿಕವಾಗಿ ಕಡಿಮೆ ಮಾಡಲು ಮತ್ತು ಪರಿಸರವನ್ನು ತಾಜಾವಾಗಿರಿಸಲು ಈ ಸಸ್ಯಗಳನ್ನು ಬೆಳೆಸಿ.

ಸೊಳ್ಳೆ ನಿವಾರಕಗಳಲ್ಲಿ ಬಳಸುವ 'ಸಿಟ್ರೋನೆಲ್ಲಾ' ಎಣ್ಣೆಯು ಈ ಸಸ್ಯದಿಂದಲೇ ಸಿಗುತ್ತದೆ. ಇದರ ಗಾಢವಾದ ನಿಂಬೆ ಹಣ್ಣಿನಂತಹ ವಾಸನೆ ಸೊಳ್ಳೆಗಳನ್ನು ಹತ್ತಿರ ಸುಳಿಯದಂತೆ ಮಾಡುತ್ತದೆ. ಇದನ್ನು ಕುಂಡಗಳಲ್ಲಿ ಅಥವಾ ಮನೆಯ ಅಂಗಳದಲ್ಲಿ ಸುಲಭವಾಗಿ ಬೆಳೆಸಬಹುದು.

ಭಾರತೀಯ ಮನೆಗಳಲ್ಲಿ ಸಾಮಾನ್ಯವಾಗಿ ಇರುವ ತುಳಸಿ ಕೇವಲ ಪೂಜೆಗೆ ಮಾತ್ರವಲ್ಲ, ಸೊಳ್ಳೆಗಳನ್ನು ಓಡಿಸಲು ಕೂಡ ರಾಮಬಾಣ. ತುಳಸಿ ಎಲೆಗಳಿಂದ ಹೊರಬರುವ ನೈಸರ್ಗಿಕ ಸುಗಂಧವು ಸೊಳ್ಳೆಗಳಿಗೆ ವಿಷಕಾರಿಯಾಗಿದೆ

ಚೆಂಡು ಹೂವಿನ ಗಿಡಗಳಲ್ಲಿ 'ಪೈರೆಥ್ರಮ್' ಎಂಬ ಅಂಶವಿದ್ದು, ಇದು ಕೀಟನಾಶಕಗಳ ತಯಾರಿಕೆಯಲ್ಲಿ ಬಳಕೆಯಾಗುತ್ತದೆ. ಇದರ ವಿಶಿಷ್ಟ ವಾಸನೆಯು ಸೊಳ್ಳೆಗಳು ಮತ್ತು ಇತರ ಸಣ್ಣ ಕೀಟಗಳನ್ನು ಮನೆಯೊಳಗೆ ಬರದಂತೆ ತಡೆಯುತ್ತದೆ.

ಲ್ಯಾವೆಂಡರ್ ಸಸ್ಯದ ಸುಗಂಧವು ನಮಗೆ ಹಿತವೆನಿಸಿದರೂ, ಸೊಳ್ಳೆಗಳಿಗೆ ಇದು ಕಿರಿಕಿರಿಯುಂಟು ಮಾಡುತ್ತದೆ. ಈ ಗಿಡದ ಎಣ್ಣೆಯು ಸೊಳ್ಳೆಗಳನ್ನು ಓಡಿಸುವ ಶಕ್ತಿ ಹೊಂದಿದೆ. ಇದನ್ನು ಮನೆಯ ಒಳಗೆ ಸೂರ್ಯನ ಬೆಳಕು ಬೀಳುವ ಕಿಟಕಿಗಳ ಬಳಿ ಇಡಬಹುದು.

ಪುದೀನಾ ಎಲೆಗಳ ಗಾಢವಾದ ವಾಸನೆ ಸೊಳ್ಳೆಗಳನ್ನು ದೂರವಿಡುತ್ತದೆ. ಒಂದು ವೇಳೆ ಸೊಳ್ಳೆ ಕಚ್ಚಿ ತುರಿಕೆಯಾಗುತ್ತಿದ್ದರೆ, ಪುದೀನಾ ಎಲೆಯ ರಸವನ್ನು ಹಚ್ಚುವುದರಿಂದ ಉಪಶಮನ ಸಿಗುತ್ತದೆ. ಇದನ್ನು ಸಣ್ಣ ಕುಂಡಗಳಲ್ಲಿ ಅಡುಗೆ ಮನೆಯ ಕಿಟಕಿಯ ಬಳಿಯೂ ಬೆಳೆಸಬಹುದು.