'ಮೈನಾ' ಬೆಡಗಿಯ ಮೌನವತಾರ

ನಿತ್ಯಾ ಮೆನನ್ ಅವರು ತಮ್ಮ ಇಡ್ಲಿ ಕಡಾಯಿ ಸಿನಿಮಾ ನಂತರ ಬ್ಯುಸಿ ಶೆಡ್ಯೂಲ್​ಗೆ ಬ್ರೇಕ್​ ಕೊಟ್ಟುಕೊಂಡಿದ್ದು, ಫೋಟೋ ಶೂಟ್ ಮಾಡಿಸಿಕೊಂಡಿದ್ದಾರೆ ಅವರ ಫೋಟೋಗಳಿಗೆ ನೆಟ್ಟಿಗರು ಎಂಥಾ ಚೆಲುವೆ ಎಂದು ಕಾಮೆಂಟ್ ಮಾಡಿದ್ದಾರೆ.

ಕಪ್ಪು ಮತ್ತು ಕಂಚು ಮಿಶ್ರಿತ ಬಟ್ಟೆಯನ್ನು ಧರಿಸಿರುವ ನಿತ್ಯಾಮೆನನ್ ಅದಕ್ಕೊಪ್ಪುವಂತೆ ದೊಡ್ಡ ನೆಕ್ಲೇಸ್ ಧರಿಸಿದ್ದಾರೆ. ಜೊತೆಗೆ ಹೇರ್​ ಮೇಲೆ ಬನ್ ಮಾಡಿ ಅದಕ್ಕೆ ನಾಲ್ಕೈದು ಗುಲಾಬಿಯನ್ನು ಸಿಕ್ಕಿಸಿಕೊಂಡಿದ್ದಾರೆ. ಇನ್ನು ಮುಖಕ್ಕೆ ಕ್ಲಾಸಿಯಾಗಿ ಮೇಕಪ್ ಮಾಡಿಕೊಂಡಿದ್ದು, ತುಟಿಗೆ ಹಚ್ಚಿರುವ ಕೆಂಪು ಬಣ್ಣದ ಲಿಪ್​ಸ್ಟ್ಇಕ್​ ಅವರ ಮುಖದ ಕಾಂತಿಯನ್ನು ಇನ್ನಷ್ಟು ಚಂದವಾಗಿಸಿದೆ.

ಮೈನಾ ಬ್ಯೂಟಿ ಹಂಚಿಕೊಂಡಿರುವ ಫೋಟೋಗೆ ಶೀರ್ಷಿಕೆ ಹೀಗಿದೆ, ಮುಖದಲ್ಲಾಗುವ ಪ್ರತಿ ಸಣ್ಣ ಬದಲಾವಣೆಗಳನ್ನು ಅತಿಯಾಗಿ ನಿಯಂತ್ರಿಸುವ ಇಂದಿನ ಜಗತ್ತಿನಲ್ಲಿ, ನಮ್ಮ ಈ ಫೋಟೋ ಶೂಟ್​ನ ದೃಷ್ಟಿಕೋನ ಹೀಗಿದೆ: ಮುಖದ ಸೌಂದರ್ಯವು ಕೇವಲ ಅದರ ಅಂಗರಚನೆಯಲ್ಲಿಲ್ಲ, ಅದು ಆ ವ್ಯಕ್ತಿಯ ಆತ್ಮಕ್ಕೆ ಸೇರಿದ್ದು ಎಂದು ಬರೆದುಕೊಂಡಿದ್ದಾರೆ.

ನಿತ್ಯಾ ಮೆನನ್ ಅವರು ಇತ್ತೀಚೆಗೆ ಸಿನಿಮಾಗಳಲ್ಲಿ ಕಡಿಮೆ ಕಾಣಿಸಿಕೊಂಡಿದ್ದಾರೆ. ಕಾಂಚನ-2, 100 Days Of Love, ಇಷ್ಕ್​​, ಇಡ್ಲಿಕಡಾಯಿ, ತಲೈವನ್ ತಲೈವಿ, ಕಾದಲಿಕ್ಕ ನೇರಮಿಲ್ಲೈ, ಜೋಶ್​, ಕೋಟಿಗೊಬ್ಬ2, ಬೆಂಗಳೂರು ಡೇಸ್, 7ಓ ಕ್ಲಾಕ್​​, ಅಧಿರಿಂದಿ ಸೇರಿದಂತೆ ಹಲವು ಸಿನಿಮಾದಲ್ಲಿ ನಟಿಸಿದ್ದಾರೆ.

ನಿತ್ಯಾ ಮೆನನ್ ಅವರು ಮೂಲತಃ ಬೆಂಗಳೂರಿನವರು, ಕನ್ನಡ ಬಲ್ಲವರಾಗಿದ್ದಾರೆ. ಆದರೆ, ಅವರು ಕನ್ನಡಕ್ಕಿಂತ ತಮಿಳು, ತೆಲುಗು ಮಲಯಾಳಂ ಸಿನಿಮಾದಲ್ಲಿ ನಟಿಸಿದ್ದಾರೆ. ವಿಜಯ್​, ಅಲ್ಲು ಅರ್ಜುನ್​​, ತಳಪತಿ ವಿಜಯ್​, ಜಯಂ ರವಿ, ಧನುಷ್​​, ದುಲ್ಕರ್​ ಸೇರಿದಂತೆ ಸ್ಟಾರ್​ ನಟರ ಜೊತೆ ಅವರು ಕಾಣಿಸಿಕೊಂಡಿದ್ದಾರೆ.

ಇತ್ತೀಚೆ ನಿತ್ಯಾ ಮೆನನ್ ಅವರು ಮದುವೆ ಆಗದೆ ಮಕ್ಕಳು ಹೆರಬಹುದು ಎಂದು ಹೇಳಿ ಸೋಶಿಯಲ್​ ಮೀಡಿಯಾದಲ್ಲಿ ಚರ್ಚೆಗೆ ಒಳಗಾಗಿದ್ದರು. ಮಕ್ಕಳನ್ನು ಪಡೆದುಕೊಳ್ಳಲು ಮದುವೆ ಮಾಡಿಕೊಳ್ಳಬೇಕು ಎನ್ನುವ ಕಟ್ಟಳೆ ಇಲ್ಲ. ಅದು ಮಹಿಳೆಯ ವೈಯಕ್ತಿಕ ಆಯ್ಕೆ ಎಂದು ಹೇಳಿದ್ದರು.